BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

اقجۋسان يمانعازىقىزى «شەرتپە كۇي» فەستيۆالىنىڭ گران-پريىن يەلەندى

فوتو: qazaquni.kz

استانا، baq.kz. قر مادەنيەت جانە سپورت مينيسترلىگىنىڭ باستاماسىمەن، الماتى وبلىسى اكىمدىگىنىڭ قولداۋىمەن 25-26 قازاق كۇندەرى تالدىقورعان قالاسىندا «شەرتپە كۇي» رەسپۋبليكالىق فەستيۆالى باستالدى. سالتاناتتى شارا ەلورداسى استانانىڭ 20 جىلدىعىنا ارنالعان. ٴدۇبىرلى دوداداعا ەلىمىزدىڭ تۇكپىر-تۇكپىرىنەن كەلگەن 16 مەن 45 جاس ارالىعىنداعى 30-دان استام شەرتپە كۇي شەبەرى قاتىسىپ ٴوز ونەرلەرىن پاش ەتتى. بۇل تۋرالى «قازاق ٴۇنى» اقپارات اگەنتتىگى حابارلايدى.

«شەرتپە كۇي» فەستيۆالىنىڭ باستى ماقساتى – ەلىمىزدەگى تالانتتى كۇيشىلەردى قولداۋ، شەرتپە كۇي ونەرىن دامىتۋ بولىپ تابىلادى. سايىسقا قازاقستاننىڭ ەڭبەك سىڭىرگەن قايراتكەرى، قازاق ۇلتتىق ونەر ۋنيۆەرسيتەتىنىڭ پروفەسسورى، داۋلەسكەر كۇيشى جانعالي ٴجۇزباي ٴتوراعالىق ەتتى. سونىمەن قاتار، «قۇرمەت» وردەنىنىڭ كاۆالەرى، تانىمال كۇيشى مۇحامەدجان تىلەۋحان، قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى، كۇيشى ٴبىلال ىسقاق، كۇيشى، كۇي زەرتتەۋشىسى مۇرات ٴابۋعازى، تاتتىمبەت اتىنداعى رەسپۋبليكالىق كۇيشىر كونكۋرسىنىڭ باس جۇلدەگەرى قايرات ايتبايەۆ سەكىلدى ساڭلاقتار قازىلىق ەتتى.

فەستيۆالدىڭ سالتاناتتى اشىلۋى قارساڭىندا وتكەن ارنايى ٴباسپاسوز ٴماسليحاتىندا ٴسوز العان قازىلار القاسىنىڭ ٴتوراعاسى جانعالي ٴجۇزباي ٴوز پىكىرىن ايتتى.

«جالپى «شەرپە كۇي» سايىسى بۇرىن دا بىرنەشە مارتە وتكەن. ال، رەسپۋبليكالىق دەڭگەيدە، ۇلتىمىزدىڭ ۇلى مۇراسى رەتىندە تۇڭعىش رەت ۇلىقتالىپ وتىر. قازاقتىڭ قانىن دا، جانىن دا، سالت- ٴداستۇر، ادەپ-عۇرپىن ٴبىر اۋىز ٴسوزسىز تۇسىندىرەتىن ەرەكشە قۇدىرەت ول – كۇي. كۇي ونەرى تەك قازاققا عانا ٴتان باعا جەتپەس اسىل مۇرا. بۇگىندە التايدان اتىراۋعا، ارقادان الاتاۋعا دەيىن ىرگە تەپكەن حالقىمىزدىڭ اراسىندا شەرپە كۇيدىڭ ورىنداۋشىلىق نەگىزىن سالىپ، مەكتەبىن قالىپتاستىرۋشى بايجىگىت، بەيسەمبى، تاتتىمبەت، قوجەكە، سۇگىر سىندى ۇلى كۇيشىلەردىڭ ەسىمى كەڭ تاراعان. ٴبىز اتا-بابادان جەتكەن سول مۇرانى كەيىنگىلەرگە جەتكىزۋشىلەرمىز. بۇگىنگى رۋحاني جاڭعىرۋ اياسىندا قولعا الىنعان كۇي فەستيۆالىنىڭ كيەلى جەتىسۋ جەرىنەن باستالۋىنىڭ ٴوزى زور قۋانىش. مەن بارلىق قاتىسۋشىلارعا ساتتىلىك تىلەيمىن» –دەدى ول.

فەستيۆالدىڭ سالتاناتتى اشىلۋىندا الماتى وبلىسى اكىمىنىڭ ورىنباسارى، ٴداستۇرلى ٴانشى اقان ٴابدۋالى ٴسوز سويلەپ، بارشى جينالعان قاۋىمدى كۇي مەرەكەسىمەن شىن جۇرەكتەن قۇتتىقتاپ، سايىسكەرلەرگە ساتتىلىك تىلەدى.

سايىس ەكى كەزەڭنەن تۇردى. بىرىنشە كەزەڭدە كۇيشىلەر بايجىگىتتىڭ «كوكبالاق»، تاتتىمبەتتىڭ «بەس تورە»، توقانىڭ «باستاۋ قوسباسار»، اققىزدىڭ «مۇڭدى قىز» كۇيلەرىن ورىنداپ، ٴوز شەبەرلىكتەرىن كورسەتتى. ناتيجەسىندە 24 سايىسكەردىڭ ىشىنەن 12 كۇيشى كەلەسى كەزەڭگە جولداما الدى.

ٴى. جانسۇگىروۆ اتىنداعى مادەنيەت سارايىندا وتكەن ٴدۇبىرلى دودانىڭ ەكىنشى كەزەڭىندە 12 كۇيشى ٴوزارا مىقتىنى انىقتاپ، سايىس باعدارلاماسىنا ەنگەن سۇگىردىڭ «بەس جورعاسىن»، ابىكەن حاسەنوۆتىڭ «قوڭىرىن»، تولەگەن مومبەكوۆتىڭ «سالتاناتىن»، نۇرعيسا تىلەنديەۆتىڭ «ارمانىن» جانە بەيىسبايدىڭ «شىڭىراۋ» كۇيلەرىن تارتتى.

قازىلار القاسىنىڭ ٴبىر اۋىزدان قابىلداعان شەشىمى ناتيجەسىندە باس جۇلدە استانا قالاسىنان كەلگەن تانىمال كۇيشى اقجۋسان يمانعازىقىزىنا بەرىلدى. ٴبىرىنشى ورىندى تۇركىستاندىق سەرىك پازىلوۆ، ەكىنشى ورىندا اتىراۋلىق اينۇر ساكۋپوۆا مەن شىعىس قازاقستاننان كەلگەن سىرىم نۇرمولدين ەنشىلەسە، جۇلدەلى ٴۇشىنشى ورىندى پاۆلوداردان كەلگەن ەرتىس سايىرحان مەن الماتىلىق ماعاۋيا سامال قانجىعالارىنا بايلادى.

فەستيۆالدىڭ باس جۇلدە يەگەرىنە مادەنيەت ٴمينيسترى ارىستانبەك مۇحامەدي ۇلىنىڭ اتىنان ارنايى ديپلوم مەن «التىن دومبىرا» ٴمۇسىنى، سونىمەن قاتار، 1 000 000 تەڭگە قارجىلاي سىيلىق تابىستالدى.

اقجۋسان يمانعازىقىزى – تانىمال كۇيشى. ونىڭ ورىنداۋىنداعى كۇيلەر قىتايدىڭ حالىق راديوسىنىڭ التىن قورىندا ساقتالعان. فرانسۋز مۋزىكاتانۋشىسى گساۆە اللەزدىڭ باستاماسىمەن پاريجدە شىققان تاتتىمبەت كۇيلەرىنىڭ ديسكىسىنە اقجۋساننىڭ ورىنداۋىنداعى تاتتىمبەتتىڭ بەس كۇيى ەنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي