BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

اقتوبەلىك ۇستازدار اكىمنەن اقشالاي سىيلىق الدى

فوتو: aktobenews.kz

اقتوبە وبلىسىنىڭ اكىمى بەردىبەك ساپاربايەۆ ۇستازداردى ٴتول مەرەكەسىمەن قۇتتىقتادى، دەپ حابارلايدى baq.kz اقپارات اگەنتتىگى aktobenews.kz سايتىنا سىلتەمە جاساپ.

وبلىس اكىمى بەردىبەك ساپاربايەۆ ۇستازدىق – ەڭ ٴقادىرلى ماماندىقتاردىڭ ٴبىرى ەكەنىن ايتتى.

«سىزدەر بولاشاق ۇرپاقتى تاربيەلەيسىزدەر. عالىم دا، اكىم دە، مينيستر دە سىزدەردىڭ تاربيەلەرىڭىزدەن وتەدى. ەلباسى ٴار جولداۋىندا ٴبىلىم سالاسىنا ۇلكەن كوڭىل بولەدى. مەملەكەتتىك باعدارلامالار مەن ٴبولىنىپ جاتقان قارجىلار سونىڭ ايعاعى. وبلىس بيۋدجەتىنىڭ 40 پايىزى ٴبىلىم سالاسىنا ارنالعان. سالىنىپ جاتقان عيماراتتار مەن الىنىپ جاتقان قۇرال جابدىقتار تۋرالى دا بىلەسىزدەر. جاقىندا عانا ٴبىلىم جانە عىلىم مينيسترلىگى رەسپۋبليكامىزداعى ەڭ ۇزدىك 48 ۇستازدى ماراپاتتادى. ونىڭ بەسەۋى ٴبىزدىڭ وبلىستان. بۇل ٴبىز ٴۇشىن ۇلكەن جەتىستىك. ۇلتتىق ٴبىرىڭعاي تەستىلەۋ ناتيجەسى بويىنشا دا ٴبىزدىڭ وبلىس العاشقى بەستىكتە. ونىڭ بارلىعى سىزدەردىڭ ەڭبەكتەرىڭىزدىڭ جەمىسى. مەن وبلىس باسشىلىعى اتىنان جاساعان قىزمەتتەرىڭىز ٴۇشىن جانە قوعامدىق جۇمىستارعا اتسالىسقاندارىڭىز ٴۇشىن العىس ايتامىن»، - دەدى وبلىس اكىمى بەردىبەك ساپاربايەۆ.

«ۇزدىك پەداگوگ — 2018» رەسپۋبليكالىق بايقاۋىنىڭ جەڭىمپازدارى اكىمنىڭ 100 مىڭ تەڭگە سىياقىسىنا يە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي