BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

شپەكبايەۆ استاناعا العاش كەلگەن كەزىن ەسكە الدى 

استانا باس قالا اتانعان كەزدە ەلورداعا العاش قونىس اۋدارعانداردىڭ ٴبىرى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى اليك شپەكبايەۆ قالانىڭ دامۋىنا ۇلەس قوسقان استانالىقتارعا العىسىن ايتتى، دەپ حابارلايدى baq.kz ٴتىلشىسى.

«1997 جىلى استاناعا العاش كەلگەندەردىڭ ٴبىرىمىن. كۇزدە كەلگەنىمىزدە 200 مىڭ تۇرعىنى بار شەت ايماقتاعى قالا بولدى. بۇگىندە 20 جىل بولعان قالادا 1 ميلليون 200 مىڭنان استام ادام تۇرادى. ٴبىزدىڭ قالامىزدىڭ دامۋىنا، گۇلدەنۋىنە ۇلكەن ۇلەس قوسقان استانالىقتارعا العىس ايتقىم كەلەدى»، - دەدى شپەكبايەۆ.

ول باسقا قالادان استاناعا كەلگەندە ٴبىر ايدا شاعىن اۋداندار بوي كوتەرگەنىنە تاڭعالعانىن ايتتى.

«مۇنى نە ٴۇشىن ايتىپ وتىرمىن، ماحاببات قالاسى – ەرەۆانعا 2800 جىل، ال ٴبىزدىڭ قالامىزعا بار-جوعى 20 جىل. وسىدان كەيىن استانادا تۇراتىنىم ٴۇشىن بويىمدى ماقتانىش كەرنەدى»، - دەدى ول.

«ينۆەستورلار، شەتەلدىكتەر سالعان اقشانىڭ ناتيجەسىن ٴبارىمىز كورىپ وتىرمىز. مۇندا تۇرعىن ۇيلەر عانا ەمەس، الەۋمەتتىك نىساندار، جۇمىس ورىندارى اشىلاتىن كاسىپورىندار قۇرىلىپ جاتىر. مۇنىڭ ٴبارى استانا تۇرعىندارىنىڭ عانا ەمەس، ەل ازاماتتارىنىڭ جاعدايىن جاقسارتۋ ماقساتىندا اتقارىلىپ جاتىر»، - دەدى اگەنتتىك ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي