BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا مەديا سالاسىنداعى ٴبىرقاتار حالىقارالىق شارالار وتەدى

ەلوردانىڭ 20 جىلدىق مەرەيتويىنا وراي 2018 جىلدىڭ 10-12 شىلدەسى ارالىعىندا استانادا «ازيا مەديا ديالوگى» جالپى لوزۋنگىنىڭ اياسىندا ٴبىرقاتار اۋقىمدى ٴىس-شارالار وتەدى. ولاردىڭ شەڭبەرىندە سەمينارلار، كونفەرەنسيالار، سونىمەن قاتار ازيا راديوسىنىڭ ٴان فەستيۆالى بار، دەپ حابارلايدى baq.kz اقپارات اگەنتتىگى.

مەديا سالاسىنداعى باسشىلارعا ارنالعان سەمينارلاردىڭ كۇن تارتىبىندە نولدەن باستاپ راديو فورماتىن جاساۋعا، اۋديتوريانى جانە ونى زەرتتەۋ قۇرالدارىن باعالاۋعا، ەۋروپا مەن ازيانىڭ مەديا نارىقتارىنىڭ ينتەراكتيۆتى ۇلگىلەرىن جانە وزىق تاجىريبەلەرىن كورسەتۋ ارقىلى كونتەنتتى ٴارتۇرلى اۋديتورياعا تاراتاتىن كوپ پلاتفورمالى جانە ٴبىر پلاتفورمالى باعدارلامالاردى قولدانۋعا قاتىستى ماسەلەلەر كوتەرىلەدى. بۇدان باسقا، العاش رەت قازاقستاندا ەڭ ٴىرى سالالىق كونفەرەنسيالار وتكىزىلەتىن بولادى، ولاردىڭ ٴبىرى ازيا راديوسىنىڭ ماسەلەلەرىنە ارنالعان. ازيا مەن ەۋروپا مەدياسىنا ورتاق ماسەلەلەردى تالقىلاۋ ماقساتىندا تۇيىندەۋشى وقيعا «media-2020» كونفەرەنسياسى بولادى. اۋستراليا، بەلگيا، گەرمانيا، جاپونيا، قىتاي جانە ەۋروپا مەن ازيانىڭ باسقا ەلدەرىنىڭ جەكە ٴارى ۇلتتىق تەلە- جانە راديوكومپانيالارىنىڭ جەتەكشى وكىلدەرى مودەراتور بولادى.

ازيا-تىنىق مۇحيت ٴوڭىرى ەلدەرىنىڭ جىل سايىنعى ٴان سايىسى بولىپ تابىلاتىن، «ەۋروۆيدەنيە» سايىسى سەكىلدى abu radio song festival ٴان فەستيۆالى اتمحتو-نىڭ استانا مەرەيتويىن تويلاۋ قۇرمەتىنە وراي ەلوردا تۇرعىندارىنا ارنالعان ەرەكشە سىيلىعى بولادى. بيىل ورتالىق ازيادا وسى فەستيۆالدى قابىلدايتىن ٴبىرىنشى ەل قازاقستان بولىپ وتىر. فەستيۆالعا تۇركيا، نەپال، مالديۆ ارالدارى، قازاقستان جانە تاعى باسقا ەلدەردىڭ وكىلدەرى قاتىسادى. ٴىس-شارا قازمەديا ورتالىعىنىڭ كينوكونسەرتتىك زالىندا ۇيىمداستىرىلادى.

2017 جىلى قىركۇيەكتە قىتايدا وتكەن اتمحتو باس اسسامبلەياسىنىڭ قاتىسۋشىلارىنا ٴوز ۇندەۋىندە اقپارات جانە كوممۋنيكاسيالار ٴمينيسترى داۋرەن ابايەۆ اتاپ وتكەندەي، قازاقستان بارلىق الەمنىڭ كورنەكتى مەديا وكىلدەرىن جيناپ، ٴوزىن ەۋروپا مەن ازيا اراسىنداعى ماڭىزدى كوممۋنيكاسيالىق توراپ رەتىندە كورسەتەدى. ٴىس-شارانىڭ اسا ماڭىزدى قوناقتارى بەدەلدى مەديالىق ۇكىمەتتىك ەمەس مەكەمەلەردىڭ باسشىلارى بولادى، ولاردىڭ ىشىندە اتمحتو جانە copeam (جەرورتا تەڭىزى حابار تاراتۋشىلارىنىڭ قاۋىمداستىعى) باس حاتشىلارى، اراب حابار تاراتۋشىلارى قاۋىمداستىعىنىڭ باسشىلارى، الەمدە تىڭداۋشىلار اۋديتورياسى ەڭ ۇلكەن راديو – ٴۇندىستان راديوسىن قوسا العاندا، ازيا مەن ەۋروپانىڭ تەلەراديو حابار تاراتاتىن كومپانيالارى. وسىلايشا، اتمحتو جەلىسىندەگى ٴىس-شارالار قازاقستانداعى وقيعالىق ٴتۋريزمدى دامىتۋعا باعىتتالعان اسا ماڭىزدى يميدجدىك جوبا بولادى.

اتمحتو 3 ميللياردتاي ادام اۋديتورياسىن قامتيتىن الەمنىڭ ەڭ ٴىرى جانە تىعىز ورنالاسقان ٴوڭىرى – ازيا مەن وكەانيانىڭ 69 ەلىنىڭ 292 حابار تاراتۋ ۇيىمدارىن بىرىكتىرەتىن كوممەرسيالىق ەمەس كاسىبي قاۋىمداستىق بولىپ تابىلادى. حابار تاراتۋشىلاردىڭ وڭىرلىك جانە حالىقارالىق دوستاستىعىن نىعايتۋعا جانە ولاردىڭ قىزىعۋشىلىقتارىن ىلگەرىلەتۋگە سەبەپتەسەتىن مۇنداي بەدەلدى ۇيىممەن ىنتىماقتاستىق جاساۋ قازاقستاننىڭ وتاندىق ٴونىمىنىڭ ساپاسىن جوعارىلاتۋعا جانە باعدارلاما جاساۋ مەن جاڭالىق الماسۋ بويىنشا الەمدىك تاجىريبەنى ۇيرەنۋگە جول اشادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي