BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاريجدە بالالار بايقاۋىنىڭ جەڭىمپازدارى ماراپاتتالدى

فوتو: ҚР СІМ

فرانسياداعى قازاق دياسپوراسىنىڭ باستاماسىمەن جانە قازاقستان ەلشىلىگىنىڭ قولداۋىمەن قازاق-تۇرىك قاۋىمداستىعىنىڭ مادەني ورتالىعىندا «استانا بالالار كوزىمەن» تاقىرىبىندا سۋرەت سالۋدان بايقاۋ وتكىزىلدى، دەپ حابارلايدى baq.kz اقپارات اگەنتتىگى قر ٴسىم ٴباسپاسوز قىزمەتىنە سىلتەمە جاساپ.

شىعارماشىلىق بايقاۋعا 7-17 جاس ارالىعىنداعى فرانسيادا تۇراتىن قازاق بالالارى قاتىستى. بارلىعى 19 جۇمىس ۇسىنىلدى.

قازاقستاننىڭ فرانسياداعى ەلشىسى جان عاليەۆ ماراپاتتاۋ كەزىندەگى ٴوز سوزىندە وسىنداي دارىندى بالالاردى تاربيەلەگەن اتا-انالارعا العىس ايتىپ، مەرەكەلىك ٴىس-شارانىڭ بارلىق قاتىسۋشىلارىن استانا كۇنىمەن قۇتتىقتادى. ەلشى ٴوز سوزىندە استانا ەل بىرلىگىنىڭ سيمۆولى، بۇكىل قازاقستاننىڭ سەرپىندى، ٴارى تۇراقتى دامۋىنىڭ ايعاعى ەكەنىن اتاپ ٴوتتى. ونىڭ ايتۋىنشا، ٴدال وسىنداي ٴىس-شارالاردا بالالار اراسىندا قازاقستاندىق ٴپاتريوتيزمدى قالىپتاستىرۋ جانە «ماڭگىلىك ەل» ۇلتتىق يدەياسىن جۇزەگە اسىرۋ نەگىزى قالانادى.

«كونكۋرسقا قاتىسقان كوپتەگەن بالالار استانادا بولعان ەمەس. بۇل ەلوردانىڭ باستى كورىكتى جەرلەرىن سۋرەتتەپ سالۋدا بالالارعا كەدەرگى بولعان جوق. بايقاۋدىڭ ماقساتى – بالالارعا ٴپاتريوتيزمدى، تۋعان جەر مەن استاناعا دەگەن سۇيىسپەنشىلىكتى دارىپتەۋ. سۋرەتتەرى ارقىلى بالالار استانا كۇنىن اتاپ وتۋگە ٴوز ۇلەستەرىن قوسقىسى كەلدى»، - دەدى دياسپورا جەتەكشىلەرىنىڭ ٴبىرى تابارىك دوگۋ.

فاتماگۇل اپاك (1-ورىن)، ەمرە تۇرسىن (2-ورىن) جانە كەرىم الدۇرسىن (3-ورىن) بايقاۋدىڭ جەڭىمپازدارى اتاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي