BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

«قازاقكونسەرت» ۇجىمى استانانىڭ 20 جىلدىعىنا 20 ٴىس-شارا وتكىزەدى

«قازاقستان» ورتالىق كونسەرت زالىندا استانا قالاسىنىڭ 20-جىلدىعىنا ارنالعان ٴىس-شارا جوسپارىن تانىستىرۋ جانە ناۋرىز مەرەكەسى قارساڭىندا «قازاقكونسەرت» مەملەكەتتىك كونسەرتتىك ۇيىمى جانە بۇقارالىق اقپارات قۇرالدارى وكىلدەرى اراسىنداعى ٴوزارا ىنتىماقتاستىقتى نىعايتۋ ماقساتىندا پرەسس-تۋر وتكىزىلدى، دەپ حابارلايدى baq.kz اقپارات اگەنتتىگى.

«قازاقكونسەرتتە» بارلىق جانرلار ۇسىنىلعان: حالىق ونەرى، كلاسسيكا، ەسترادا. شىعارماشىلىق قۇرامعا فولكلورلىق-ەتنوگرافيالىق انسامبل، «اكادەميا سوليستوۆ» مەملەكەتتىك كامەرالىق وركەسترى، «astana musical» تەاترى، ەسترادالىق جانە وپەرالىق انشىلەر كىرەدى.

«قازاقكونسەرت» – ونەر تۋىندىلارىمەن كوپشىلىكتى قاۋىشتىرىپ، ۇيىمعا قاراستى ونەر ۇجىمدارى مەن جەكە ورىنداۋشىلاردى تانىتۋشى ونەر ورداسى. الەمدەگى وزىق تەحنولوگيالىق جەتىستىكتەردى ەسەپكە الىپ جابدىقتالعان، ساۋلەت ونەرىنىڭ بىرەگەي تۋىندىسى سانالاتىن عيماراتتا ورىن تەپكەن ۇيىم – حالىقارالىق جانە رەسپۋبليكالىق كونكۋرستار مەن تەاتر فەستيۆالدەرىن جىل سايىن ۇيىمداستىرۋ جونىندە الدىنا ماقسات قويىپ وتىر» - دەيدى «قازاقكونسەرت» مكۇ ديرەكتورى جەڭىس سەيدوللا ۇلى.

قۇرامىنا «استانا ميۋزيكل»، «استانا سازى»، «سوليستەر اكادەمياسى» ت.ب. قاتارلى بىرنەشە ونەر ۇجىمىن جانە روزا رىمبايەۆا، التىنبەك قورازبايەۆلى اعا بۋىن مەن ديماش قۇدايبەرگەن، الماس كيشكىنبايەۆ، الىشەر كارىموۆ سەكىلدى جاستاردىڭ باسىن بىرىكتىرىپ وتىرعان ۇلكەن ۇيىم استانانىڭ 20 جىلدىعىنا وراي اۋقىمدى شارالاردى جوسپارلاپ وتىر.

«بۇل ٴبىزدىڭ «قازاقكونسەرتتىڭ» ٴوزى دايىنداپ، ۇيىمداستىرىپ وتىرعان ٴىس-شارالار. ونىڭ ىشىندە جىل سايىن ٴوتىپ كەلە جاتقان ٴداستۇرلى ونەر سايىستارى دا بار. مىسالى، «استانا كەشتەرى» ونەر فەستيۆالىن ايتۋعا بولادى. ٴبىز استانانىڭ تويىنا ارناعان تارتۋىمىزدى 6 شىلدەدەن باستايمىز دەپ جوسپارلاپ وتىرمىز. دەگەنمەن ازىرگە شەت ەلدەن ٴانشى شاقىرۋ نەمەسە وزگە ەلدىڭ ونەر جۇلدىزىن اكەلۋ جوسپارىمىزدا جوق. ٴبىزدىڭ باستى ماقساتىمىز – ەلىمىزدىڭ ابىرويىن كوتەرىپ، ٴداستۇرىن ساباقتاي بىلەتىن جاستارىنا قولداۋ كورسەتۋ» - دەيدى جەڭىس سەيدوللا ۇلى.

باق وكىلدەرىنىڭ قاتىسۋىمەن وتكەن ەركىن اڭگىمەدە «قازاقكونسەرت» ۇجىمى «قازاقستان» ورتالىق كونسەرت زالىنا ەكسكۋرسيا ۇيىمداستىرىپ، جۋرناليستەردى ەلىمىزگە تانىمال ايگىلى عيماراتتىڭ كورنەكتى جەرلەرىمەن تانىستىردى. كەزەسۋ سوڭىندا ۇيىمنىڭ ٴباسپاسوز جەتەكشىسى ٴارى قوعاممەن بايلانىس ٴبولىمىنىڭ مەڭگەرۋشىسى تانىمال اقىن جىبەك بولتانوۆا ادەمى ازىلگە قۇرىلعان ارناۋىمەن شىعارىپ سالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي