BAQ.kz - Қазақстан жаңалықтары USD 343.45 BAQ.kz - Қазақстан жаңалықтары EUR 399.57 BAQ.kz - Қазақстан жаңалықтары RUB 5.52
استانا:

abu باس حاتشىسى استانانى مەرەيتويىمەن قۇتتىقتادى 

ازيا-تىنىق مۇحيتتىق حابار تاراتۋ وداعى (abu) باس حاتشىسى استانانى مەرەيتويىمەن قۇتتىقتادى. بۇل جونىندە وداقتىڭ باس حاتشىسى دجاۆاد موتتاگي قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا مالىمدەدى، دەپ حابارلايدى baq.kz ٴتىلشىسى.

«بۇل مەنىڭ استاناعا ەكىنشى رەت كەلۋىم. العاشقى رەت 2004 جىلى تاڭەرتەڭ استانادا بولىپ، كەشكە الماتىعا قاراي جول ٴجۇرىپ كەتكەنمىن. بۇگىن كورىپ وتىرعانىمداي، قالادا اۋقىمدى وزگەرىستەر ورىن العان. سىزدەردىڭ قالالارىڭىز وتە ادەمى جانە ول قارقىندى ٴوسىپ كەلە جاتىر. ارينە، بۇل قالاداعى ەڭ ماڭىزدىسى – بۇل ادامدار. ادامدار مەملەكەت ٴۇشىن باعالى رەسۋرس بولىپ تابىلادى. مەن وسى مۇمكىندىكتى پايدالانىپ، استانا قالاسىنىڭ 20 جىلدىعىمەن سىزدەردى قۇتتىقتاعىم كەلەدى»، - دەپ جىلى لەبىزىن ٴبىلدىردى شەتەلدىك قوناق.

سونىمەن قاتار، دجاۆاد موتتاگي ازيا-تىنىق مۇحيتتىق حابار تاراتۋ وداعى (abu) مەن قازاقستان اراسىنداعى ارىپتەستىكتى وڭ باعالادى.

«abu مەن قازاقستان اراسىندا وتە جاقسى اىپتەستىك بار. سونداي-اق، الداعى كۇندەرى قازاقستاندا abu ۇيىمىنىڭ ٴۇش ٴىرى جوباسىن وتكىزۋ ارقىلى ٴبىز اراداعى ارىپتەستىك پەن قارىم-قاتىناستى ودان ٴارى نىعايتىپ، دامىتا تۇسەمىز دەگەن سەنىمىم بار. بۇل ٴۇش شارانى اتاپ وتسەم، ولار – ازيا ەلدەرىندەگى راديو، اندەر فەستيۆالى جانە media – 2020. بۇل استانا شىعىس پەن باتىستاعى مەدياماماندار اراسىنداعى ديالوگتى تالقىلاپ، ونى ناعايتۋ ورنى ەكەنىن ٴبىلدىرىپ وتىر. وعان قوسا، بۇل شارا قازاقستانداعى مەديانى دامىتۋ بويىنشا ٴىرى ىستەردى قولعا الۋدىڭ وڭ باستاماسى. سىزدەردە مۇمكىندىك وتە كوپ، ەلدەرىڭىز وتە كورىكتى. سىزدەر تەك ورتالىق ازياعا عانا ەمەس، بۇكىل ٴوڭىردى دامىتۋعا ٴوز ۇلەستەرىڭىزدى قوسا الار ەدىڭىزدەر»، - دەدى وداقتىڭ حاتشىسى.

ەسكە سالا كەتسەك، الداعى كۇندەرى ەلوردادا وتەتىن ازيا-تىنىق مۇحيتتىق حابار تاراتۋ وداعى اياسىنداعى فورۋمعا شەتەلدىك ۇلتتىق جانە ايماقتىق حابار تاراتۋ بىرلەستىكتەرىنىڭ 100-دەن اسا وكىلى قاتىسادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي