BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

كىم كىنالى: تاعدىر ما، الدە تەرەزە؟

«بۇگىن بەسىنشى قاباتتان ٴۇش جاسار ٴسابي قۇلاپ، كوز جۇمدى»، «كەشە ەكىنشى قاباتتان قۇلاعان ٴسابي اۋىر دەنە جاراقاتىمەن اۋرۋحاناعا جەتكىزىلدى»، «وتكەن اپتادا ٴتورتىنشى قاباتتاعى تەرەزەدەن قۇلاپ كەتكەن ٴبۇلدىرشىن جانساقتاۋ بولىمىندە اجال قۇشتى»... بيىل بۇقارالىق اقپارات قۇرالدارىندا وسىنداي سيپاتتاعى جاڭالىقتار كوبەيىپ كەتتى. بۇعان سەبەپ ۇيدە بالاسىن قاراۋسىز قالدىرىپ كەتكەن اتا-انانىڭ سالعىرتتىعى ما، الدە ەكىنشى قاباتتان باستاپ بارلىق تەرەزەگە تەمىر تور ورناتۋدى مىندەتتەمەگەن زاڭنىڭ السىزدىگى مە؟ baq.kz ٴتىلشىسى وسى ماسەلە توڭىرەگىندە مامانداردىڭ پىكىرىن ٴبىلىپ، ماسەلەنىڭ ٴمانىن اشۋعا تىرىسىپ كوردى.

«باسقانىڭ بالاسى قۇلاعانمەن، مەنىڭ بالام قۇلامايدى»

بىلتىر سارىارقا اۋدانىنىڭ اكىمى اپپاراتىنىڭ باستاماسىمەن، اۋداننىڭ ٴىىب جپق بىرلەسە وتىرىپ، بالالاردىڭ تەرەزەدەن قۇلاپ كەتۋىنىڭ الدىن الۋ ماقساتىندا «تەرەزەنى جاپ – ۇيدە بالا بار» ناۋقانى وتكىزىلدى. ناۋقاننىڭ ماقساتى – اتا-انالاردى پاتەر ىشىندە قىراعى بولۋعا جانە بالانى كوزدەن تاسا قىلماۋعا، تەرەزەلەرى اشىق جەرلەردى بالانى قاراۋسىز قالدىرماۋعا شاقىرۋ بولاتىن. كامەلەت جاسقا تولماعاندار اراسىنداعى قاراۋسىز قالۋ مەن قۇقىق بۇزۋشىلىقتىڭ الدىن الۋ بويىنشا رەيدتەر وتكىزىلدى، تۇرعىندار بالالاردىڭ قاۋىپسىزدىگىن قامتاماسىز ەتۋ، سونداي-اق بالالار تەرەزەنى ٴوز بەتتەرىمەن اشا المايتىنداي تەرەزەلەرگە ارنايى قورعانىس جۇيەلەرىن ورناتۋ قاجەتتىلىگى تۋرالى حابارلاندىرىلدى. قانداي شارا قولدانىلسا دا سابيلەردىڭ تەرەزەدەن قۇلاپ كەتۋ جاعدايى ازايعان جوق.

بيىل وسى ۋاقىتقا دەيىن باسقا وبلىستاردى ەسەپتەمەگەندە استانا قالاسىنىڭ وزىندە عانا 17 رەت تەرەزەدەن ٴسابيدىڭ قۇلاپ كەتۋى جاعدايى تىركەلگەن. مۇنداي وقىس جاعدايعا تاپ بولعان سابيلەردىڭ ٴبىرىن پەرىشتەسى قاعىپ ٴتىرى قالسا، ٴبىرى كوز جۇمىس، ەندى ٴبىرى ٴتىرى قالسا دا مۇگەدەك بولىپ قالادى. ەڭ وكىنىشتىسى، اتا-انا مۇنداي جاعداي ٴوز بالاسىنىڭ باسىندا بولۋى مۇمكىن ەكەنىنە ٴمان بەرمەيدى، ٴسويتىپ تەرەزەگە تەمىر تور ورناتپاي جۇرە بەرەدى.

استانا قالاسىنىڭ تۇرىعىنى مادينا رايحانوۆا كورشىسىنىڭ بالاسى تەرەزەدەن قۇلاپ كەتكەنىن كورگەندە عانا ٴوز ٴۇيىنىڭ تەرەزەسىنە تەمىر تور ورناتۋ تۋرالى وي كەلگەنىن ايتتى.

- وسىدان بىر-ەكى اي بۇرىن ەكىنشى قاباتتاعى تەرەزەدەن ەكى جاسار قىز بالا قۇلاپ كەتتى. ول ٴبىر اپتا بويى جانساقتاۋ بولىمىندە جاتىپ شىقتى. بەتى ەندى بەرى قارادى. ٴوزىمنىڭ ەكى كىشكەنتاي ۇلىم بار، سول جاعدايدى كورگەندىكتەن تەرەزەگە تەمىر تور سالعىزدىم، - دەيدى ول.

«تەرەزەگە تەمىر تور ورناتۋعا بيلىك تاراپىنان قولداۋ جوق»

stroiremdoma.ru

سابيلەر تەرەزەدەن قۇلاۋىنىڭ ەڭ باستى سەبەبى – اتا-انانىڭ سالعىرتتىعى. ەندى ەڭبەكتەپ جۇرە باستاعان، «كورسەم-بىلسەم» دەگەن نيەتپەن ٴار نارسەنى ۇستاپ كورەتىن جاستاعى بالانى تەرەزەسى اشىق تۇرعان بولمەدە قالاي جالعىز قالدىرىپ كەتۋگە بولادى؟ مۇنداي جاعدايدا اتا-اناعا زاڭ جۇزىندە شارا قولدانۋعا بولا ما؟ بۇل سۇراقتارعا زاڭگەر ايناش ناكەشبايەۆا جاۋاپ بەردى.

- وسىنداي جاعدايعا تاپ بولعان اتا-انانى جازالاۋ ماسەلەسىمەن ەشكىم الدىما كەلىپ كورگەن جوق. ٴار اتا-انا ٴسابيىنىڭ ٴومىرى ٴۇشىن جاۋاپتى، سول ٴۇشىن قايعىلى جاعدايدىڭ ورىن الۋىنان ساقتاۋ ٴۇشىن تەرەزەگە تەمىر تور ورناتىڭىز. تەرەزەگە تەمىر تور سالۋعا قاراجاتىڭىز جوق پا، وندا بالاڭىزدىڭ تەرەزەگە شىعىپ كەتپەۋىن بارىنشا قاداعالاڭىز. بالاسىنىڭ تەرەزەدەن قۇلاپ كەتۋىنە جول بەرىپ العان اتا-انا قازاقستان رەسپۋبليكاسى قىلمىستىق كودەكسىنىڭ 119-بابى، ياعني «ٴقاۋىپتى جاعدايعا قالدىرۋ» بويىنشا جازالانادى، - دەيدى ول.

- ال قۇرىلىسى باستالعان ۇيلەردىڭ تەرەزەسىنە تەمىر تور ورناتۋدى سمەتالىق جوباعا ەنگىزۋ قانشالىقتى مۇمكىن؟ قايعىلى جاعدايدىڭ ورىن الۋىنىڭ الدىن الاتىن ەڭ دۇرىس جول وسى سياقتى.

- بۇل ماسەلەنى كوپقاباتتى ۇيلەردەگى ارحيتەكتۋرالىق قىزمەت ارقىلى رەتكە كەلتىرمەسە، باسقا شەشىم جوق. وسىعان ۇقساس كوپتەگەن الەۋمەتتىك ماڭىزى بار باعدارلامالار بار، ٴبىراق ولاردىڭ ٴبارىن مەملەكەت قارجىلاندىرا بەرمەيدى. ياعني، قۇرىلىس كومپانيالارىنىڭ ٴبىرى ٴۇي تۇرعىزعاندا مىندەتتى تۇردە ەكىنشى قاباتتان باستاپ تەرەزەلەرىنە تەمىر تور قويۋ كەرەك دەگەن باستامانى كوتەرگەن جاعداي بولعان، ٴبىراق ول باستامانى قولداعان ەشكىم بولماعان. ٴتىپتى بولماعاندا قاۋىپسىزدىك شارالارىن ساقتاۋ جايلى دارىستەر وقىلىپ، باننەرلەر ىلىنسە – حالىق كىشكەنە نازار اۋداراتىن ەدى.

«ٴوز-وزىن جازعىراتىن اتا-انا كوپ»

melodiya.biz

جوعارىدا اتاپ وتكەنىمىزدەي، مۇنداي وقىس جاعدايدىڭ بولۋىنا ەڭ الدىمەن اتا-انا كىنالى. مۇنداي جاعدايدى ەشكىم باسىنا تىلەپ الماسى انىق، ٴبىراق وقىس جاعداي ەكەن دەپ جاۋاپكەرشىلىكتەن قاشۋ دا دۇرىس ەمەس. وسىنداي وقيعاعا تاپ بولعان اتا-انا زاڭ الدىندا بولماسا دا، ىشتەي ٴوز-وزىن جازعىرۋمەن وتەتىنى ٴسوزسىز. مۇنداي جاعدايدا نە ىستەۋگە بولاتىنى تۋرالى پسيحولوگ مامان اناستاسيا ساۆەلەۆا پىكىر ٴبىلدىردى.

- مەنىڭ قابىلداۋىمدا ٴارتۇرلى سەبەپپەن بالاسىنان ايىرىلىپ قالعان اتا-انالار بولدى. ولاردىڭ جانايقايىن ەشكىم تۇسىنبەگەندىكتەن، وز-وزىنە قول جۇمساۋعا باراتىن اتا-انالار دا بولادى. كەيدە ولارعا نە ايتىپ، قالاي جۇباتارىڭدى دا بىلمەي قالاسىڭ. ىشتەي ٴوز-وزىن جەپ، قايعىعا باتقاننان گورى، ارنايى ماماننىڭ كومەگىنە جۇگىنىپ، كومەك العانى الدەقايدا دۇرىس، - دەيدى ول. ساۆەلەۆا.

2018 جىلى سابيلەردىڭ تەرەزەدەن قۇلاۋىنا بايلانىستى وقيعالار تىزبەگى:

3 ناۋرىزدا استانا قالاسىنداعى «يزوبيليە» تۇرعىن ٴۇي كەشەنىنىڭ 9-قاباتتاعى پاتەرلەردىڭ ٴبىرىنىڭ تەرەزەسىنەن قۇلاپ كەتە جازداعان 4 جاستاعى ٴسابي قۇتقارىلدى.

2 مامىردا اقتاۋ قالاسىندا 4-قاباتتاعى تەرەزەدەن قۇلاپ كەتكەن قىز بالا ٴارتۇرلى دەنە جاراقاتىمەن اۋرۋحاناعا جەتكىزىلدى.

28 مامىردا 4-قاباتتاعى تەرەزەدەن قۇلاپ كەتكەن بەس جاستاعى بالا باسسۇيەك-مي جابىق جاراقاتىن الىپ، ميى شايقالعان كۇيدە وبلىستىق بالالار اۋرۋحاناسىنا جەتكىزىلدى.

7 ماۋسىمدا شىمكەنتتە 3-قاباتتىڭ تەرەزەسىنەن قۇلاعان ٴۇش جاسار قىز بالا كوز جۇمدى.

12 ماۋسىمدا جامبىل وبلىستىق بالالار ينفەكسيالىق اۋرۋحاناسىنىڭ 2-قاباتىنان ەكى جاسار بالا قۇلاپ كەتتى. بۇل تارازدا ٴبىرىنشى رەت بولىپ وتىرعان قايعىلى جاعداي ەمەس. ٴبىر اي بۇرىن، ياعني 12 مامىردا ول جاقتا تاعى ٴبىر قايعىلى جاعداي بولدى: ەكى قاباتتى جەكە تۇرعىن ۇيدە اتا-اناسىنىڭ قاراۋىنسىز قالعان كىشكەنتاي قىز تەرەزەدەن قۇلاپ كەتكەن ەدى. ول دا اۋرۋحاناعا جاتقىزىلعان.

15 ماۋسىمدا ٴتورت جاستاعى بالا بەس قاباتتى ٴۇيدىڭ 5-قاباتىنداعى تەرەزەدەن قۇلاپ كەتتى.

1 شىلدەدە قاراعاندىدا ٴتورت جاستاعى بالا كوپقاباتتى تۇرعىن ٴۇيدىڭ 5-قاباتىنداعى تەرەزەدەن قۇلاپ، قايتىس بولدى. تاعى ٴبىر وقىس وقيعا اباي قالاسىندا ورىن الدى. 30 ماۋسىم كۇنى 2017 جىلى تۋىلعان ٴسابي ٴ5-شى قاباتتان قۇلاعان. 28 ماۋسىمدا تەمىرتاۋدا 3 جاستاعى بالا 6-شى قاباتتاعى تەرەزەدەن قۇلاپ كەتكەن. ەكى بالا دا اۋرۋxانادا.

2 شىلدەدە قاراعاندىدا ۇلكەندەردىڭ قاراۋىنسىز قالعان 2 جاسار ٴسابي 8-قاباتتاعى پاتەردىڭ تەرەزەسىنەن قۇلاپ، كوز جۇمدى.

9 شىلدەدە پاۆلودار وبلىسى، ەكىباستۇز قالاسىندا 6 جاسار بالا 2-قاباتتان قۇلاپ كەتتى.

19 شىلدەدە وسكەمەندەگى كوپقاباتتى ۇيلەردىڭ بىرىندە 3-قاباتتاعى اشىق تۇرعان تەرەزەگە شىعىپ العان ٴسابي جۇرتتى دۇرلىكتىردى.

ٴبىزدىڭ انىقتاما

قر قىلمىستىق كودەكسi

119-باپ. قاۋiپتi جاعدايدا قالدىرۋ

1. ومiرiنە نەمەسە دەنساۋلىعىنا قاۋiپتi جاعدايداعى جانە سابيلiگiنە، قارتتىعىنا، ناۋقاستىعىنا قاراي نەمەسە وزگە دە دارمەنسiز كۇيi سالدارىنان ٴوزiن-وزى ساقتاپ قالۋ شارالارىن قولدانۋ مۇمكiندiگiنەن ايىرىلعان ادامدى كورiنەۋ كومەكسiز قالدىرۋ، ەگەر كiنالi ادامنىڭ سول ادامعا كومەك كورسەتۋ مۇمكiندiگi بولعان نەمەسە سول ادامعا قامقورلىق جاساۋعا مiندەتتi بولعان نە ونى ومiرiنە نەمەسە دەنساۋلىعىنا قاۋiپتi كۇيگە ٴوزى تۇسىرگەن جاعدايلاردا ٴبىر ٴجۇز ايلىق ەسەپتiك كورسەتكiشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ٴبىر ٴجۇز جيىرما ساعاتقا دەيiنگى مەرزiمگە قوعامدىق جۇمىستارعا تارتۋعا نە قىرىق بەس تاۋلىككە دەيىنگى مەرزىمگە قاماققا الۋعا جازالانادى.

2. كومەكسiز قالدىرىلعان ادامنىڭ دەنساۋلىعىنا ابايسىزدا اۋىر نەمەسە اۋىرلىعى ورتاشا زيان كەلتىرۋگە اكەپ سوققان ٴدال سول ىس-ارەكەت – ەكى مىڭ ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ەكى جىلعا دەيiنگi مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.

3. وسى باپتىڭ ٴبىرىنشى بولىگىندە كوزدەلگەن، كومەكسiز قالدىرىلعان ادامنىڭ ابايسىزدا ولىمىنە اكەپ سوققان ىس-ارەكەت –

ٴۇش جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.

4. وسى باپتىڭ ٴبىرىنشى بولىگىندە كوزدەلگەن، ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ىس-ارەكەت – بەس جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.

اياگوز تۇرسىنحان

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي