BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانانىڭ بايىرعى تۇرعىنى سول جاعالاۋدىڭ قالاي سالىنعانىن ايتىپ بەردى

بيىل استانا 20 جىلدىعىن اتاپ ٴوتتى. وسى ۋاقىت ارالىعىندا ەلوردا كۇردەلى ساياسي ماسەلەلەر تالقىلاناتىن، ماڭىزدى حالىقارالىق جيىندار وتەتىن الاڭعا اينالدى. سونىمەن قاتار باس قالا – ٴبىلىم مەن عىلىمنىڭ، مادەنيەت پەن ونەردىڭ ورداسى. ارقا توسىندە الەمنىڭ اتاقتى استانالارىمەن سالتانات جاراستىرىپ، كوركىمەن دە، كولەمىمەن دە بوي تالاستىرا الاتىن ەلوردانىڭ قالىپتاسۋى – قازاقستان حالقىنىڭ ەرەن ەڭبەگىنىڭ ناتيجەسى. وسى ورايدا baq.kz ٴتىلشىسى ەلوردانىڭ دامۋىنا ٴوز ۇلەسىن قوسىپ جۇرگەن جاستارمەن سۇقباتتاستى.

العاشقى كەيىپكەرىمىزدىڭ ەسىمى – اينۇر ابدراحمانوۆا. ول – استانا قالاسىنىڭ بايىرعى تۇرعىنى. كەيىپكەرىمىز باس شاھارداعى سول جاعالاۋدىڭ قالاي سالىنعان ايتىپ بەردى.

«مەنىڭ استانادا تۇرعانىما 27 جىل بولدى. قالانىڭ بۇرىنعى اتاۋى – سەلينوگراد. ول شاعىن قالا بولاتىن. بۇرىن وڭ جاعالاۋدا تەك جاستار، ۆسترەچا اۋداندارى عانا بولدى. تەك ۋاقىت وتە كەلە شاھار ۇلكەيىپ، وڭ جانە سول جاعالاۋ دەپ ٴبولىندى. سول جاعالاۋدىڭ قالاي سالىنعانى ەسىمدە. ول جاقتا ەڭ ٴبىرىنشى سالىنعان عيمارات – بايتەرەك. كەيىن «قازمۇنايگاز»، سىرتقى ىستەر، قورعانىس مينيسترلىكتەرىنىڭ مەكەمەلەرى تۇرعىزىلسا، ۋاقىت وتە مينيسترلىكتەر ٴۇيى، اقوردا سالىندى»، - دەدى ول.

سونىمەن قاتار، استانا تۇرعىنى سول جاعالاۋدا جولدار بولماعانىن دا ەسكە الدى.

«العاشقى جىلدارى سول جاعالاۋعا قابانباي باتىر داڭعىلىمەن عانا باراتىنبىز. باسقا جول بولعان جوق. ال بايتەرەككە تەك ٴنومىرى 117 مارشرۋت باراتىن. ارينە، سول جاعالاۋدىڭ ادام تانىماستاي بولىپ وزگەرەتىنىنە بالا كەزىمدە سەنگەن جوقپىن. ٴبىراق ۋاقىت وتە كەلە سول جاعالاۋ – ٴسانى مەن سالتاناتى جاراسقان اۋدانعا اينالدى. ەلوردانىڭ قارقىندى دامۋى – قازاقستان حالقىنىڭ ەڭبەگىنىڭ ناتيجەسى»، - دەدى اينۇر ابدراحمانوۆا.

بۇگىندە ول لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى باسپا جانە باسپا ٴىسى كافەدراسىندا وقىتۋشى بولىپ جۇمىس ىستەيدى. وسى ورايدا اينۇر جاستارعا تەك ساپالى ٴبىلىم بەرۋگە تىرىساتىنىن اتاپ ٴوتتى.

«ەۋرازيا ۇلتتىق ۋنيۆەرسيتەتىندە جۋرناليستيكا ماماندىعى بويىنشا ٴبىلىم الدىم. قازىرگى تاڭدا اتالعان ۋنيۆەرسيتەتتىڭ جۋرناليستيكا جانە ساياساتتانۋ فاكۋلتەتىندە جۇمىس ىستەيمىن. ەۇۋ – ەلىمىزدەگى بەدەلدى ۋنيۆەرسيتتەردىڭ ٴبىرى. مۇندا مەملەكەتىمىزدىڭ تۇكپىر-تۇكپىرىنەن كەلگەن جاستار ٴبىلىم الادى. سونداي-اق ٴبىزدىڭ ۋنيۆەرسيتتە گرانتقا ٴتۇسۋ وتە قيىن. سوندىقتان تۇلەكتەر وسىندا وقۋ ٴۇشىن بار كۇشىن سالادى. سوندىقتان مەن دە جاستارعا ساپالى ٴبىلىم بەرۋگە تىرىسامىن»، - دەدى وقىتۋشى.

كەلەسى كەيىپكەرىمىزدىڭ ەسىمى – ماقسات حاباروۆ. ول – استاناعا ارمان قۋىپ كەلگەن جاستاردىڭ ٴبىرى. بۇگىندە ول قالاداعى №66 مەكتەپ-ليسەيىندە قازاق ٴتىلى جانە ادەبيەت پانىنەن ساباق بەرەدى.

«2008 جىلى ەلورداعا قىزىلوردا قالاسىنان كەلدىم. ونداعى ماقساتىم – ٴبىلىمىمدى شىڭداۋ. وسىلايشا، سول جىلى ەۋرازيا ۇلتتىق ۋنيۆەرسيتەتىنە وقۋعا ٴتۇستىم. ونى ٴبىتىرىپ، 2014 جىلى ماگيستراتۋرادا وقىدىم. قازىرگى تاڭدا مەكتەپتە قىزمەت اتقارامىن»، - دەدى ول.

اڭگىمە بارىسىندا ماقسات استاناعا كوشىپ كەلگەنىنە ەش وكىنبەيتىنىن، ٴارى ٴمۇعالىم بولۋدى بالا كەزىنەن ارمانداعانىن ايتتى.

«استانادا تۇرىپ جاتقانىما 10 جىل بولدى. وسى شاھارعا قونىس اۋدارعانىما ەش وكىنبەيمىن. قالانىڭ بولاشاعى زور. وسى ۋاقىت ارالىعىندا شاھاردىڭ اۋماعى كەڭەيدى. حالقىنىڭ سانى ەسەلەپ ٴوستى. ەكونوميكالىق جانە ساياسي تۇراقتىلىقتىڭ ارقاسىندا دامۋعا قول جەتكىزدىك. مەكتەپ بىتىرمەس بۇرىن بولاشاق ماماندىعىمدى تاڭداپ قويدىم. بالالارعا ساباق ۇيرەتكەن وزىمە ۇنايتىن، سوندىقتان وسى سالاعا ٴوز ٴومىرىمدى ارنايمىن دەپ شەشتىم. قازىرگى تاڭدا ٴوزىم ارمانداعان سالادا قىزمەت ىستەپ ٴجۇرمىن. ۇستاز بولعانىما ەش وكىنبەيمىن»، - دەدى ٴمۇعالىم.

بولاشاعىن استانامەن بايلانىستارعان جاستىڭ ٴبىرى – ازامات تىلەپوۆ. ول – «قازاق راديوسىنىڭ» رەداكتور-جۇرگىزۋشىسى.

«2009 جىلى تۇركىستان قالاسىنداعى حالىقارالىق قازاق-تۇرىك ۋنيۆەرسيتەتىنە وقۋعا ٴتۇستىم. وندا جۋرناليستيكا ماماندىعى بويىنشا ٴبىلىم الدىم. 2013 جىلى وقۋ ورنىن ٴبىتىرىپ، ماۋسىم ايىندا استاناعا كەلدىم. سول جىلى «قازاق راديوسىندا» جۇمىسقا ورنالاستىم»، - دەدى ول.

اڭگىمە بارىسىندا ازامات ٴوزىنىڭ ومىرلىك جارىن استانادان كەزدەستىرگەنىن قۋانىشپەن ايتتى.

«ەلوردادا ومىرلىك سەرىگىمدى كەزدەستىرىپ، وتباسىن قۇردىم. استانادا ەكى بالام دۇنيەگە كەلدى. مەن ٴۇشىن وسىدان ارتىق باقىت جوق. بالالارىم استانالىق بولىپ ٴوسىپ جاتىر. بولاشاعىمدى تەك وسى قالامەن بايلانىستىرامىن. كاسىبي شەبەرلىگىمدى ودان سايىن شىڭداي تۇسكىم كەلەدى»، - دەپ تۇيىندەدى ٴسوزىن جۋرناليست.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي