BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

ماسكەۋلىك تەاتر استانانىڭ 20 جىلدىعىنا وراي سپەكتاكل قويادى

فوتو: kapital.kz

ماسكەۋ تاۋەلسىز تەاترى استاناعا گاسترولمەن كەلىپ، ەلوردانىڭ 20 جىلدىعى قارساڭىندا كورەرمەندەر نازارىنا «ماستەر ي مارگاريتا» سپەكتاكلىن ۇسىنادى. ميحايل بۋلگاكوۆتىڭ تەاتر اكتەرلەرىنىڭ ورىنداۋىنداعى جاڭا ۇلگىدەگى ولمەس تۋىندىسى – سۇرانىسقا يە قويىلىمداردىڭ ٴبىرى. سپەكتاكل 40-تان استام مەملەكەتتە كورسەتىلگەن. استاناداعى قويىلىم 27 ساۋىردە ساعات 19:00-دە م. گوركيي اتىنداعى مەملەكەتتىك اكادەميالىق ورىس دراما تەاترىندا وتەدى، دەپ حابارلايدى baq.kz اقپارات اگەنتتىگى.

اڭىزعا اينالعان سپەكتاكلدە ۆلاديمير ستەكلوۆ، ناتاليا گونچاروۆا، دميتريي بەلىي، سەرگەي ۆەكسلەر، ۆيكتور چەرنەنكو، يننا روششينا، پاۆەل بەسسونوۆ، الەكسەي سولودياكين سىندى اكتەرلەر وينايدى. قويۋشى-رەجيسسەر – رەسەي حالىق ٴارتيسى ۆالەريي بەلياكوۆيچ.

ەرەكشە، بىرەگەي، تاماشا. ناعىز ميستيكالىق قويىلىم ساحنالانعاندا كورەرمەندەر ناق وسىنداي سەزىمگە بولەنەدى. رەجيسسەر ٴساتتى ويلاپ تاپقان ميزانسسەنالار، ٴبيدىڭ كوپتىگى، ادەمى كوستيۋمدەر، لازەرلىك شوۋ، جارىق بويىنشا سۋرەتشىنىڭ شەبەرلىگى مەن اكتەرلەردىڭ ويىنى بۇرىن-سوڭدى مۇمكىن ەمەس بولىپ كورىنگەندى جۇزەگە اسىرادى: بۋلگاكوۆتىڭ ەڭ تانىمال سپەكتاكلىنە ساحنادا جان بىتەدى. شىعارمانىڭ تەاترلىق نۇسقاسى ٴتۇپنۇسقادان ەش كەم ەمەس. كورەرمەندەر قويىلىم مەن اكتەرلەردىڭ ويىنى ارقاسىندا 30-شى جىلدارداعى ەسكى ماسكەۋگە تۇسەدى. ونىڭ تۇرمىسى دا، اتموسفەراسى دا، تۇستەرى دە، ٴتىپتى ٴيىسى دە سول بۇرىنعىشا. اكتەرلەردىڭ شەبەرلىگى، مۋزىكانىڭ سيقىرلى دىبىستارى كورەرمەندى ەلىكتىرىپ، ٴتانتى ەتەدى.

ماسكەۋ تاۋەلسىز تەاترىنىڭ «ماستەر ي مارگاريتا» سپەكتاكلى تمد مەملەكەتتەرىندە كەڭىنەن تانىمال سپەكتاكل بولىپ سانالادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي