BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

شاياندا استانانىڭ 20 جىلدىعىنا 20 تۇرعىن ٴۇي پايدالانۋعا بەرىلەدى

بايدىبەك اۋدانىندا استانانىڭ 20 جىلدىق مەرەكەسىنە وراي، 20 وتباسىعا 20 تۇرعىن ٴۇيدىڭ كىلتى تاپسىرىلدى. سونىمەن قاتار، اۋدان ورتالىعى شايان اۋىلىندا 55 گەكتار جەر تەلىمىنىڭ ينجەنەرلىك-كوممۋنيكاسيالىق ينفراقۇرىلىمىنىڭ لەنتاسى قيىلدى، دەپ حابارلايدى baq.kz اقپارات اگەنتتىگى.

سالتاناتتى شارادا اۋدان اكىمى ب.تاناگوزوۆ تۇرعىنداردىڭ قۋانىشىمەن ٴبولىستى. بۇل يگى ىستەر مەملەكەت باسشىسىنىڭ سارابدال ساياساتى مەن وبلىس اكىمدىگىنىڭ جۇيەلى جۇمىسىنىڭ ارقاسىندا اتقارىلعانى ايتىلدى.

20 تۇرعىن ٴۇيدىڭ ٴبىرىن يەلەنگەن جالعىز باستى قارت انا ل.بەرەزوۆسكايا مەن اۋداندىق ورتالىق اۋرۋحانانىڭ دارىگەرى ج.بەيسەنوۆ اۋدان باسشىلىعىنا ٴوز العىستارىن ٴبىلدىرىپ، باسپانالارىنا قوناققا شاقىردى. بۇل ۇيلەر «استانانىڭ 20 جىلدىعىنا – 20 نىسان» اكسياسى اياسىندا اشىلىپ وتىر.

ايتا كەتەرلىگى، بايدىبەك اۋدانىندا جەكە قۇرىلىسشى مەردىگەرلەردىڭ ەسەبىنەن 2 قاباتتى 10 پاتەرلى 3 قىزمەتتىك تۇرعىن ٴۇيدىڭ قۇرىلىسىنا جوبالىق-سمەتالىق قۇجاتتاماسى ازىرلەنىپ، ارنايى ساراپتامادان ٴوتىپ جاتىر. بيىل شايان، مىڭبۇلاق، بورالداي ەلدى مەكەندەرىندە وسى ۇيلەردىڭ قۇرىلىسى باستالادى. سونىمەن قاتار، اۋدان ورتالىعىنان سالىناتىن 2 قاباتتى 16 پاتەرلى 5 تۇرعىن ٴۇيدىڭ قۇرىلىسىنا جوبالىق-سمەتالىق قۇجاتتاماسى ازىرلەنۋدە.

ال، «نۇرلى جەر» باعدارلاماسى اياسىندا ازاماتتاردى جەكە تۇرعىن ۇيگە قاجەتتى جەر تەلىمدەرىمەن قامتاماسىز ەتۋ ماقساتىندا قۇرىلىسى جۇرگىزىلگەن 55 گەكتار جەر تەلىمىنىڭ ينجەنەرلىك كوممۋنيكاسيالىق ينفراقۇرىلىمىندا 326 ۋچاسكە بەلگىلەنگەن. ەندى شايان اۋىلدىق وكرۋگىندەگى كەزەكتە تۇرعان 1020 تۇرعىننىڭ 326-ى وسى جەر تەلىمىمەن قامتاماسىز ەتىلەتىن بولدى. سونىمەن قاتار، سول ۋچاسكەدە باس جوسپارعا سايكەس، مەكتەپ پەن بالاباقشا بوي كوتەرەدى. اتالعان جەر ۋچاسكەسىندە اياق جول جانە اۆتوكولىك جولدارى، سۋاعارلار سالىنعان، اۋىز سۋ قۇبىرى تارتىلىپ، ەلەكتر ەنەرگياسىمەن قامتاماسىز ەتىلگەن. الداعى ۋاقىتتا وسى اۋماقتا شاڭا شاعىناۋدان پايدا بولعالى تۇر.

الداعى ۋاقىتتا اۋدان ورتالىعىندا باس جوسپارعا سايكەس تاعى دا 100 گەكتار جەرگە ينجەنەرلىك-كوممۋنيكاسيالىق ينفراقۇرىلىمىنىڭ قۇرىلىسى جۇرگىزىلىپ، كەزەكتە تۇرعان ازاماتتارعا بەرىلمەك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي