BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ٴىى دۇنيەجۇزىلىك «استانا» تەاتر فەستيۆالىنەن كىمدەردى كورە الامىز؟

ٴىى دۇنيەجۇزىلىك «استانا» تەاتر فەستيۆالى – استانانىڭ 20 جىلدىق مەرەيتويىنىڭ اياسىندا بولاتىن ەلوردالىقتار مەن قالا قوناقتارىنا ارنالعان تەاتر مەرەكەسى. وسىعان وراي تەاتر اپتالىعىنىڭ كەستەسىن ۇسىنامىز، دەپ حابارلايدى baq.kz اقپارات اگەنتتىگى.

2018 جىلدىڭ 15 ماۋسىم كۇنى ساعات 15:00-دە مادەنيەت جانە سپورت مينيسترلىگىنىڭ ٴباسپاسوز ورتالىعىندا قازاقستاننىڭ ەڭبەك سىڭىرگەن قايراتكەرى، «قازاقكونسەرت» مەملەكەتتىك كونسەرتتىك ۇيىمىنىڭ ديرەكتورى جەڭىس سەيدۋللا ۇلى، قازاقستان تەاترلارى اسسوسياسياسىنىڭ ۆيسە-پرەزيدەنتى، م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى اسحات ماەميروۆ، تەاتر سىنشىسى يوناس ۆايتكۋس (ليتۆا)، «piccolo di milano» تەاترىنىڭ كوركەمدىك جەتەكشىسى ستەفانو دە لۋكا (يتاليا) قاتارلى تەاتر مايتالماندارىنىڭ قاتىسۋىمەن ٴباسپاسوز كونفەرەنسياسى وتەدى.

ماۋسىمنىڭ 16-سى مەن ٴ28-ى ارالىعىندا 12 مەملەكەتتەن كەلگەن الەمدىك تەاتر ۇجىمدارى فەستيۆال اياسىندا ونەر كورسەتەدى. ولاردىڭ قاتارىندا الەمنىڭ تۇكپىر-تۇكپىرىنەن كەلگەن: «piccolo di milano» تەاترى (يتاليا)، «1927» تەاترى ( ۇلىبريتانيا)، «meno fortas» (ليتۆا)، «warszawa» (پولشا)، تاۋەلسىز ينتەرناسيونالدى «11» تەاترى (گەرمانيا)، ش.رۋستاۆەلي اتىنداعى گرۋزيا مەملەكەتتىك اكادەميالىق تەاترى (گرۋزيا)، «بەيجىڭ حالىقتىق كوركەم تەاترى» (قىتاي)، وزبەك ۇلتتىق اكادەميالىق دراما تەاترى (وزبەكستان)، لەنسوۆەت اتىنداعى سانكت-پەتەربۋرگ اكادەميالىق تەاترى، ماسكەۋ گۋبەرنيالىق تەاترى (رەسەي)، ش.تەرميچيكوۆ اتىنداعى شۋ وبلىستىق تەاترى (قىرعىزستان) بار.

وتاندىق تەاترلار: م.اۋەزوۆ اتىنداعى قازاق مەملەكەتتىك اكادەميالىق دراما تەاترى، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، ع.مۇسىرەپوۆ اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق تەاترى. بارلىعى 17 سپەكتاكل.

اتالعان ٴىس شارانىڭ باستى قوناعى - وسكار سىيلىعىنىڭ يەگەرى دۇنيەجۇزىنە بەلگىلى كينو جانە تەاتر اكتريساسى جيۋلەت بينوش.

ايگىلى قويىلىمدار «قازاقستان» ورتالىق كونسەرت زالىندا، حولل ەنەرگيا، بەيبىتشىلىك جانە كەلىسىم سارايىندا، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا جانە م.گوركيي اتىنداعى مەملەكەتتىك اكادەميالىق ورىس دراما تەاترىندا ساحنالادى.

فەستيۆالعا ٴاسانالى ٴاشىموۆ (قازاقستان)، يوناس ۆايتكۋس (ليتۆا)، داۆيد اساتياني (فرانسيا)، بەاتريس پيكون-ۆاللەن (فرانسيا)، داۆيد پاپاۆا ( ۇلىبريتانيا) سىندى ەۋروپا مەن ازيانىڭ كاسىبي تەاتر سىنشىلارى مەن دراماتۋرگتەرى قاتىسادى.

17 ماۋسىم كۇنى ساعات 16.00-دە «قازاقستان» ورتالىق كونسەرت زالىندا تەاتر فەستيۆالىنىڭ اشىلۋ سالتاناتى وتەدى. اۋقىمدى ٴىس شارانى قر مادەنيەت جانە سپورت مينيسترلىگىنىڭ ۇيىمداستىرۋىمەن «قازاقكونسەرت» مەملەكەتتىك كونسەرتتىك ۇيىمى مەن قازاقستان تەاترلارى اسسوسياسياسى وتكىزەدى. قىزىل كىلەم ۇستىنەن ٴجۇرىپ وتەتىن تەاتر جانە كينو جۇلدىزدارىنان سۇحبات الۋ ۇيىمداستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي