BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قىتايدا «التىن ادامدى» كۇنىنە 12 مىڭ ادام تاماشالايدى

فوتو: Гүлжан Раманкулова

ٴار ەل تاريحي جادىگەرىن قاستەرلەۋدى ماقسات ەتەدى. ال، ۇلتتىق قۇندىلىعىن وزگە ەلگە اپارىپ كورمە قىلۋ – ۇلكەن جەتىستىك. سەبەبى تاريحي ەكسپوناتتار – ٴبىر ۇلتتىڭ تاريحىنان سىر شەرتىپ، وتكەنىن باياندايدى. وسى ورايدا قىتاي ەلىندە ٴىسساپاردا بولعان ۆaq.kz ٴتىلشىسى شەنسي پروۆينسياسىنداعى تاريحي مۋزەيدى ارالادى.

ٴدال ٴقازىر سيانداعى (شەنسي پروۆينسياسىنىڭ ورتالىعى) تاريحي مۋزەيدە استاناداعى ۇلتتىق مۋزەيدىڭ كورمەسى ٴوتىپ جاتىر. كۇن سايىن 12 مىڭ قىتايلىق تاماشالايتىن « ۇلى دالا مۇراسى» كورمەسى 2 اي بويى اشىق بولادى. شەنسي پروۆينسياسى ۇلتتىق مۋزەيىنىڭ حالىقارالىق ىنتىماقتاستىق ٴبولىمىنىڭ باسشىسى ۆەن سزيۋن سيان قالاسىنىڭ تۇرعىندارى مەن قوناقتارى قازاق ۇلتتىق كورمەسىنە اسا قىزىعۋشىلىق بىلدىرگەنىن ايتتى.

«كورمە 20 شىلدەدە اشىلدى جانە 20 قىركۇيەككە دەيىن جالعاسادى. كۇنىنە مۋزەيگە ورتاشا ەسەپپەن 12 000 ادام كەلەدى. قىتاي جۇرتشىلىعى قىزىعۋشىلىق تانىتۋدا جانە قۇلشىنىسپەن ارالاۋدا. بۇل قازاقستاننىڭ ۇلتتىق مۋزەيىمەن كەلىسىلگەن تۇڭعىش كورمەمىز. 2017 جىلى استانادا ەكسپو اياسىندا تەرروكوتيا ارمياسى مۋزەيىنىڭ كورمەسى ٴوتتى. مىنە سول كەزدە قازاقستان تاراپىنا بىزدە كورمە ۇيىمداستىرۋدى ۇسىندىق. قازاقستان بۇل كورمەگە 300-دەن استام نىسان اكەلدى. ونىڭ ىشىندە 170 ٴتۇپنۇسقا ەكسپونات، 150 كوشىرمە بار. مۇندا «التىن ادام» قويىلدى. ٴبىراق ونىڭ اشەكەيلەرى ٴتۇپنۇسقا ەمەس»، - دەدى سزيۋن.

فوتو: گۇلجان رامانكۋلوۆا

كورمەدە ٴارتۇرلى ۇلتتىق اشەكەيمەن تانىسۋعا بولادى. بۇدان باسقا مۇندا سارمات پاتشايىمىنىڭ كيىمى، ارىستان باب پەن قوجا احمەت ياسساۋي كەسەنەسىنىڭ ، تامعالى شاتقالىنىڭ فوتولارى جانە قازاقستاننىڭ تاعى باسقا تانىمال تاريحي نىساندارى قويىلعان.

«كورمەنىڭ اشىلۋىنا قر ۇلتتىق مۋزەيىنىڭ باسشىسى قاتىستى. ەندى ەكى جاق بولىپ مادەني شارالاردى، ٴتۇرلى سەميناردى ۇيىمداستىرامىز دەپ كەلىستىك. ٴبىز ىنتىماقتاستىعىمىزدىڭ جەمىستى بولارىنا، بۇدان ٴارى دامىپ، نىعايا بەرەتىنىنە ۇمىتتەنەمىز»، - دەپ تۇيىندەدى مۋزەي قىزمەتكەرى.

فوتو: گۇلجان رامانكۋلوۆا

قىتاي حالىق دانالىعىندا مىناداي ٴسوز بار: ەگەر قىتايدىڭ سوڭعى 10 جىلدىعىن بىلگىڭىز كەلسە، شەنجەنگە بارىڭىز. ەگەر سوڭعى مىڭجىلدىعىن بىلگىڭىز كەلسە، پەكينگە اتتانىڭىز. ال ەگەر ەجەلگى تاريحىنا ۇڭىلگىڭىز كەلسە، سيانعا ساپار شەگىڭىز. ياعني، قىتايلىقتار ٴۇشىن تاريحي ماڭىزى جوعارى قالا سياندا اشىلعان قازاق ۇلتتىق كورمەسىنىڭ مارتەبەسى جوعارى دەۋگە تولىق نەگىز بار.

فوتو: گۇلجان رامانكۋلوۆا

سونىمەن قاتار، استانانىڭ 20 جىلدىعى مەن «ٴبىر بەلدەۋ، ٴبىر جول» باستاماسىنىڭ 5 جىلدىق مەرەيتويىنا ارنالعان كورمە قازاقستان مەن قىتايدىڭ ەجەلدەن كەلە جاتقان كورشى رەتىندە ۇلى جىبەك جولىنىڭ جاڭارۋىنا ۇلەس قوسادى دەۋگە دە بولادى. بۇل – ەكى ەل اراسىنداعى ستراتەگيالىق قاتىناس جوعارى ەكەنىنىڭ ايعاعى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي