BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

استانادان ٴۇش وبلىستى ارالاۋعا سالت اتتىلار ەكسپەديسياسى جولعا شىقتى

فوتو: astana.gov.kz

بۇگىن استانا قالاسى اكىمدىگىنىڭ قولداۋىمەن «رۋحاني جاڭعىرۋ» باعدارلاماسىنىڭ جانە استانا قالاسىنىڭ 20 جىلدىعىن تويلاۋ اياسىندا «استانا – ۇلى دالا ەلورداسى» اتتى كوپكۇندىك سالت اتپەن ٴجۇرىپ ٴوتۋ ەكسپەديسياسى باستاۋ الدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

ەكسپەديسيا اقمولا، پاۆلودار، قاراعاندى ​​ وبلىستارىنداعى ۇلتتىق پاركتەر بۇيراتاۋ، باياناۋىل جانە قارقارالى ارقىلى وتەدى. تۋردىڭ جالپى ۇزىندىعى 600 شاقىرىمدى قۇرايدى. 10 ادامنان قۇرالعان ەرىكتىلەر توبى بۇگىن باس قالامىزدان باعىت الىپ سارىارقانىڭ سارى ٴتوسىن باسىپ ٴوتىپ، 10 كۇننەن سوڭ ات باسىن قارقارالىعا تىرەمەك. توپ قۇرامىندا ەكى ٴجاسوسپىرىم جانە ەكى ماجارلىق بار.

ساپارعا اتتانۋشى ازاماتتاردى شىعارىپ سالۋ سالتاناتىندا ٴسوز سويلەگەن مادەنيەت جانە سپورت باسقارماسى باسشىسىنىڭ ورىنباسارى بەرىك مارجىقپايەۆ شەرۋشىلەرگە اق جول، ٴسات-ساپار تىلەسە، ارداگەرلەر كەڭەسى ٴتوراعاسىنىڭ ٴبىرىنشى ورىنباسارى ٴومىرزاق وزعانباي ۇلى باتا بەردى.

ال ۆەنگريانىڭ توتەنشە جانە وكىلەتتى ەلشىسى باراني اندراش ٴسوز سويلەپ، قازاق پەن ماجارلىقتاردىڭ تۋىستاس حالىق ەكەنىن، ماجارلىقتار وزدەرىن ەجەلگى قىپشاقتاردان تاراعانبىز دەپ ەسەپتەيتىندىگىن ايتا كەلە بابالارىنىڭ ات تۇياعىنىڭ ٴىزى قالعان سارىارقا توسىمەن ٴجۇرىپ ٴوتۋ ولار ٴۇشىن ماقتانىش ەكەنىن ايتتى.

«ٴبىز 10 كۇننىڭ ىشىندە بۇيراتاۋ، باياناۋىل جانە قارقارالى ۇلتتىق پاركتەرىنە توقتايمىز دەگەن ويدامىز. جالپى، ساپاردىڭ ۇزىندىعى شامامەن 600 شاقىرىمدى قۇرايدى. مەن مۇنداي جوباعا ەكىنشى جىل قاتىسىپ وتىرمىن. وسى جوباعا مۇرىندىق بولىپ وتىرعان بەرىك اقىلبەك اعامىز. بيىل ٴبىزدىڭ قاتارىمىزدا ەكى ۆەنگرلىك ازامات بار. اتا-بابا جولىمەن ٴجۇرىپ ٴوتۋ، ەلدەگى ىشكى تۋريزمگە ۇلەس قوسۋ. بولاشاقتا وسىنداي سالت اتپەن ٴجۇرىپ وتەتىن تۋريستىك باعىتتار بولادى دەگەن ويدامىن»، - دەيدى ساپارعا قاتىسۋشى ايدوس نۇراقىشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي