BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

الماتىنىڭ ۇزدىك كاسىپكەرلەرى انىقتالدى

فوتو: Автор

ەكى كۇنگە سوزىلعان «قازاقستاننىڭ ۇزدىك تاۋارى» وڭىرلىك كورمە-بايقاۋىندا «الماتى ەلەكترلى مەحانيكالىق زاۋىتى» جشس، «الماتى اۆتوتىركەمەلەر زاۋىتى» جشس جانە «الماتى كوپىر قۇرىلىسى زاۋىتى» ٴجشس-سى وندىرىستىك ماقساتتاعى ۇزدىك تاۋارلار دەپ تانىلدى، دەپ حابارلايدى baq.kz اقپارات اگەنتتىگىنىڭ ٴتىلشىسى.

اتالعان بايقاۋعا جەرگىلىكتى 60 كومپانيا قاتىستى. ولاردىڭ باسىم كوپشىلىگى – كورمەگە العاش رەت قاتىسىپ وتىرعان جاس كاسىپورىندار.

مەملەكەتتىك ورگاندار، «اتامەكەن» قر ۇكپ جانە بيزنەس قوعامداستىق وكىلدەرىنەن قۇرالعان ساراپتاۋ كوميسسياسىنىڭ شەشىمىمەن «وندىرىستىك ماقساتتاعى ۇزدىك تاۋارلار» اتالامىمەن – «الماتى ەلەكترلى مەحانيكالىق زاۋىتى» جشس، «الماتى اۆتوتىركەمەلەر زاۋىتى» ٴجشس-سى جانە «الماتى كوپىر قۇرىلىسى زاۋىتى» ٴجشس-سى ماراپاتتالدى.

«حالىققا ارنالعان ۇزدىك تاۋارلار» اتالىمىندا «سەميراميدا» تىگىن فيرماسى» ٴجشس-سى، «ادال پلەنت» ٴجشس-سى جانە «ەلتەكس الاتاۋ» ٴجشس-سى ۇزدىك دەپ تانىلدى.

سونىمەن قاتار «ۇزدىك ازىق-تۇلىك تاۋارلارى» اتالىمىندا – «ەفكو الماتى» ٴجشس-سى، «يگەليكوۆا د.م» جك جانە «قىزىل ايداھار» ٴجشس-سى ۇزدىك شىقتى.

زاڭناماداعى وزگەرىسكە بايلانىستى، بيىل ٴاربىر اتالىم بويىنشا تەڭدەي ٴۇش جەڭىمپاز تاڭدالدى. ٴبىرىنشى، ەكىنشى جانە ٴۇشىنشى ورىندارعا بولىنبەدى.

«بۇگىن زالدا ۇزدىكتەردىڭ ۇزدىگى باس قوستى. بۇل ونەركاسىپ فلاگمانى، قازاقستان بيزنەسىنىڭ ەليتاسى سانالاتىن كومپانيالار. ساراپتاۋ كوميسسياسىنىڭ الدىندا كۇردەلى تاڭداۋ تۇردى: بايقاۋعا قاتىسىپ وتىرعان ٴاربىر كومپانيا، مەنىڭ ويىمشا، جەڭىمپاز اتانۋعا ابدەن لايىقتى. «قازاقستاننىڭ ۇزدىك تاۋارى» وڭىرلىك كورمە-بايقاۋىنىڭ جەڭىمپازدارىن قۇتتىقتايمىز ٴارى رەسپۋبليكالىق كەزەڭدە جارقىن جەڭىسكە يە بولۋلارىنا تىلەكتەسپىز!» - دەپ اتاپ ٴوتتى الماتى قالاسى كاسىپكەرلەر پالاتاسىنىڭ ديرەكتورى باعدات تەلەباي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي