USD 335.71 EUR 357.36 RUB 5.23
استانا:

ەڭبەك پەن كاسىپ تۋرالى

فوتو: arhar.kz

ەڭبەك پەن كاسىپ تۋرالى ماقال-ماتەلدەر.

ەڭبەك ٴتۇبى – بەرەكە،

كوپتىڭ ٴتۇبى – مەرەكە.

***

بەينەت،

بەينەت ٴتۇبى – زەينەت.

***

ەڭبەك ەتسەڭ – ەمەرسىڭ.

***

راحات ٴتۇبى – كەيىس،

بەينەت ٴتۇبى – كەڭىس.

***

ەر داۋلەتى – ەڭبەك.

***

كەلگەن داۋلەت،

كەتكەن بەينەت.

***

ەر ەڭبەگىنە ٴبىر تويسىن.

***

بەينەتىڭ قاتتى بولسا،

تاتقانىڭ ٴتاتتى بولار.

***

قولى قيمىلداعىننىڭ

اۋىزى قيمىلدار.

***

ەڭبەگىنە قاراي، ونبەگى.

***

جاس كەزىمدە بەينەت بەر

قارتايعاندا داۋلەت بەر.

***

ەڭبەك ەرلىككە جەتكىزەر،

ەرلىك ەلدىككە جەتكىزەر.

***

ەڭبەك ەت تە، مىندەت ەت.

***

كوپ ەڭبەگى – كوڭىلدى.

***

ەڭبەگىڭ سايلى بولسا،

ٴىشىڭ مايلى بولار.

***

ەڭبەك ەت تە ماقتان،

ويناپ-كۇل دە شاتتان.

***

ەڭبەك – شيراتادى،

ٴومىر – ۇيرەتەدى.

***

كەتپەن شاۋىپ ولگەم جوق،

كەمتارشىلىق كورگەم جوق.

تاڭمەن تالاسا تۇرعاننىڭ

تالاي ٴىسى بىتەدى.

تال تۇسكە دەيىن جاتقاننىڭ

تالاي ٴىسى كەتەدى؟

***

ەڭبەك پەن باقىت ەگىز.

***

ەڭبەككەر

ۇيقىدان شيراپ تۇرادى.

ەرىنشەك

ۇيقىدان قيراپ تۇرادى.

***

رىستى ەڭبەك ەتىپ،

جەردەن سۇرا،

جەرگە اققان ىستىق،

ٴمولدىر تەردەن سۇرا.

***

ەڭبەك دەگەن بايلىق بار،

ەرىنبەگەن جەتەتىن.

جوقشىلىق دەگەن جەبىردى

جەرمەن-جەكسەن ەتەتىن.

***

ەڭبەكپەن ەر وسەدى،

ەگىزدەن ٴتول وسەدى.

***

ەلىڭ سەنى ەلەسە،

ەڭبەگىڭنىڭ جانعانى،

ەلىڭ سەنى شەنەسە،

كوز قىرىنا العانى.

***

مال وسىرسەڭ مول ٴوسىر،

كەڭەيتەدى پەيىلىڭدى.

ەڭبەك ەتسەڭ – كول كوسىر

قاندىرادى مەيىرىڭدى.

***

ەڭبەك ەت تە، ەگىن ەك،

جارىماساڭ ماعان كەل.

بەلدى بۋ دا بەينەت قىل،

بايىماساڭ ماعان كەل.

***

ەڭبەكتە قورلىق جوق،

شىندىقتا زورلىق جوق.

***

ەڭبەكتەن العاننىڭ ٴبۇيىرى شىعادى،

كىسىدەن العاننىڭ ەكى كوزى شىعادى.

***

ەڭبەك ٴتۇبى – قۋانىش،

ساۋدا ٴتۇبى – رەنىش.

***

ەڭبەگىنە قاراي – قۇرمەت،

جاسىنا قاراي – ىزەت.

***

حالىق – قازى،

ەڭبەك – تارازى.

***

ەكى كوزىڭ ويناسا،

جاقۇت ەمەي نەمەنە؟

ەكى قولىڭ ويناسا

باقىت ەمەي نەمەنە؟

***

ەركىن ەڭبەك –

بارشانى جەڭبەك.

***

ەڭبەك – ٴومىردى ۇزارتادى،

ۇيات بەتتى قىزارتادى.

***

جەر – ٴومىردىڭ بەسىگى.

ەڭبەك – ەردىڭ نەسىبى

ەڭبەك ەتكەن –

مۇراتقا جەتكەن.

***

كەدەيلىك كەتسىن دەسەڭ، ەڭبەك ەت.

مولشىلىق جەتسىن دەسەڭ، ەڭبەك ەت.

***

ەڭبەك ەتسەڭ – ەلەنەرسىڭ،

ەڭبەگىڭە كەنەلەرسىڭ.

ەسىڭ جيىپ، ەتەك جاۋىپ،

ەلگە جەتىپ تەڭەلەرسىڭ.

***

ەڭبەكسىز ٴومىر جوق،

اۋىرسىز جەڭىل جوق.

***

كوندىكپەسەڭ بەينەتكە،

قولىڭ جەتپەس زەينەتكە.

***

التىن ٴازازىل – ازدىرار...

ادال ەڭبەك – بويىڭدى جازدىرار.

***

قاتتى جەرگە قاق تۇرار،

قايراتتى ەرگە باق تۇرار.

***

ەرتە تۇرعان جىگىتتىڭ

ىرىسى ارتىق،

ەرتە تۇرعان ايەلدىڭ

ٴبىر ٴىسى ارتىق.

***

كوز قورقاق

قول باتىر.

***

جۇيەسىن تاۋىپ، جۇمىس قىل.

جەرىن تاۋىپ، تىنىس قىل.

***

كۇشىڭە سەنبە،

ىسىڭە سەن.

***

وزەن جاعالاعاننىڭ

وزەگى تالماس.

***

تۇيمەنىڭ ينەسىز كۇنى جوق.

***

جىگىتتىڭ جۇمساعان كۇشىن سۇراما،

بىتىرگەن ٴىسىن سۇرا.

***

ەلگە قىلعان جاقسىلىق،

ەلەنبەي قالمايدى.

ەڭبەك ەتكەن ەرىنبەي –

كەنەلمەي قالمايدى.

***

ەرگەنەك بولماسا،

ەسىك تۇرا ما؟

ەڭبەككەر بولماسا،

نەسىپ تۇرا ما؟

***

وتتى ۇرلەگەن جاعادى.

شىندىقتى ىزدەگەن تابادى.

***

ٴبىر ەڭبەكتىڭ – ٴبىر راحاتى بار.

***

كوڭىلسىز جۇمىس – ٴونىمسىز.

***

ەرىنگەن ەكى ىستەيدى.

***

قالعان ىسكە – قار جاۋار.

***

جۇمىسى جەمىستىنىڭ –

ٴومىرى كەلىستى.

***

ٴسوزى – از،

ٴىسى – ساز.

***

دايارعا – ايار.

***

جاقسى بولار جىگىتتىڭ

جۇمىسسىز جۇرگەن كۇنى جوق.

جامان بولار جىگىتتىڭ

ەش جۇمىسقا قىرى جوق.

***

بال ۇستاعان بارماعىن جالار.

***

ىنتا بولسا ادامدا

قيىن ٴىس جوق عالامدا.

***

ارەكەت بولماي – بەرەكەت جوق.

ەڭبەكسىز – راحات جوق.

***

ەڭبەك – ىرىستىڭ بۇلاعى،

ەڭبەك – باقىتتىڭ شىراعى.

***

ەرىنبەي ەڭبەك ىستەسەڭ –

ەتەك-جەڭىڭ كەڭەيەر،

ەتەك-جەڭىڭ كەڭەيسە،

تەرەزەڭ جۇرتپەن تەڭەيەر.

***

ۇدەرە كوشكەن ۋىعىن سىندىرادى،

جۇمىلا جۇمىس ىستەگەن

جۇمىستى تىندىرادى.

***

ەرىنبەي ەڭبەك ەتسەڭ –

ەرىنىڭ اسقا تيەدى.

ەرىنىپ ٴىلبىپ كەتسەڭ،

يەگىڭ تاسقا تيەدى.

***

قۇرىش قايرات،

قۇرىلىستا شىنىعار

ٴىسىن سۇيگەن،

ىستەي ٴجۇرىپ تىنىعار.

***

ٴسۇيىپ ىستەگەن ٴىس –

شارشاتپايدى.

***

قولىما جۇمىس بەرگەنىڭ –

جانىما تىنىس بەرگەنىڭ.

***

وڭ قولىم، سول قولىم،

ەكەۋى دە ٴوز قولىم.

***

جارلى بىلەگىنە سەنەدى

جىگىت جۇرەگىنە سەنەدى.

***

ەڭبەك ىستەگەننىڭ ەتى «اۋىرادى»،

جانى ساۋىعادى.

***

ەڭبەگىنە قاراي تابىسى،

ەرلىگىنە قاراي دابىسى.

***

كۇشىڭ باردا ىستە!

ٴتىسىڭ باردا تىستە!

***

جامان ٴىس جوق.

***

كۇنشىلدىڭ

كۇنى كەش،

ەڭبەگى ەش.

***

جاقسى ٴسوز – جان ازىعى،

جاقسى ەڭبەك – ىرىس قازىعى.

***

جۇمىلا ىستەگەن ٴىس جەڭىل.

***

بىتكەن ٴىس – پىسكەن جەمىس.

***

جاقسى جۇمىستان

جان راحات الادى.

جامان جۇمىستان،

كوڭىل قالادى.

***

جۇمىس قىلىپ بوي تۇزە،

ونەر قۋىپ وي تۇزە.

***

ەڭبەكسىز – ٴومىر تۇل،

ويسىز – كوڭىل تۇل.

***

ٴوزى ٴىرى، ەتى ٴتىرى، جانى ٴسىرى –

جۇمىستىڭ ٴپىرى.

***

ەكى جالقاۋ – ەلگە سىيماس.

***

ەڭبەگى ازدىڭ ونبەگى از.

***

ەڭبەگى ەشتىڭ

كۇنى – كەش.

***

ەڭبەكسىز تاپقان مال،

ەسەپسىز كەتەر.

***

شاپقان وزار، جاتقان توزار.

***

ەڭبەكتىڭ نانى ٴتاتتى.

جالقاۋدىڭ جانى ٴتاتتى.

***

ىستەۋ قيىن، سىناۋ وڭاي.

***

ەڭبەك ادامدى بۇتىندەيدى،

جالقاۋلىق ادامدى ٴتۇتىپ جەيدى.

***

ەر تىنىسى – ەڭبەك،

ەز تىنىسى – ەرمەك.

***

ەستى ٴبىر ولەدى،

ەرىنشەك مىڭ ولەدى.

***

جالقاۋعا جاتسا دا – مەيرام،

تۇرسا دا – مەيرام.

***

بەرەكەسىز بەيباقتار

تەرلەپ ەڭبەك ەتپەيدى.

تەرلەپ ەڭبەك ەتپەگەن

تىلەگىنە جەتپەيدى.

***

كەدەيلىك جانى ٴتاتتى جالقاۋعا ٴۇيىر،

ەڭبەك ەتە بىلمەيتىن، اڭقاۋعا ٴۇيىر.

***

جالقاۋدىڭ جۇمىسى ونبەيدى.

جاياۋدىڭ ٴجۇرىسى ونبەيدى.

***

اۋزىمەن استاۋ شاپقان

قولىمەن جاڭقا جارا الماس.

***

ەڭبەكتەن قاشپا،

ىرىسىڭدى شاشپا.

***

ەز – ەزەر،

ەزەردەن ىرىس بەزەر.

***

ىڭىردەن جاتقان – ىرىسسىز قالادى.

***

ماڭدايى تەرلەمەگەننىڭ

قازانى قاينامايدى.

***

ەرتەڭ-ەرتەڭ دەۋمەن،

ەرىنشەك ولەر.

كورىنگەنگە جەم بولىپ

كوڭىلشەك ولەر.

***

اڭقاۋ الدىرار،

جالقاۋ قاڭعىرار.

***

تاۋىق قۇس ەمەس،

جالقاۋ كىسى ەمەس.

***

اقىماق كۇلكىگە تويمايدى،

جالقاۋ ۇيقىعا تويمايدى.

***

جۇمىسى جوقتىڭ ىرىسى جوق.

***

ەرىنشەكتىڭ ەگىنى پىسپەس.

***

ەڭبەكسىز ەل كەزگەنىڭ –

ار-ۇياتتان بەزگەنىڭ.

***

قىرقىنا شىداعان

قىرىق بىرىنە دە شىدايدى.

***

اتتىڭ سۇرىنشەگى،

جىگىتتىڭ ەرىنشەگى جامان.

***

ساۋدىڭ اسىن ٴىشىپ

اۋرۋدىڭ ٴىسىن ىستەيدى.

***

ۋاقىتىڭنىڭ بوسقا وتكەنى –

ٴومىرىڭنىڭ بوس كەتكەنى

***

ەرىنشەككە ەسىك پەن ٴتور –

ەكى كۇندىك جەر.

***

ەڭبەگىڭ بولماسا،

ەلگە وكپەلەمە.

ىقتاسىنىڭ بولماسا،

جەلگە وكپەلەمە.

***

ەرىنشەكتىڭ ەرتەڭى بىتپەس،

جەڭىلتەكتىڭ سەلتەڭى بىتپەس.

***

وپاسىزبەن دوس بولما،

ەرىنشەكپەن قوس بولما.

***

جالقاۋ – جارتى كىسى.

***

جالقاۋ جاتىپ ىشەر،

وتىرىپ ۇيىقتار.

***

ەڭبەككە ەبى جوقتىڭ،

ەلدىككە سەبى جوق.

***

جەمىستى جۇمىس

جانىڭدى تىندىرادى.

ساۋىققۇمارلىق

ساعىڭدى سىندىرادى.

***

اقپاسا، سۋ بۇزىلادى.

***

سوزگە كوپ – ىسكە جوق.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي