BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

الپينيستەر قازاقستاننىڭ 20 شىڭىن باعىندىردى 

استانانىڭ 20-جىلدىعىنا ارنالعان "قازاقستاننىڭ 20 شىڭى" ەكسپەديسياسى ٴوز مارەسىنە جەتتى، دەپ حابارلايدى baq.kz ٴتىلشىسى.

«kazakh tourism» ۇلتتىق كومپانياسى مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ تاپسىرماسىمەن قازاقستاننىڭ 20 شىڭىنا ەكسپەديسيا ۇيىمداستىردى. الپينيستەر باعىندىرعان (3446 م) تۇركىستان وبلىسىنىڭ سايرام-وگەم ۇلتتىق پاركىندە ورنالاسقان سوڭعى 20-شى شىڭ ەلوردانىڭ 20 جىلدىعىنا وراي «استانانىڭ 20-جىلدىعى» اتاۋىن الدى.

"وسى ەكسپەديسيانى ۇيىمداستىرۋ بارىسىندا تۋريستىك، ەكسترەمالدىق سپورت تۇرلەرىن دامىتۋعا، ەكوتۋريزم جانە ترەكينگ باعدارلارىن ۇيىمداستىرۋ ٴۇشىن الەۋەتى جوعارى 3 ٴوڭىر تاڭدالىپ الىندى. ولار - الماتى، تۇركىستان، شىعىس قازاقستان وبلىستارى. ەكسپەديسيا اياسىندا وسى باعدارلاردىڭ بارلىعى تىڭعىلىقتى زەرتتەلدى. ول ٴۇشىن كاسىپقوي الپينيستەر شاقىرىلعان بولاتىن. جالپى العاندا شاراعا 100-دەن استام ادام، ونىڭ ىشىندە كاسىبي الپينيستەر جانە تاجىريبەلى ساياحاتشىلار، تانىمال ينتەرنەت بلوگەرلەر قاتىستى"، - دەپ حابارلادى «kazakh tourism» ۇك» اق ٴباسپاسوز قىزمەتى.

ەكسپەديسيا تيان-شان تاۋلارىنىڭ سولتۇستىگىنەن نۇرسۇلتان شىڭىنان باستالدى. ونىڭ بيىكتىگى - 4330،9 مەتر. مۇنان كەيىن ولار تۇيىقسۋ مۇزدىعىندا 10 شىڭعا شىعىپ، شارا بارىسىندا قامتىلعان 20 شىڭنىڭ اراسىنداعى ەڭ بيىگى - مۇزتاۋ شىڭىن (4506 م) باعىندىردى. سونداي-اق، وگەم جوتاسىنداعى 9 شىڭعى شىقتى.

"الپينيستەر قازاق بيلەرىنىڭ اتاۋى بەرىلگەن ايتەكە بي، تولە بي جانە قازىبەك بي اتاۋلى شىڭدارعا العاش رەت جول اشىپ بەردى. سەبەبى بۇعان دەيىن اتالعان شىڭدارعا ەشكىم شىقپاعان. ەندى وسى ەكسپەديسياعا قاتىسۋشىلاردىڭ ارقاسىندا جاڭا ماڭىزدى مارشرۋت پايدا بولدى. ەكسپەديسيا قورىتىندىسى بويىنشا جاڭا تۋريستىك جانە الپينيستىك مارشرۋتتاردى جاساۋدى كوزدەيمىز. ال جينالعان سۋرەتتەر مەن بەينە قور حالىقتى ىشكى تۋريزمگە جانە الپينيزمگە ىنتالاندىرۋعا ىقپال ەتەدى»، - دەدى «kazakh tourism» ۇك» اق باسقارما ٴتوراعاسىنىڭ ورىنباسارى قايرات ٴسادۋاقاسوۆ.

ونىڭ ايتۋىنشا، ەكسپەديسيا ناتيجەسى بويىنشا «استانانىڭ 20-جىلدىعى - قازاقستاننىڭ 20 شىڭى» جوباسىن ۇيىمداستىرۋشىلار ەلىمىزدىڭ تۋريستىك كارتاسىن كەڭەيتۋدى كوزدەپ وتىر. جينالعان ماتەريالدار ينتەرنەتكە، الپينيستىك مارشرۋتتاردىڭ تىزىمىنە ەنگىزىلەدى جانە شىڭداردى باعىندىرعىسى كەلەتىن تۋريستەر سول بويىنشا ٴوز ەركىمەن جوسپار قۇرا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي