BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اۋعانستاندا استاننىڭ 20 جىلدىعى اتالىپ ٴوتتى

قازاقستاننىڭ اۋعانستانداعى ەلشىلىگى استانا قالاسىنىڭ 20 جىلدىق مەرەيتويىنا وراي رەسمي قابىلداۋ ۇيىمداستىردى، دەپ حابارلايدى baq.kz اقپارات اگەنتتىگى قر سىم-گە سىلتەمە جاساپ.

ٴىس-شاراعا اۋعانستان مەملەكەتتىك ورگاندارى وكىلدەرىن قوسا وتىرا 150-دەن استام قوناق قاتىستى، ولاردىڭ ىشىندە اتقارۋشى بيلىك باسشىسىنىڭ ٴبىرىنشى ورىنباسارى م.حان، اۋىلدى مەكەندەردى دامىتۋ ٴمينيسترى مودجيب ۋل –راحماني كاريمي، كوممۋنيكاسيالار جانە اقپاراتتىق تەحنولوگيالار ٴمينيسترى ش.گ.اريەبي، كوممەرسيا جانە يندۋستريا ٴمينيسترى حۋمايون راسا، ىشكى ىستەر ٴمينيسترى ۆايس بارماك جانە ەسىرتكىگە قارسى كۇرەس ٴمينيسترى سالامات ازيمي بار.

شاقىرىلعانداردىڭ اراسىندا پرەزيدەنت اكىمشىلىگى، ۇكىمەت اپپاراتىنىڭ وكىلدەرى، پارلامەنت دەپۋتاتتارى، سونداي-اق قابىلدا ورنالاسقان شەتەلدىك ديپلوماتيالىق وكىلدىكتەر مەن حالىقارالىق ۇيىمداردىڭ باسشىلارى، عىلىمي جانە شىعارماشىلىق زيالىلار، ىسكەرلىك توپتار، قالىڭ اۋعان قاۋىمداستىعى مەن باق وكىلدەرى بولدى.

قازاقستاننىڭ اۋعانستانداعى ەلشىسى ٴالىمحان ەسەنگەلديەۆ ٴوزىنىڭ سوزىندە جينالعانداردى الەمنىڭ ەڭ جاس استاناسىنىڭ تۇراقتانۋ تاريحىمەن، ونىڭ وسى 20 جىل ىشىندەگى ونەركاسىپ، قۇرىلىس، ينفراقۇرىلىم، الەۋمەتتىك جوبالار جانە باسقا دا سالالارداعى جەتىستىكتەرىمەن تانىستىرىپ ٴوتتى.

قازاقستاندىق ديپلومات مەملەكەت باسشىسى مەن قر ۇكىمەتى باستاما بەرگەن استانادا وتكەن جانە ورىن الىپ كەلە جاتقان ماڭىزدى حالىقارالىق ٴارى وڭىرلىك فورۋم مەن كونفەرەنسيالارعا، ولاردىڭ ىشىندە شىۇ، ەقىۇ، يىۇ سامميتتەرىنە، سونداي-اق الەمدىك جانە ٴداستۇرلى دىندەر ليدەرلەرىنىڭ سەزىنە، استانا ەكونوميكالىق فورۋمىناباسىمدىق جاسادى.

اير ۇكىمەتى اتىنان ٴسوز سويلەگەن اۋعانستان سىرتقى ىستەر ٴمينيسترىنىڭ ورىنباسارى ادەلا راز پرەزيدەنت نۇرسۇلتان نازاربايەۆتىڭ دانا ٴارى دانىشپان باسشىلىعىمەن اۋعانستان بويىنشا دا باعدارلى جانە جاۋاپتى سىرتقى ساياسات جۇرگىزىپ كەلە جاتقان باۋىرلاس جانە دوستاس قازاقستاننىڭ ەرەكشە ٴرولىن اتاپ ٴوتتى.

وسى ورايدا، ول ەكى ەل كوشباسشىلارى اراسىندا قالىپتاسقان جىلى ٴارى سەنىمدى قاتىناستارىن ەرەكشە اتاپ ٴوتىپ، اۋعانستان پرەزيدەنتى موحامماد اشراف عاني تۋعان كۇنى استانا كۇنىمەن سايكەس كەلەتىن قازاقستان باسشىسى ن.نازاربايەۆتى قۇتىقتاعاندىعىن حابارلادى.

ول ٴوز ۇكىمەتى اتىنان قابىلعا قازاقستان تاراپىنان كورسەتىلىپ كەلە جاتقان ۇنەمى قولداۋ مەن جاردەم ٴۇشىن العىسىن ٴبىلدىرىپ، استاناعا جانە جالپى قازاقستان حالقىنا ودان ٴارى گۇلدەنۋ مەن بەيبىت اسپان تىلەدى.

شەتەلدىكتەر اراسىنان قوناقتار دا جوعارى دارەجەدە ۇيىمداستىرىلعان قابىلداۋ ٴۇشىن العىستارىن ٴبىلدىرىپ، استانانىڭ قازاقستاننىڭ ەلورداسى رەتىندەگى كەزەڭىندەگى جەتىستىكتەرى مەن ايتارلىقتاي وزگەرىستەرىن اتاپ ٴوتتى.

سونداي-اق، قابىلداۋ الدىندا «استانا – بەيبىتشىلىك پەن دوستىق قالاسى» اتتى «دوڭگەلەك ۇستەل» ۇيىمداستىرىلىپ، وعان اير-داعى بەلگىلى ساياساتتانۋشىلار، ساراپشىلار جانە جۋرناليستەر قاتارىنان 50-دەن استام قاتىستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي