BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قاراعاندى وبلىسىندا 36 وتباسى جاڭا پاتەرلەردىڭ كىلتىن يەلەندى

قاراعاندى وبلىسى، اباي اۋدانىنىڭ 36 وتباسىسى ٴۇشىن استانانىڭ مەرەيتويى ەرەكشە بولدى. وسى مەرەكەلىك كۇنى ولار وزدەرىنىڭ جەكە باسپاناسىن يەلەندى. جاڭا پاتەرلەردىڭ كىلتتەرىن قونىستانۋشىلارعا وبلىس اكىمى ەرلان قوشانوۆ تابىستادى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ ٴباسپاسوز قىزمەتىنەسىلتەمە جاساپ.

«ٴبىرىنشى كەزەكتە، بارلىقتارىڭىزدى ەلوردامىزدىڭ 20 جىلدىعىمەن قۇتتىقتاعىم كەلەدى. بۇل تەك استانالىقتاردىڭ عانا ەمەس، بۇكىل قازاقستاندىقتاردىڭ مەرەكەسى7 ٴار وتباسى ٴۇشىن ەڭ باستىسى – ٴوزىنىڭ جەكە باسپاناسى بولعانى، ول – ناعىز باقىت. بۇگىنگى تاڭدا ٴبىز، شىنىمەن دە ابايدىڭ جانە جالپى اۋداننىڭ تۇرعىندارى ٴۇشىن كوپتەگەن جۇمىستاردى جاساپ جاتىرمىز. قالانىڭ قالاي گۇلدەنىپ كەلە جاتقانىن بايقاعان شىعارسىزدار دەپ ويلايمىن. ٴبىرىنشى كەزەكتە ٴبىز تۇرعىنداردىڭ جاعدايىن جاقسارتۋ ٴۇشىن الەۋمەتتىك نىسانداردى سالىپ جاتىرمىز. جۋىردا عانا ٴجۇزۋ باسسەينىن ىسكە قوستىق، قازىرگى تاڭدا بەلسەندى تۇردە دەنە شىنىقتىرۋ-ساۋىقتىرۋ كەشەنى سالىنىپ جاتىر، 100 ورىنعا شاقتالعان جاتاقحانا سالىنادى دەپ جوسپارلانۋدا. سونداي-اق ٴبىز تۇرعىن ۇيلەردى سالۋدى جالعاستىراتىن بولامىز. «نۇرلى جەر» باعدارلاماسىنىڭ ارقاسىندا بيىلعى جىلى ەكى ٴۇيدىڭ قۇرىلىسى اياقتالدى، جانەدە العاش رەت تۇرعىندار ٴوز باسپاناسىنا يە بولدى. ال بۇگىن 36 قونىستانۋشىعا كىلتتەرىن تابىس ەتىپ وتىرمىز. سىزدەردى شىن جۇرەكتەن قۇتتىقتايمىن، جاڭا ۇيلەرىڭىز باقىتقا تولى بولسىن. اباي اۋدانى گۇلدەنە بەرسىن»، - دەدى ايماق باسشىسى.

مەردىگەرلەردىڭ ايتۋىنشا، ەكى كوپقاباتتى تۇرعىن ۇيلەردىڭ قۇرىلىسىنا ٴبىر جىل ۋاقىت كەتكەن ەكەن.

«ٴبىز ٴ2017-شى جىلدىڭ تامىزىنىڭ سوڭىندا جۇمىستارىمىزدى باستادىق. ٴبىر جىلعا جەتەر-جەتپەس ۋاقىتتىڭ ىشىندە 72 پاتەرى بار ەكى ٴۇيدىڭ قۇرىلىسىن اياقتادىق. ٴبىرىنشى ۇيگە ادامدار قونىستادى.، تۇرعىندار ٴوز باسپانالارىن مامىر ايىندا الدى. بۇگىن ٴبىز ەكىنشى ٴۇيدى قولدانىسقا بەرىپ، جاڭا يەلەرگە پاتەر كىلتتەرىن تابىس ەتىپ جاتىرمىز. بارلىقجۇمىستار 100 پايىز ورىندالدى. قۇرىلىس بارىسىن ٴبىز جانە اباي اۋدانى اكىمدىگى باقىلاپ وتىردىق. بارلىق ماتەريالدار – وتاندىق ونىمدەر. «نۇرلى جەر» باعدارلاماسى بويىنشا شامامەن 600 ملن تەڭگە جۇمسالدى. ۇيلەردە ٴبىر، ەكى جانە ٴۇش بولمەلى پاتەرلەر بار. جاقىن بولاشاقتا ماڭىنداعى اۋماقتى اباتتاندىراتىن بولامىز، ورىندىقتار مەن قوقىس جاشىكتەرى ورناتىلادى»، - دەدى «ككك لتد» جشس كوممەرسيالىق ديرەكتورى يۆان ماليۋشەنكو.

36 پاتەرلى 9 قاباتتى تۇرعىن ٴۇيدىڭ جالپى اۋدانى – 2000 م2، پاتەرلەردىڭ اۋدانى – 1904 م2.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي