BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

تۇركىستان وبلىسىنىڭ جارمەڭكەسىنە استانالىقتار نە ٴۇشىن اسىعادى

فوتو: Нұржас Жақсыбай

بۇگىن استانادا ەلوردانىڭ 20 جىلدىق مەرەيتويىنا وراي تۇركىستان وبلىسىنىڭ تاۋار وندىرۋشىلەرىنىڭ جارمەڭكەسى باستالدى. قالا تۇرعىندارى مەن قوناقتارى 11-12 تامىزدا «قازاقستان» سپورت كەشەنى الدىنداعى الاڭدا وڭتۇستىك ونىمدەرىن تومەن باعادا ساتىپ الا الادى، دەپ حابارلايدى baq.kz ٴتىلشىسى.

تۇركىستان وبلىسى اۋىل شارۋاشىلىعى باسقارماسىنىڭ باسشىسىنىڭ ورىنباسارى نۇرجىگىت مىرزاحمەتوۆتىڭ ايتۋىنشا جارمەڭكەدە تاۋارلار بەلگىلەنگەن باعادان 15-30%-عا تومەن باعادا ساتىلىپ جاتىر.

«استانا قالاسىنىڭ 20 جىلدىق مەرەكەسىنە وراي جانسەيىت تۇيمەبايەۆتىڭ تاپسىرماسىمەن بيىل ٴۇشىنشى رەت جارمەڭكە وتكىزىپ وتىرمىز. قالا تۇرعىندارى مەن قالا قوناقتارىنا تۇركىستان وبلىسىنىڭ ٴوندىرىپ جاتقان ونىمدەرىن، ٴوسىپ جاتقان كوكونىستەرى مەن جەمىستەرىن 15 پايىزدان 30 پايىزعا دەيىن تومەندەتىپ ساتۋدامىز. ايتا كەتەتىندەي، تۇركىستان وبلىسىندا 2800 گا ينتۋيتيۆتىك باۋى، 29000-عا جۋىق كوكونىس باۋى، 1325 گا جىلىجايىمىز بار. اكەلىنگەن 411 توننا ٴونىم 101 ميلليونعا جۋىق قارجىعا الىنىپ، وسىندا ساۋدالانادى. استانا قالاسىنىڭ اكىمدىگى باعانى قويادى، ٴبىز سول باعامەن كەلىسىپ، تاۋار وندىرۋشىلەردىڭ باسىن بىرىكتىرىپ الىپ كەلىپ، سول باعامەن ساتامىز. وزدەرىڭىز كورىپ وتىرعانداي، جەمىس-جيدەككە، كوكونىسكە، قاۋىن-قاربىزعا تۇرعىندار ۇلكەن قىزىعۋشىلىق تانىتىپ وتىر»، - دەدى مىرزاحمەتوۆ.

فوتو: نۇرجاس جاقسىباي

ال تۇركىستان قالالىق اۋىل شارۋاشىلىعى بولىمىندە سەكتور ٴبولىمىنىڭ مەڭگەرۋشىسى باقىتجان بيماحامبەت بولسا وبلىس ورتالىعىنىڭ جارمەڭكەگە كوكونىس، جەمىس-جيدەكتەن بولەك جەرگىلىكتى ٴسۇت ونىمدەرىن اكەلىپ وتىرعانىن اتاپ ٴوتتى.

«ٴار كەلگەندە 25-30 توننا جەمىس-جيدەك، كوكونىس، باقشا ونىمدەرىن اكەلەمىز. ادامدار كەلىپ، جاقسى ساتىپ الىپ جاتىر. ونىمدەردىڭ ٴبارى ساپالى، ٴتيىستى مەكەمەلەر تالاپقا ساي ەكەنىن انىقتاپ، تەكسەرىپ كەتتى. تۇركىستان ٴوزى وندىرەتىن ٴسۇت ونىمدەرى، سونىڭ ىشىندە «تۇران» شارۋا قوجالىعى پاستەرلەنگەن ٴسۇت، قايماق، سۇزبە، ىرىمشىگىن اكەلىپ وتىر. جاقىندا بىزدە قىتاي مەن قازاقستان كاسىپكەرلەرى بىرلەسكەن حالىقارالىق دەڭگەيدە تۇيە سۇتىنەن قۇرعاق جانە تابلەتكا تۇرىندەگى ٴسۇت وڭدەيتىن زاۋىت اشىلايىن دەپ جاتىر»، - دەدى ول.

جارمەڭكەگە تاڭەرتەڭنەن كەلگەن جۇرتتىڭ قاراسى كوپ. ولاردىڭ وڭتۇستىكتىڭ جەمىس-جيدەگى مەن قاۋىن-قاربىزىن الۋعا اسىعىپ كەلگەنى جاسىرىن ەمەس. سولاردىڭ ٴبىرى قالا تۇرعىنى سەرىك قىلىش ۇلى توساپ قايناتۋى ٴۇشىن 10 كەلىدەي جەمىس العانىن ايتادى.

«تۇركىستان وبلىسى جاڭادان قۇرىلىپ جاتىر. سول ٴۇشىن دە قۇتتى بولسىن ايتامىن. استاناعا كەلىپ حالىققا سول جەردىڭ جەمىس-جيدەگىن، اۋىل شارۋاشىلىعى ونىمدەرىن ۇسىنىپ جاتقاندارىڭا راحمەت. ٴارى ارزان، حالىق ٴبىر قۋانىپ قالاتىن بولدى»، - دەدى قالا تۇرعىنى.

ايتا كەتسەك، جارمەڭكەگە 35-تەن استام اۋىل شارۋاشىلىعى تاۋار وندىرۋشىلەرى قاتىسىپ جاتىر. استاناعا سوناۋ تۇركىستان وبلىسىنىڭن قۇنى 101 ميلليون تەڭگەنى قۇرايتىن 411 توننا ازىق-تۇلىك ونىمدەرى اكەلىنگەن. سونىڭ ىشىندە ەت ونىمدەرى – 66 توننا، كوكونىس – 137 توننا، جەمىس-جيدەك – 39 توننا، ٴسۇت ونىمدەرى 27 – توننا، كارتوپ – 20 توننا، جۇمىرتقا – 5 مىڭ دانا، بالىق – 5 توننا، بال – 4 توننا، كەپتىرىلگەن جەمىس – 5 توننا، ٴتۇرلى كونسەرۆىلەر – 4 توننا، باسقا دا ونىمدەر – 28 توننا.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي