BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

شەتەل فوتوگرافتارى استانانى ٴارتۇرلى قىرىنان سۋرەتكە ٴتۇسىردى

فوتو: Бауыржан Жуасбаев

بۇگىن استانانىڭ 20 جىلدىق مەرەيتويىنا وراي ەلوردادا شەتەلدىك جانە وتاندىق كاسىبي فوتوگرافتاردىڭ قاتىسۋىمەنەن ٴىى «pphotofest.kz» حالىقارالىق فوتوفەستيۆالى باستالدى. شارا اياسىندا «بايتەرەك» مونۋمەنتىنىڭ الدىندا «استانا الەم فوتوگرافتارىنىڭ وبەكتيۆىندە» فوتوكورمەسى اشىلدى، دەپ حابارلايدى baq.kz ٴتىلشىسى.

استاناعا ارنايى كەلگەن فوتوگرافتار 5-8 شىلدە ارالىعىندا قازاقستان ەلورداسى استانانىڭ كورىكتى جەرلەرىن سۋرەتكە ٴتۇسىردى. بيىلعى فەستيۆالدىڭ ەرەكشەلىگى 20 فوتوگراف ناقتى 20 باعىت بويىنشا جۇمىس ىستەدى. قالانىڭ الەۋمەتتىك-ەكونوميكالىق، مادەني-رۋحاني كەلبەتىن جان-جاقتى قامتىدى.

كورمەگە قىتاي، جاپونيا، فرانسيا، يتاليا، گەرمانيا، انگليا، رەسەي، ارمەنيا، ازەربايجان سىندى ەلدەردەن كەلگەن جانە وتاندىق كاسىبي فوتوگرافتاردىڭ ەڭ ۇزدىك شىققان 200-گە جۋىق تۋىندىسى قويىلدى.

«بۇكىل الەمگە تانىلعان رەيتينگى وتە جوعارى شەتەلدىك فوتوگرافتار قازاقستانعا كەلىپ، بىرنەشە كۇننىڭ ىشىندە استانامىز تۋرالى جاقسى تۋىندىلار شىعارۋعا مۇمكىندىك الدى. ٴبىزدىڭ مادەني، رۋحاني ومىرىمىزدە بولىپ جاتقان جاعدايلاردى، ەلوردانىڭ تابيعاتى مەن وسىنداي عيماراتتاردى ٴوز كوزدەرىمەن كورىپ تۇسىرگەننەن كەيىن سول تۋىندىلاردى بىزگە پاش ەتەدى. فەستيۆالدە شەتەلدىك فوتوگرافتاردىڭ كوزىمەن تۇسىرىلگەن استانانىڭ جاڭا كورىنىستەرىن ينتەرنەت ارقىلى جاريالاپ، استانانىڭ 20 جىلدىعىندا بولىپ جاتقان ٴىس-شارالاردى كەڭىنەن كورسەتۋگە، بۇكىل الەمگە پاش ەتۋگە ۇلكەن مۇمكىندىك تۋىپ تۇر. بۇل بايقاۋدان كۇتەرىمىز وتە كوپ. ونەر تۋىندىلارى بولعان سوڭ ولاردى وزگە مەملەكەتتەرگە اپارىپ، استانانىڭ كورىنىستەرىن كورسەتۋ مۇمكىن بولماق»، - دەدى قر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ.

ال فوتوفەستيۆالدىڭ ساراپتاۋ كوميسسياسىنىڭ مۇشەسى فوتوگراف اندرەي مارتىنوۆ بىلتىرعى تابىستى وتكەن فەستيۆالدەن سوڭ بيىل شارانىڭ گەوگرافياسى كەڭەيگەنىن اتاپ ٴوتتى.

«بىلتىرعى وتكەن العاشقى فەستيۆالدە ىلگەرىلەۋ جوعارى بولدى. بيىل ودان دا كوپ فوتوگرافتار كەلىپ شارانىڭ اۋقىمى كەيەيە ٴتۇستى. ولار استانانىڭ تىنىس-تىرشىلىگىن فوتوعا ٴتۇسىردى. بۇدان بولەك ٴارقايسىسى ەلدەرىنە بارعان سوڭ قازاقستاننىڭ ەلورداسى تۋرالى العان ارسەلەرىن ايتاتىن بولادى»، - دەدى ول.

فەستيۆال قاتىسۋشىلارىنىڭ اراسىندا قازاقستان پرەزيدەنتى نۇرسۇلتان نازاربايەۆتىڭ ەرەكشە سۋرەتىن ٴتۇسىرىپ، تانىمالدىلىققا يە بولعان ارمەنيا پرەزيدەنتىنىڭ جەكە فوتوگرافى داۆيد اكوپيان مەن سۋرەتتى ٴتۇسىرۋدىڭ ەرەكشە ادىستەرىمەن ٴوز برەندتەرىن قالىپتاستىرىپ ۇلگەرگەن ماسكەۋلىك ۆالەرا جانە ناتاليا چەركاشيندەر بار.

«مەن ٴدىن تاقىرىبىندا فوتوعا ٴتۇسىردىم. مەشىت پەن شىركەۋدى، نازاربايەۆ ۋنيۆەرسيتەتى وبەكتيۆىمە ٴىلىندى. ۋنيۆەرسيتەت ماعان قاتتى ۇنادى. سىزدەردە سونداي عاجاپ، ۇلكەن ۋنيۆەرسيتەت بار ەكەن. ٴدىن ماعان قىزىقتى، شىعارماشىلىق تاقىرىپ سياقتى كورىنەدى. قازاقستاندا ٴارتۇرلى ٴدىن وكىلدەرى بەيبىت ٴارى دوستىق قارىم-قاتىناستا ٴومىر سۇرەدى. سونى كورسەتكىم كەلدى، سەبەبى بارلىق ەلدە ولاي ەمەس»، - دەدى اكوپيان.

چەركاشيندەر بولسا قازاقستان تاراپىنان فەستيۆالگە شاقىرۋ العان سوڭ استانا تۋرالى فيلم كورگەندەرىن، شاقىرۋدى ويلانباستان قابىلداعاندارىن ايتتى. ولار تۇسىرگەن سۋرەتتەردى photoshop-پەن وڭدەيتىندەرىن اتاپ ٴوتتى.

شارانىڭ رەسمي اشىلۋىندا فوتوفەستيۆالدىڭ ساراپتاۋ كوميسسياسى الەمدىك فوتوگرافتاعا ەلەۋلى ەڭبەكتەرى ٴۇشىن العىس ٴبىلدىرىپ، ولارعا ارنايى سەرتيفيكاتتار تابىستادى.

ٴىس-شارا قر مادەنيەت جانە سپورت مينيسترلىگىنىڭ باستاماسىمەن ٴوتىپ جاتىر. حالىقارالىق فوتوكورمە 1 اي جالعاسادى.

فوتو: باۋىرجان جۋاسبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي