BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

تۇركىستاننان ەلورداعا 400 توننا اۋىل شارۋاشىلىعى ونىمدەرى جول تارتتى

استانا قالاسىنىڭ 20 جىلدىق مەرەكەسىنە وراي، تۇركىستان وبلىسى تاۋاروندىرۋشىلەرىنىڭ اۋىل شارۋاشىلىعى ونىمدەرى باس قالا - استاناعا جونەلتىلدى، دەپ حابارلايدى baq.kz اقپارات اەگنتتىگى.

تامىز ايىنىڭ 11-12 كۇندەرى بولاتىن جارمەڭكەدە ساتىلاتىن اۋىل شارۋاشىلىعى ونىمدەرىنىڭ كولەمى 411 توننا.

تارقاتىپ ايتساق، 400 توننادان استام ٴونىمنىڭ ىشىندە 66 تونناسى ەت جانە ەت ونىمدەرى، 137 تونناسى كوكونىس، 27 تونناسى ٴسۇت ونىمدەرى، 39 توننا جەمىس-جيدەك، 20 توننا كارتوپ، 5 مىڭ دانا، 5 توننا بالىق، 4 توننا بال (اسەل)، 5 توننا كەپتىرىلگەن جەمىس، 4 توننا ٴتۇرلى كونسەرۆىلەر جانە 28 توننا باسقا دا ونىمدەر. جالپى قۇنى 101 ملن تەڭگەنى قۇرايتىن ونىمدەر ەلوردا تورىندە نارىق باعاسىنان 15-20 پايىزعا ارزان ساۋدالانباق.

ۇيىمداستىرۋشىلاردىڭ ۇيعارىمى بويىنشا وتاندىق ونىمدەرىمىز قالا تۇرعىندارى مەن قوناقتارىنا جارمەڭكە ارقىلى ۇسىنىلادى. تۇركىستان وبلىسىنىڭ استانا قالاسىنىڭ 20 جىلدىق مەرەكەسى اياسىندا 5 رەت جارمەڭكە وتكىزۋى جوسپارلانعان. بۇل ساپار سونىڭ ٴۇشىنشى تولقىنى دەۋگە بولادى.

جالپى، استانادا ۇيىمداستىرىلىپ جاتقان اۋىل شارۋاشىلىعى ونىمدەرىنىڭ بەس جارمەڭكەسىندە تۇركىستاندىق شارۋالار 14753 توننانى قۇرايتىن اۋىل شارۋاشىلىعى ونىمدەرىن جونەلتەتىن بولادى. وسى ماقساتتا وبلىستان 35 ٴىرى جانە قوسالقى شارۋا قوجالىقتارى مەن كاسىپورىندارى ىرىكتەلىپ، دايىندىق جۇمىستارى كۇشەيتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي