BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

الماتىدا استانا كۇنىنە ارنالعان ۆەلوشەرۋ ٴوتتى

«سپورتتىق الماتى» باعدارلاماسى اياسىندا وتكەن بۇل مەرەكەلىك ۆەلوشەرۋگە 400 جۋىق قالا تۇرعىندارى مەن قوناقتارى قاتىستى. جينالعان سپورت سۇيەر قاۋىمدى ۇيىمداستىرۋشىلار باعالى سىيلىقتارمەن ماراپاتتادى. استانا كۇنىنە وراي بارلىق قاتىسۋشىلارعا hawaii جانە miami اكۆاپاركتەرىنە سەرتيفيكاتتار مەن funky town & world ويىن-ساۋىق وراتالىقتارىنا ارنايى كۋپوندار بەرىلدى، دەپ حابارلايدى baq.kz اقپارات اگەنتتىگى.

سونىمەن قاتار، مارەدە قاتىسۋشىلاردىڭ اراسىندا باعالى سىيلىقتار ويناتىلدى. باستى سىيلىق – 4 ۆەلوسيپەد جانە ەلەكتروساموكات.

"بىلتىرعى جىلدان بەرى جەكسەنبىلىك ۆەلوشەرۋلەرگە ۇنەمى قاتىسامىن. سپورتپەن كاسىبي تۇردە شۇعىلدانباسام دا، سالاۋاتتى ٴومىر سالتىن ۇستانۋعا تىرىسامىن. بۇل جاقسى كوڭىل-كۇي مەن مىقتى دەنساۋلىقتىڭ كەپىلى. بۇگىنگى ۆەلوسيپەد ٴبىرىنشى ۇتىسىم، وتە قۋانىشتىمىن. ۇيىمداستىرۋشىلارعا العىسىم شەكسىز! مەرەكە كۇنى بارشا قازاقستاندىقتارعا تىلەرىم – اشىق اسپان، استانامىز كوركەيە بەرسىن، ٴاربىر وتباسىعا بەرەكە مەن باقىت تىلەيمىن!" – دەيدى جەڭىمپاز ەكاتەرينە الەكسەەۆنا ٴبولىستى.

سونداي-اق، ۆەلوشەرۋ «challenge. سەنىڭ جاڭا قىرىڭ!» جوباسى اياسىندا فينالدىق بۇقارالىق جاتتىعۋىمەن جالعاستى. جوبانىڭ قورىتىندىسى بويىنشا بەلسەندى قاتىسۋشىلار ەستەلىك سىيلىقتارمەن ماراپاتتالدى.

"ٴبىزدىڭ كوماندا «challenge. سەنىڭ جاڭا قىرىڭ!» جوباسىن قولدادى جانە «ەڭ سپورتتىق كوماندا» نوميناسياسىن جەڭىپ الدىق. 21 كۇن بويى ٴبىز ٴوز جاتتىعۋلارىمىزبەن الەۋمەتتىك جەلىلەردە ٴبولىسىپ، باسقا ادامداردى ىنتالاندىرۋعا، سپورتقا باۋلۋعا تىرىستىق جانە كەرى بايلانىس تا الدىق، بىزگە قوڭىراۋ شالۋشىلار مەن ريزاشىلىعىن بىلدىرگەن جۇرتشىلىق كوپ بولدى. بۇل وتە قۋانتارلىق جاعداي. كۇن سايىن سپورتپەن شۇعىلدانىڭىز! سالاۋاتتى ٴومىر سالتىن ۇستاڭىزدار! – دەيدى «سپورت بەز گرانيس» توبىنىڭ مۇشەسى دانيار بازاربەك.

بۇل قوزعالىستىڭ باستى ماقساتى – مۇمكىندىگى شەكتەۋلى جاندار اراسىندا سپورتتى قولداۋ جانە ولاردى سپورتقا باۋلۋ.

ۇيىمداستىرۋشىلاردىڭ ايتۋى بويىنشا، «challenge. سەنىڭ جاڭا قىرىڭ!» جوباسىنا شامامەن 10 مىڭ ادام قاتىسىپ، ناتيجەسىندە 16 جەڭىمپاز انىقتالعان بولاتىن.

ايتا كەتەر جايت، بۇل ۆەلوشەرۋ «سپورتتىق الماتى» قالالىق باعدارلاماسىنىڭ قولداۋىمەن 2018 جىلى جوسپارلانعان 21 ۆەلوشەرۋدىڭ توعىزىنشىسى. «سپورتتىق الماتى» باعدارلاماسى مەگاپوليستەگى بۇقارالىق سپورتتى دامىتۋ ماقساتىندا جۇزەگە اسىرىلىپ كەلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي