BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

پاۆلودار وبلىسىنان كەلگەن بالالار استانا قالاسىن تاماشالاۋدا

فوتو: Нұржас Жақсыбай

استاناعا پاۆلودار وبلىسىنان بالالار كەلىپ، قالانىڭ كورىكتى جەرلەرىن تاماشالاۋدا. «استانا – مەنىڭ وتانىمنىڭ ەلورداسى» اتتى الەۋمەتتىك جوبا قالالىق اكىمدىكتىڭ ۇيىمداستىرۋىمەن استانانىڭ 20 جىلدىق مەرەيتويى اياسىندا ٴوتىپ جاتىر، دەپ حابارلايدى baq.kz ٴتىلشىسى.

قازاقستاننىڭ بارلىق ايماعىنداعى از قامتىلعان وتباسىلاردان، اتا-انانىڭ قامقورلىعىنسىز قالعان، مۇمكىندىگى شەكتەۋلى، سونداي-اق وليمپيادا مەن ٴارتۇرلى بايقاۋلاردا جەڭىمپاز بولعان 1000 وقۋشى استاناعا كەلىپ، ٴۇش كۇندىك تۋرعا قاتىسادى.

وسى ۋاقىتقا دەيىن الماتى وبلىسى مەن اقمولا وبلىسىنىڭ بالالارى كەگەن. ال كەشە پاۆلودار، ەكىباسۇز، اقسۋ قالاسىنىڭ بالالارى كەلدى.

«بۇگىن بالالار «استانا-تايتەرەك» مونۋمەنتىن تاماشالاپ، حان شاتىرعا بارادى. تۇستەن كەيىن ۇلتتىق مۋزەيگە، حازىرەت سۇلتان مەشىتىنە، تاۋەلسىزدىك الاڭىنا جانە باسقا دا مادەني نىساندارعا بارىپ، عيماراتتاردىڭ سالىنۋ تاريحىمەن تانىسادى. قالانىڭ قاي جەرىنە باراتىنى تۋرالى جازىلعان باعدارلاما بالالاردىڭ قاي ۋاقىتتا كەلىپ، قاي ۆوكزالدان تۇسەتىنىنە بايلانىستى («استانا 1» ۆوكزالى نەمەسە «نۇرلى جول» ۆوكزالى – اۆت.) وزگەرىپ وتىرادى. بۇل بالالار كەشە تاڭعى جەتى جارىمدا كەلدى. بارلىعى 34 بالا، ونىڭ 190-ى – مۇمكىندىگى شەكتەۋلى بالا، ال ٴ15-ى – از قامتىلعان وتباسىنان شىققان بالا»، - دەيدى گيد ەركىن تۇرعاناليەۆ.

جان-جاعىنا تامسانا قاراپ، قۋانىشقا بولەنگەن بالالار العان اسەرلەرىمەن ٴبولىستى.

«ٴبىز ەكىباستۇز قالاسىنان كەلدىك. كەشەدەن بەرى قالانى ارالاپ، قىدىرىپ ٴجۇرمىز. ساياباققا بارىپ، قايىققا وتىردىق. «ailand» دەمالىس ورتالىعىنا باردىق. ول جەر بىزگە وتە ۇنادى»، - دەيدى نۇرعانات جىگەروۆ.

الداعى ۋاقىتتا اتالعان الەۋمەتتىك جوبا بويىنشا قازاقستاننىڭ باسقا دا ايماقتارىنان بالالار كەلەدى.

ۆيدەو: نۇرجاس جاقسىباي

بايتەرەك مونۋمەنتىندە استاناعا قوناققا كەلگەن وقۋشىلار اراسىنداعى مىنا ٴبىر بالا نازار اۋدارتپاي قويمادى. بالالىق اق كوڭىلىمەن تىلەك تىلەپ تۇرعان ونىڭ جانىنا بارىپ «قانداي ارمانىڭ بار؟»، «قانداي تىلەگىڭ بار؟» دەپ سۇراق قويىپ، كوڭىلىن الاڭداتپاۋدى ٴجون كوردىك...

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي