BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بەلارۋسسيادا استانانىڭ 20 جىلدىعى اتالىپ ٴوتتى

مينسكىدە استانا قالاسىنىڭ 20 جىلدىعىنا ارنالعان سالتاناتتى قابىلداۋ ٴوتتى. سالتاناتتى ٴىس-شاراعا بەلارۋس رەسپۋبليكاسى سىرتقى ىستەر ٴمينيسترىنىڭ ٴبىرىنشى ورىنباسارى اندرەي ەۆدوچەنكو دەپۋتاتتار، مينيسترلىكتەر مەن ۆەدومستۆولاردىڭ وكىلدەرى، ديپلوماتيالىق ميسسيالاردىڭ باسشىلارى، ٴىرى كاسىپورىنداردىڭ باسشىلارى، جەتەكشى عالىمدار، بەلارۋس مادەنيەتىنىڭ تۇلعالارى، قازاق دياسپوراسىنىڭ وكىلدەرى جانە ت.ب. قاتىستى، دەپ حابارلايدى baq.kz اقپارات اگەنتتىگى قر ٴسىم ٴباسپاسوز قىزمەتىنە سىلتەمە جاساپ.

ٴوز سوزىندە قازاقستاننىڭ ەلشىسى ەرمۇحامەت ەرتىسبايەۆ استانا – قىسقا مەرزىمدە سالىنعان ٴححى عاسىردىڭ جالعىز استاناسى، سونداي-اق قازاقستان عاسىردىڭ باسىندا جاڭا استانانى سالعان جالعىز ەل دەپ اتاپ ٴوتتى. جاڭا استانانىڭ دامۋى بۇكىل قازاقستاندى تۇبەگەيلى وزگەرتىپ، ونى ەكونوميكالىق جانە ساياسي تۇرعىدان تۇراقتى مەملەكەت، جاۋاپتى جانە بەدەلدى حالىقارالىق سەرىكتەسكە اينالدىردى.

ا.ەۆدوچەنكو ٴوز سوزىندە جاڭا ەلوردانى سالۋ يدەياسىن ۇسىنىپ، ونى جۇزەگە اسىرعان قازاقستاننىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ ٴرولىن ەرەكشە اتاپ ٴوتتى. ەل پرەزيدەنتىنىڭ استانانى دامىتۋ بويىنشا ۇنەمى نازارىن اۋدارۋى جانە الاڭداۋشىلىعى ونى ەۋرازياداعى ديناميكالىق دامىپ كەلە جاتقان مەگاپوليسكە، قازىرگى زامانعى جانە باسەكەگە قابىلەتتى قالاعا اينالدىرعانىن ايتىپ كەتتى.

ٴىس-شارا بارىسىندا استانا قالاسىنا ارنالعان فوتوكورمە جانە بەينەباياندار كورسەتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي