BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

بۇگىن – كورىسۋ كۇنى

بۇگىن قازاق حالقىنىڭ كونەدەن كەلە جاتقان مەرەكەلەرىنىڭ ٴبىرى – كورىسۋ كۇنى. بۇل كۇندى اتاپ ٴوتۋ ٴداستۇرى نەگىزىنەن قازاقستاننىڭ باتىس وبلىستارىندا ساقتالعان، دەپ حابارلايدى ۆaq.kz اقپارات اگەنتتىگى.

14 ناۋرىز كۇنى جاسى كىشىلەر اقساقالدار مەن اق جاۋلىقتى اجەلەرگە بارىپ، قوس قولىن بەرىپ، كورىسەدى. بۇل كۇنى جاسى ۇلكەندەر كىشىلەردى كۇتىپ، كەلگەندەرگە «ٴبىر جاسىڭمەن! جاس قايىرلى بولسىن، ٴومىر جاسىڭ ۇزاق بولسىن!» دەپ ەرەكشە مەيىرىممەن باتاسىن بەرەدى. ٴار ۇيدە داستارحان جايىلىپ، ۇلتتىق تاعامدار قويىلىپ، ادامدار بىر-بىرىمەن قۇشاق جايا امانداسىپ، ەسەندىك سۇراسادى. كوڭىلدە وكپە-رەنىشتەرى بولسا، كەشىرەدى. تاتۋلىققا باستايتىن بۇل جول يسلام قاعيداتتارىنا دا وتە جاقىن.

اتاۋلى كۇن، نەگىزىنەن، باتىس قازاقستان، اتىراۋ وبلىستارىندا جانە اقتوبەنىڭ كەيبىر اۋدانىندا، رەسەيدىڭ كورشىلەس استراحان، ساراتوۆ، ورىنبور وڭىرلەرىندە، قاراقالپاقستاندا اتالىپ وتەدى.

كورىسۋ - قازاق حالقىنىڭ وسكەلەڭ ۇرپاقتى ىزەتتىلىك پەن مەيىرىمدىلىككە، اۋىزبىرشىلىك پەن كىشىپەيىلدىلىككە، تاتۋلىق پەن باۋىرمالدىققا باستايتىن ەرەكشە ۇردىستەرىنىڭ ٴبىرى. بۇل مەرەكەنى ماڭعىستاۋ ٴوڭىرىنىڭ جۇرتى امال مەرەكەسى دەپ تە اتايدى.

سوڭعى جىلدارى قازاقستاندا مەيرام اياسى كەڭەيىپ كەلەدى. ماسەلەن، بيىل العاش رەت قىزىلوردا وبلىسىندا وسى مەرەكە تويلانباق. سونداي-اق، بۇل كۇنى ٴار وتباسى كورشىلەرىمەن كورىسەدى. بۇل كۇنى ٴار ادام مىندەتتى تۇردە ٴۇش ٴۇيدىڭ ەسىگىن اشۋى كەرەك، ياعني تۇسكە دەيىن ٴۇش ۇيگە كىرىپ، كورىسىپ ۇلگەرۋى ٴتيىس. ٴۇي-ۇيدى قىدىرىپ جۇرگەندە كىشكەنتاي بالالارعا انالارى شاعىن دوربا ۇستاتىپ قويادى. بالاقاي قاي ۇيگە كورىسۋگە كىرسە، سول ٴۇيدىڭ داستارحانىنان اۋىز ٴتيىپ، باۋىرساق، تاتتىلەردەن سالىپ الادى. بۇل جورالعى جىل بويى بالالارىمىز توق ٴجۇرسىن، داستارحانىمىز ارالاس بولسىن، قارىم-قاتىناسىمىزعا سىزات تۇسپەسىن دەگەن نيەتتەن تۋعان. ٴبىر ەرەكشەلىگى - كورىسۋ ٴبىر كۇنمەن شەكتەلەتىن مەرەكە ەمەس، ول ناۋرىزدىڭ 14-ىنەن باستالىپ، ايدىڭ سوڭىنا دەيىن جالعاسا بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي