BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قىتاي قازاقستان ارقىلى ەۋروپاعا قانداي تاۋار جونەلتەدى؟

فوتو: Гүлжан Раманкулова

بۇگىندە قحر-دا «قىتاي-ەۋروپا-قىتاي» باعىتى بويىنشا جۇك تاسىمالدايتىن كولىك-لوگيستيكالىق حاب قۇرىلعان. قىتايدىڭ لوگيستيكالىق ورتالىعىنىڭ وكىلدەرى حاب ارقىلى قىتايدان قازاقستانعا، سونىمەن قاتار ەۋروپاعا ٴبىزدىڭ ەلىمىز ارقىلى قانشا جانە قانداي ٴونىم جەتكىزىپ-اكەلەتىنى تۋرالى ايتىپ بەردى، دەپ حابارلايدى ۆaq.kz ٴتىلشىسى.

ەۋروپاعا قىتايدىڭ لوگيستيكالىق ورتالىعىنان كۇن سايىن تاۋار سالىنعان كونتەينەرلەر جول تارتادى. سول سەبەپتى قازاقستاننىڭ قىتاي ٴۇشىن ٴترانزيتتى ەل رەتىندەگى ٴرولى جىلدان-جىلعا جۇك كولەمى ۇلعايعان سايىن ارتىپ كەلەدى.

قازاقستاندىق جۋرناليستەر قىتاي ەلشىگىنىڭ ۇيىمداستىرۋىمەن بولعان ٴىسساپار بارىسىندا سيان قالاسىنداعى جۇك تاسىمالدايتىن حالىقارالىق ساۋدا-لوگيستيكالىق پارككە باردى.

پارك پەكين، شانحاي، قورعاس جانە باسقا دا ەلدەردىڭ قالالارىمەن بايلانىستىراتىن جەدەل تاسجولدارمەن بىرىككەن. سيانداعى ورتالىق تەمىرجول كونتەينەر ستانسياسى – قىتايداعى ٴ18-دىڭ ٴبىرى. بۇل ستانسيا 2013 جىلى اشىلدى. نىسانعا قۇيىلعان ينۆەستيسيانىڭ جالپى كولەمى 4،8 ملرد يۋان بولدى.

سيان قالاسىنداعى ستانسيا قۇرىلعاننان بەرى 100-دەن استام ينۆەستيسيالىق جوبا ىسكە اسىرىلدى، ال وعان تىركەلگەن كاسىپورىنداردىڭ سانى 3000-نان استى.

گۇلجان رامانكۋلوۆا

حالىقارالىق ساۋدا-لوگيستيكالىق پاركى اكىمشىلىگىندەگى pr مەنەدجمەنت جانە ماركەتينگ ٴبولىمى باستىعىنىڭ ورىنباسارى ليۋ يان جۇكتەردىڭ وسى جەردەن ەۋروپاعا قازاقستان ارقىلى وتەتىنىن ايتتى.

«ساۋدا-لوگيستيكالىق ورتالىق 2013 جىلى قۇرىلدى. ٴيا، تاۋارلار الماتى جانە ورتالىق ازيانىڭ تاعى دا بەس ەلى ارقىلى وتەدى. ماسەلەن، كۇن سايىن ورتالىق ازياعا، سونداي-اق قازاقستانعا كۇنىنە ەكى-ۇش كونتەينەر جونەلتىلەدى. پاركتە بارلىعى جەتى لينيا بار، ونىڭ بىرەۋى الماتى ارقىلى جۇزەگە اسىرىلادى»، - دەدى قىتاي ەلشىلىگى ۇيىمداستىرعان پرەسس-تۋرعا كەلگەن جۋرناليستەرگە ليۋ يان.

گۇلجان رامانكۋلوۆا

مەكەمە قىزمەتكەرىنىڭ ايتۋىنشا، ورتالىقتا 700 ۆاگوننان قۇرالعان پارك بار. ال جۇكتىڭ 30%ٴ-ى – جەرگىلىكتى، ياعني شەنسي پروۆينسياسىنىڭ، ال 70%ٴ-ى – قىتايدىڭ باسقا پروۆينسيالارىنىڭ ونىمدەرى.

«جەڭىل ونەركاسىپتەن باستاپ وڭدەۋ ونەركاسىبىنە دەيىن تاۋار جەتكىزىلەدى. قازاقستان – ورتاداعى بىرىكتىرۋشى توراپ، ودان ٴارى تاۋار ەۋروپاعا كەتەدى. ال كەرى قاراي جولدا قازاقستاننان بال، بيداي الىپ قايتامىز»، - دەدى ليۋ يان.

وسى ورايدا، 7 قىركۇيەكتە استانادا نۇرسۇلتان نازاربايەۆ «ٴبىر بەلدەۋ، ٴبىر جول» يدەياسىنىڭ بەسجىلدىعىنا ارنالعان قازاقستان-قىتاي بيزنەس فورۋمىندا ۆيدەوۇندەۋ ارقىلى قازاقستان قىتايدىڭ تاۋارىن ەۋروپاعا جەتكىزۋدە ماڭىزدى ٴرول وينايتىنىن ايتقانىن ەسكە سالا كەتەيىك.

«جۇكتەر ەۋروپادان قازاقستان ارقىلى قىتايعا شامامەن 15 كۇندە جەتكىزىلەدى. ال جۇكتەردى تەڭىز ارقىلى جەتكىزۋ 4 اپتادان 6 اپتاعا دەيىن ۋاقىتتى الار ەدى. وسى ورايدا لوگيستيكا مەن ىلەسپە مارشرۋتتار جەتىلدىرۋدە. ٴتىپتى، يندۋستريا مەن ينۆەستيسيا سالاسىندا بىرىككەن ىنتىماقتاستىق تۋرالى باعدارلاما بار. ونىڭ اياسىندا جالپى سومماسى 27 ملرد اقش دوللارىن قۇرايتىن 51 قازاقستان-قىتاي ينۆەستيسيالىق جوباسى جۇزەگە اسىرىلۋدا. بۇل ينۆەستورلاردىڭ سەنىمى مەن قازاقستاننىڭ ينۆەستيسيالىق كليماتتى جاقسارتۋعا باسا ٴمان بەرەتىنىن كورسەتەدى»، - دەگەن بولاتىن قر پرەزيدەنتى بيزنەس فورۋمدا.

گۇلجان رامانكۋلوۆا

لوگيستيكالىق ورتالىقتان ەۋروپا جانە ورتالىق ازيا ەلدەرىنە قاراي 44 باعىت بويىنشا جۇك جونەلتىلەدى.

«مىناۋ ٴبىرىنشى تەمىرجول باعىتتارى: سيان-گامبۋرگ، سيان-بۋداپەشت، سيان-ورتالىق ازيا. سيان-ورتالىق ازياعا الاشانكوۋ، قورعاس، الماتى، تاشكەنت ارقىلى جەتەدى"، - دەپ مالىمدەدى مامان.

باسقا ەلدەرگە كوبىنەسە اۆتوموبيلدەر، كوسمەتيكالىق ونىمدەر، جەڭىل ونەركاسىپ جانە حيميالىق ٴوندىرىس، ەلەكترونيكا ونىمدەرى جونەلتىلەدى. جەڭىل ونەركاسىپ پەن ەلەكترونيكا ونىمدەرى جىبەرىلەتىن كولەم جاعىنان كوش باستاپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي