BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ەكسپو كورمەسىنىڭ ارقاسىندا قازاقستاندى 2 ملرد ادام تانىدى

فوتو: баспасөз қызметі

ەكسپو-2017 كورمەسىن 4 ميلليون تاماشالاسا، حالىقارالىق دەڭگەيدە جارنامالاۋ شارالارىنىڭ ارقاسىندا قازاقستاندى 2 ملرد ادام تانىعان. بۇل تۋرالى ەكسپو-2017 كورمەسىنىڭ اياقتالعاننان بەرگى ٴبىر جىلدىڭ جۇمىستارى تۋرالى اڭگىمەلەگەن «استانا ەكسپو-2017» ۇلتتىق كومپانياسىنىڭ باسقارما ٴتوراعاسى ەربول شورمانوۆ ٴمالىم ەتتى، دەپ حابارلايدى ۆaq.kz اقپارات اگەنتتىگى.

- كورمەگە الەمنەن 115 ەل مەن 22 حالىقارالىق ۇيىم قاتىستى. تىركەۋ دوسەسى بويىنشا ٴبىز شامامەن 2،5 ملن ادام كەلەدى دەپ كۇتكەن ەدىك، ال كورمەگە 4 ملن ادام كەلگەن. ولاردىڭ 15 پايىزى – 187 ەلدەن كەلگەن تۋريستەر، - دەيدى ەربول شورمانوۆ.

جالپى، كورمە وتكەن 93 كۇندە ٴارتۇرلى مەملەكەت باسشىلارىنىڭ جانە ۇكىمەت باسشىلارىنىڭ قاتىسۋمەن 220 رەسمي شارا ۇيىمداستىرىلسا، قازاقستان تاراپى كورمەگە قاتىسقان ەلدەرمەن ارادا 39 كەلىسىمگە قول قويعان. كورمە اياسىندا 3500 مادەني-بۇقارالىق شارا ۇيىمداستىرىلعان.

- كورمەنىڭ ەل ەكونوميكاسىنا تيگىزگەن پايداسى تۋرالى ايتار بولساق، «استانا ەكسپو-2017» ۇلتتىق كومپانياسى وبلىس جانە الماتى، استانا قالالارىنىڭ اكىمدىكتەرىمەن كورمە قۇرىلىسىنا وتاندىق كومپانيالاردى تارتۋ تۋرالى ٴبىراز كەلىسىمگە قول قويدى. سونىڭ ارقاسىندا 408 وتاندىق كاسىپورىن تاپسىرىس الىپ، 414 ملرد تەڭگەنىڭ جۇمىسىن اتقاردى. ايماقتاردى قوسقاندا، 50 مىڭنان استام جاڭا جۇمىس ورنى اشىلدى، - دەيدى ول.

كورمە نىساندارىنىڭ قازىرگى جۇمىسىنا توقتالعان ول ەكسپو-2017 الاڭى قازاقستان حالقىنىڭ يگىلىگى ٴۇشىن جۇمىس ىستەپ تۇرعانىن جەتكىزدى. اتاپ ايتقاندا، مەملەكەت باسشىسى بەكىتىپ بەرگەن تۇجىرىمداماعا سايكەس، ەكسپو-2017 كورمەسىنىڭ بازاسىندا «استانا» حالىقارالىق قارجى ورتالىعى، حالىقارالىق «جاسىل تەحنولوگيالار مەن ينۆەستيسيالىق جوبالار» ورتالىعى، «astana hub» حالىقارالىق it-ستارتاپتار تەحنوپاركى مەن it-ۋنيۆەرسيتەت سياقتى ٴىرى جوبالار ىسكە اسىرىلادى دەپ جوسپارلانۋدا. جۋىردا اۋماعى 21 مىڭ شارشى مەتر حالىقارالىق كورمە كەشەنى ىسكە قوسىلماق.

- استانانىڭ 20 جىلدىعىندا ٴبىز كورمە اۋماعىندا جازعى ساحنا ورناتتىق. كەيبىر كونسەرتتەرگە ٴتىپتى 8 مىڭ كورەرمەن جينالعان. بالالارعا ارناپ، تەاترلاندىرىلعان قويىلىم جانە سيرك شوۋلارى ٴوتتى. وسى شارالاردى داستۇرگە اينالدىرۋ ويىمىزدا بار، - دەيدى ەربول شورمانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي