BAQ.kz - Қазақстан жаңалықтары USD 341.08 BAQ.kz - Қазақстан жаңалықтары EUR 394.46 BAQ.kz - Қазақстан жаңалықтары RUB 5.37
استانا:

استاناعا تارتۋ: شىمكەنت زووباعىندا «افريكا» ايماعى اشىلىپ، ەلورداعا 20 اڭ تارتۋ ەتىلدى

بۇگىن وڭتۇستىك قازاقستان وبلىسىندا «استانانىڭ 20 جىلدىعىنا – 20 نىسان» اكسياسى اياسىندا شىمكەنت زووباعىنىڭ «افريكا» زوولوگيالىق ايماعى پايدالانۋعا بەرىلدى. سالتاناتتى جيىنعا ارنايى قاتىسقان وبلىس اكىمى جانسەيىت تۇيمەبايەۆ قالا تۇرعىندارى مەن قوناقتارىن ايتۋلى شارامەن قۇتتىقتاپ، جاڭادان اشىلعان نىساندى ارالاپ كوردى، دەپ حابارلايدى baq.kz اقپارات اگەنتتىگى.

ايماق باسشىسى بۇل جاڭالىق جۋىردا عانا ميلليوندى قالا اتانعان شاھار ٴۇشىن ۇلكەن سىي بولعانىن جەتكىزدى.

«ەلىمىزدە جالپى 3 زووساياباق بولسا، سونىڭ ٴبىرى ٴبىزدىڭ وبلىستا ورنالاسقان. وسى نىساندى جاڭعىرتۋ ماقساتىندا بىلتىر زووباقتا قايتا قۇرۋ جۇمىستارى باستالعان بولاتىن. مەردىگەرلەر وزىنە تاپسىرىلعان مىندەتتى ورىنداپ، جۇمىستى جوسپار بويىنشا اياقتاپ وتىر. ٴبىزدىڭ باقتىڭ وزگە زووباقتاردان ەرەكشەلىگى –قايتا قۇرۋدان سوڭ پايدالانۋعا بەرىلگەن «افريكا» كونتينگەنتىندەگى پاۆيلوندار اشىق تابيعي ورتاعا بەيىمدەلگەن. مەرەكە نەمەسە دەمالىس كۇندەرىندە زووباققا كەلەتىن تۇرعىندار سانى از ەمەس. ەندى بۇگىنگى «افريكا» ايماعى اشىلعان سوڭ قىدىرۋشىلار سانى بۇرىنعىدان دا كوبەيەدى دەپ سەنەمىز!»، - دەدى جانسەيىت قانسەيىت ۇلى.

سونداي-اق، ٴوڭىر باسشىسى ەلوردامىز – استانا قالاسىنىڭ 20 جىلدىعىنا شىمكەنت قالاسىنىڭ ميلليون تۇرعىندارى اتىنان استانا قالاسىنا جانۋاردىڭ 20 ٴتۇرىن سىيعا تارتاتىنىن اتاپ ٴوتتى.

ەلورداعا شىمكەنتتەن ارىستان، امۋر جولبارىسى، پۋما، قوڭىر ايۋ سەكىلدى جىرتقىشتار مەن كەزقۇيرىق، تىلەمىش، تازقارا، ۇكى قۇستارى جانە باسقا دا جانۋارلار تارتۋ ەتىلمەك.

جالپى «افريكا» زوولوگيالىق ايماقتىق قۇرىلىس جۇمىسى وتكەن جىلدىڭ ٴساۋىر ايىندا باستالعان. جوبانىڭ قۇنى 627 114 مىڭ تەڭگەنى قۇرايدى.

ايتا كەتەيىك، شىمكەنت زووباعى 1980 جىلى قۇرىلعان. زووباقتىڭ ماقساتى – سيرەك كەزدەسەتىن جانە جويىلىپ جاتقان جان-جانۋارلاردى ساقتاپ، ولاردى كوبەيتۋ. قۇرىلعان كەزدە زووباقتا 75 ٴتۇرلى اڭ بولسا، بۇگىندە 249 ٴتۇرلى 2 565 جانۋارعا جەتكەن.

سونداي-اق، مۇندا جىل سايىن كەلۋشىلەر سانى دا ارتىپ كەلەدى. ماسەلەن، 2017 جىلى كەلۋشىلەر سانى 426 مىڭعا جەتسە، وسى جىلدىڭ 3 ايىندا 60 مىڭنان استام ادام كەلگەن. زووباقتىڭ جالپى اۋماعى 29 گەكتاردى قۇرايدى. ونىڭ 19 گەكتارى ٴتۇرلى ەكسپوزيسياعا ارنالعان. شىمكەنت زووباعى ەارازا-نىڭ مۇشەسى (ەۋرازيالىق اكۆاريۋمدەر مەن زووباقتار اسسوساسياسى).

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي