BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

«burabay summer fest» حالىقارالىق بالالار بايقاۋىنىڭ ىرىكتەۋ كەزەڭى باستالدى

ەلوردامىز استانا قالاسىنىڭ 20 جىلدىعىنا وراي «burabay summer fest» حالىقارالىق بالالار مەن جاسوسپىرىمدەردىڭ تەلەۆيزيالىق فەستيۆالى وتەدى. بۇل تۋرالى ورتالىق كوممۋنيكاسيالار قىزمەتىندە وتكەن ٴباسپاسوز ماسليحاتىندا مادەنيەت جانە ونەر ىستەرى دەپارتامەنتىنىڭ ديرەكتورى ٴابىل جولامانوۆ مالىمدەدى، دەپ حابارلايدى baq.kz ٴتىلشىسى.

«فەستيۆال قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن 22 ماۋسىم – 3 شىلدە كۇندەرى ارالىعىندا اقمولا وبلىسى بۋراباي دەمالىس ايماعىندا وتكىزىلەدى. فەستيۆال ەلىمىزدىڭ بارلىق وڭىرلەرىنەن دارىندى بالالار مەن تالانتتى جاستاردى انىقتاپ، ولاردى جان-جاقتى قولداۋ، شىعارماشىلىق قابىلەتتەرىن دامىتۋ، حالىقارالىق مادەني بايلانىستاردى دامىتۋ مەن نىعايتۋ، وتانسۇيگىشتىككە تاربيەلەۋ، ەلىمىزدىڭ ۇلتتىق ونەرى مەن تاريحىنا دەگەن قىزىعۋشىلىقتى ارتتىرۋ، جالپى ادامگەرشىلىك قۇندىلىقتاردى قالىپتاستىرۋ، قارىم-قاتىناستى دامىتۋ ماقساتىندا ۇيىمداستىرىلىپ وتىر»، - دەدى ٴابىل جولامانوۆ.

ۇيىمداستىرۋشىلاردىڭ ايتۋىنشا، فەستيۆالگە 10-16 جاس ارالىعىنداعى بالالار مەن جاسوسپىرىمدەر قاتىسا الادى. بايقاۋ «ۆوكالدىق ونەر» (ٴداستۇرلى ٴان، اكادەميالىق ٴان، ەسترادالىق ٴان)، «ينسترۋمەنتالدىق ورىنداۋشىلىق» (ٴداستۇرلى ونەر، كلاسسيكالىق ونەر، ەسترادالىق ونەر)، «حورەوگرافيالىق ونەر» (حالىقتىق بي، كلاسسيكالىق بي)، سونداي-اق «كوركەمدىك وقۋ» نوميناسيالارى بويىنشا وتەدى. «بەينەلەۋ ونەرى» نوميناسياسى قازاقستاندىق ۇلتتىق يۋنەسكو كلۋبتارىنىڭ فەدەراسياسىمەن بىرلەسىپ وتكىزىلەدى.

«فەستيۆالگە شەتەلدەردەن دە بالالار مەن جاسوسپىرىمدەر كەلىپ قاتىسادى. بۇگىنگى كۇنى ٴبىرقاتار شەتەل مادەنيەت مينيسترلىكتەرىنە حات جولدانعان. ولاردىڭ ٴبىرى رەسەي، تۇركيا، قىتاي، بەلارۋسيا، وزبەكستان، تاجىكستان، قىرعىزستان، گرۋزيا ەلدەرى»، - دەپ اتاپ ٴوتتى ونەر ىستەرى دەپارتامەنتىنىڭ ديرەكتورى.

1 شىلدە كۇنى استانا قالاسىندا گالا-كونسەرت ٴوتىپ، بايقاۋ ناتيجەسى جاريالانادى دەپ جوسپارلانىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي