BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

پاۆلوداردا مۋزەي جادىگەرلەرى «ٴتىرىلدى»

فوتو: Автор

گ.پوتانين اتىنداعى پاۆلودار وبلىستىق تاريحي-ولكەتانۋ مۋزەيىندە وتكەن «مۋزەيدەگى ٴتۇن» شاراسىندا جادىگەرلەر «ٴتىرىلدى»، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ٴداستۇرلى شارا بارىسىندا قالا تۇرعىندارى تاس داۋىرىندەگى ادامدار، پاۆلودار ٴوڭىرىن مەكەن ەتكەن العاشقى ادامدار، قازاق حاندىعىنىڭ جاۋىنگەرلەرى، كەڭەس داۋىرىندە ٴومىر سۇرگەن ازاماتتار مەن ۇلى وتان سوعىسىندا ەل ٴۇشىن وتقا تۇسكەن مايدانگەرلەردى كورىپ، قولمەن ۇستاۋ مۇمكىندىگىنە يە بولدى.

ايتا كەتەيىك، مۋزەي 1896 جىلى سالىنعان عيماراتتا ورنالاسقان. بۇل – سول زاماندا ەرتىس وڭىرىندە تۇرعان كوپەس ا.دەروۆتىڭ ساۋدا ٴۇيى. كەيىنگى جىلدارى عيمارات ساياسي، مادەني، ٴتىپتى، مەديسينالىق باعىتتا قىزمەت اتقارعان. ماسەلەن، ۇلى وتان سوعىسى جىلدارى بۇل عيماراتتىڭ بىرنەشە بولمەسىندە ەۆاگوسپيتال ورنالاسىپتى. ال 1977 جىلى 100 شارشى مەتردى الىپ جاتقان ەكى قاباتتى نىسان حالىق دەپۋتاتتارى كەڭەسىنىڭ شەشىمىمەن مۋزەي يەلىگىنە بەرىلدى.

بيىلعى جىلى اۋقىمدى شارا پاۆلودار وبلىسىنىڭ 80 جىلدىعى مەن استانا قالاسىنىڭ 20 جىلدىعىنا ارنالدى.

شارا بارىسىندا ٴار جادىگەر ٴوز تاريحى تۋرالى اڭگىمەلەدى. مۋزەي تۇنىندە قىپشاق قاعاناتىنىڭ جاۋىنگەرلەرى مەن پاتشايىمدارى مۋزەي ىشىندە سەرۋەندەپ ٴجۇردى. بۇل رولدەردىڭ بارلىعىن مۋزەي قىزمەتكەرى شەبەر سومدادى.

تاريحي-ولكەتانۋ مۋزەيى ەكسكۋرسيالىق-بۇقارالىق ٴبولىم جەتەكشىسى كۇلاش شايدۋللينانىڭ ايتۋىنشا، شارانى ۇيىمداستىرۋعا 200 ادام اتسالىستى. ولاردىڭ قاتارىندا مادەنيەت ماماندارى، ستۋدەنتتەر مەن وقىتۋشىلار بار.

«وسى جولى ٴتۇرلى داۋىرلەرگە تيەسىلى جادىگەرلەر ٴتىرىلدى. سونىمەن قاتار، ٴبىز پاۆلودار وبلىسىنىڭ كيەلى جەرلەرىن تانىستىردىق. «رۋحاني جاڭعىرۋ» باعدارلاماسى بويىنشا ەكىباستۇز وڭىرىندەگى اۋليكول ەسكەرتكىشى، ٴماشھۇر ٴجۇسىپ مەشىتى تۋرالى كەڭىنەن ايتىلدى. وسى شارا بارىسىندا تۇرعىندار xix عاسىردا ٴومىر سۇرگەن ٴدىني اعارتۋشى يسابەك يشان جانە وزگە ايگىلى تۇلعالارمەن تانىستى»، - دەيدى مامان.

ايتا كەتەيىك، بيىل «مۋزەيدەگى ٴتۇن» شاراسى بارىسىندا كەلۋشىلەر ەرتىس وڭىرىندە 18 عاسىردا ەسىمى قازاق دالاسىنا ٴماشھۇر بولعان سۇلتانبەت سۇلتان تۇرعان قىستاقتىڭ كوشىرمە عيماراتىمەن تانىستى. ٴا.مارعۇلان اتىنداعى عىلىمي ورتالىقتىڭ اۋماعىندا ورىن تەپكەن تاريحي نىسان جانىنان ەكى عىلىمي زەرتحانا اشىلدى. ايتا كەتەيىك، سۇلتان تۇرعان نىساندى ٴۇش عاسىر بۇرىن يسپان پاتشالارىنىڭ ۇرپاعى ياكوۆ دە كاسترو لاسەردا سالىپ بەرگەن.

ورتالىق مامانى ەڭلىك ابەۋوۆانىڭ ايتۋىنشا، ٴۇش عيماراتتان تۇراتىن مەموريالدى كەشەن تاريحي تۇلعانىڭ ٴومىرى تۋرالى سىر شەرتەتىن شاعىن مۇراجايعا اينالدى.

«سۇلتانبەت سۇلتان – قازاق حاندىعىنىڭ رەسەيمەن ىنتىماقتاستىق قارىم-قاتىناسىن ورناتقان ديپلوماتتاردىڭ ٴبىرى. سونىمەن قاتار، قازاق-قىتاي اراسىنداعى كەلىسپەۋشىلىكتى شەشۋدە مامىلەگەر رەتىندە تانىلعان. جوڭعار شاپقىنشىلىعى كەزىندە ونىڭ مۇرىندىق بولۋىمەن 50 مىڭ قول اسكەر جيناپ بەرگەنىن تاريحي دەرەكتەر دالەلدەيدى»، - دەيدى مامان.

ەسكە سالا كەتەيىك، «مۋزەيدەگى ٴتۇن» وسىمەن 11-رەت ۇيىمداستىرىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي