BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

استانالىقتار ناعىز كوشپەندىلەردىڭ ومىرىمەن تانىسا الادى

30 ماۋسىم مەن 1 شىلدە ارالىعىندا قابانباي اۋىلىندا «كوشپەندىلەر الەمى» كوشپەندىلەردىڭ ٴىىى حالىقارالىق ەتنومادەني فەستيۆالى باستالادى، دەپ حابارلايدى baq.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

بيىل فەستيۆال استانانىڭ 20 جىلدىعىنا وراي اتاپ وتىلمەك. شارانى «kazakhtourism ۇك» اق ەلوردا اكىمدىگى مەن الماتى وبلىسى اكىمدىگىنىڭ قولداۋىمەن ۇيىمداستىرۋدا.

فەستيۆالدىڭ باعدارلاماسىنا كاسىبي ساداقشىلاردىڭ، كوكپارشىلاردىڭ، بۇركىتشىلەردىڭ سايىسى كىرەدى. قوناقتار العاش رەت ساۋىت-سايماندارى تاريحي دەرەككوزدەرگە نەگىزدەپ جاسالعان باتىرلاردىڭ كورسەتىلىمدىك جەكپە-جەگىن تاماشالاي الادى، سونداي-اق باتىرلاردىڭ شاباندوزدىق جانە اتپەن شايقاسۋ ونەرى كورسەتىلەتىن بولادى.

فەستيۆالعا كەلگەندەر كوشپەندىلەردىڭ تۇرمىسىمەن تانىسۋعا، قازاقستاندىق قولونەرشىلەردەن ماستەر-كلاسس الۋعا: كيىز باسۋ، بىلعارىمەن، كۇمىسپەن، كوزەشى ۇرشىعىمەن جۇمىس ىستەۋدى ۇيرەنۋگە، كوشپەندىلەردىڭ تاريحىمەن ساق، قاڭلى، ٴۇيسىن، عۇن، سكيف، سارمات، تيگراحاۋدا، ماسساگەت داۋىرلەرىنىڭ كوستيۋمدى كورسەتىلىمى ارقىلى تانىسۋعا، بۇركىتشىلەردىڭ شەبەرلىگى مەن اۋشى قۇستاردىڭ سۇلۋلىعىنا تامسانا الادى. وسىلايشا سان قىرلى ەتنومادەنيەتتى سەزىنىپ، حالىقتىڭ ٴومىرى مەن سالت-داستۇرلەرى تۋرالى جاڭا بىلىممەن وزدەرىن بايىتا الادى.

بۇدان بولەك، فەستيۆال قوناقتارىنا الەمگە تانىمال ەتنو-مۋزىكا ورىنداۋشىلارىنىڭ قاتىسۋىمەن مۋزىكالىق باعدارلاما ازىرلەنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي