BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

el.kz سايتى «z قالاسى» اتتى جاڭا ينتەرنەت-جوباسىن جۇزەگە اسىرادى

«qazcontent» اق اقپارات جانە كوممۋنيكاسيالار مينيسترلىگىنىڭ تاپسىرىسىمەن استانانىڭ 20 جىلدىعىنا وراي، «z قالاسى» اتتى ينتەرنەت-جوباسىن كوپشىلىككە ۇسىنباق، دەپ حابارلايدى baq.kz اقپارات اگەنتتىگى.

20 جىلدىڭ ىشىندە باس قالامىزدا ٴزاۋلىم ساۋلەت قۇرىلىستارى عانا بوي كوتەرگەن جوق، سونىمەن قاتار استانالىق مەنتاليتەت پەن قالالىق مادەنيەت قالىپتاستى. گەوگرافيالىق مەكەنى عانا ەمەس، تاعدىرىنىڭ ٴوزى استانامەن استاسىپ كەتكەن جاڭا استانالىقتار بۋىنى پايدا بولدى. كۇن سايىن استاناعا ٴتۇرلى قالالاردان، الەمنىڭ الۋان ەلدەرىنەن ادامدار اعىلىپ كەلۋدە. استانا بارلىعىنا دا ەسىگىن ايقارا اشىپ، ٴبىرى ٴۇشىن كەشەگىسى مەن بولاشاعىنىڭ قالاسىنا اينالسا، ٴبىرى ٴۇشىن ٴومىرىنىڭ جاڭا كەزەڭىنە اينالدى.

«z قالاسى» جوباسىنىڭ كەيىپكەرلەرى – استاناعا باۋىر باسىپ، ٴسىڭىسىپ كەتكەن قاراپايىم ادامدار، جەرگىلىكتى تۇرعىندار. ولار كۇندەلىكتى ارماندارىن جۇزەگە اسىرىپ، قالانىڭ گۇلدەنۋى مەن دامۋىنا ۇلەس قوسۋدا. ولاردىڭ ٴارقايسىسى باقىت كىلتىن تاۋىپ، ٴوز سۇيىكتى ىسىمەن اينالىسىپ، سۇيىكتى قالاسىن مەكەن ەتكەن. جاڭا جوبانىڭ ٴار سەرياسىندا ناعىز استانالىق كىم؟ ونىڭ قۇپياسى نەدە دەگەن سۇراقتاردىڭ جاۋابى تابىلادى. ٴار بەيسەنبى سايىن z قالاسىنىڭ عاجاپ تۇرعىندارىن el.kz سايتىندا كورە الاسىزدار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي