BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

«7-20-25» باعدارلاماسى باسپاناعا قولجەتىمدىلىكتى ارتتىرادى – ساراپشى

«7-20-25» باعدارلاماسى حالىقتىڭ پاتەرگە قولجەتىمدىلىگىن ارتتىرادى. بۇل تۋرالى قولدانبالى ەكونوميكا زەرتتەۋ ورتالىعىنىڭ ديرەكتورى جاقسىبەك كۇلەكەەۆ ايتتى، دەپ حابارلايدى baq.kz ٴتىلشىسى.

الدىمەن ساراپشى حالىقتى باسپانامەن قامتاماسىز ەتۋدى كوزدەيتىن باعدارلامالارعا توقتالدى.

«ٴبىز ٴۇش ينديكاتوردى الدىق. ول ستاندارتتى، «نۇرلى جەر»، «7-20-25» باعدارلامالارى. ستاندارتتى باعدارلاماعا حالىقتىڭ قولى جەتپەيدى. ال «نۇرلى جەر» تۇرعىندارعا پاتەردى يپوتەكامەن الۋعا مۇمكىندىك بەرەدى. ال «7-20-25» باعدارلاماسى حالىقتىڭ باسپاناعا قولجەتىمدىلىگىن ارتتىرادى. بۇل باعدارلاما باسقا ستاندارتتى باعدارلامالارمەن سالىستىرعاندا پاتەرگە دەگەن قولجەتىمدىلىكتى ەكى ەسەگە دەيىن ارتتىرادى. «نۇرلى جەر» كورسەتكىشىمەن سالىستىرعاندا، «7-20-25» باعدارلاماسى پاتەرگە دەگەن قولجەتىمدىلىكتى 25%-كە ارتتىرادى. اتالعان باعدارلامانىڭ جۇزەگە اسىرىلۋى حالىقتى باسپانامەن قامتاماسىز ەتۋگە جول اشادى»، - دەدى جاقسىبەك كۇلەكەەۆ nurotan trends ەركىن پىكىرتالاس الاڭىنىڭ كەزەكتى وتىرىسىندا.

ونىڭ ايتۋىنشا، حالىقتى 2030 جىلعا دەيىن باسپانامەن قامتاماسىز ەتۋ ٴۇشىن جىل سايىن 18 ملن شارشى مەتر تۇرعىن ٴۇي سالۋ قاجەت.

«بۇگىنگى تاڭدا ەلىمىزدە حالىقتى تۇرعىن ۇيمەن قامتاماسىز ەتۋ جان باسىنا شاققاندا 21 شارشى مەتردى قۇرايدى. ەگەر ٴبىز بۇل كورسەتكىشتى 2030 جىلى 30 شارشى مەترگە دەيىن كوتەرگىمىز كەلسە، وندا 1 ادامدى 9 شارشى مەترمەن قامتاماسىز ەتۋىمىز قاجەت. مىسالى، 2030 جىلى ەلىمىزدەگى حالىقتىڭ سانى شامامامەن 22 ملند-دى قۇرايدى. جوعارىدا اتالعان كورسەتكىشتى، وسى سانعا كوبەيتسەك، ٴبىز 2030 جىلعا دەيىن 200 شارشى مەتر تۇرعىن ٴۇي تۇرعىزۋىمىز قاجەت. وسىعان 12 جىل قالدى. 200 ملن شارشى مەتر تۇرعىن ٴۇيدى 12 جىلعا ٴبولۋىمىز كەرەك، سوندا ٴبىز جىل سايىن 17-18 ملن تۇرعىن ٴۇي سالۋىمىز كەرەك»، - دەدى ساراپشى.

سونىمەن قاتار جاقسىبەك كۇلەكەەۆ اۋىلداردا سالىنعان تۇرعىن ٴۇيدىڭ ساپاسىنا الاڭداۋشىلىقپەن قارايتىنىن اتاپ ٴوتتى.

«اۋىلداردا تۇرعىزىلعان ٴۇيدىڭ ساپاسىنا قاتىستى بىزدە ماسەلەلەر بار. ەلىمىزدە حالىقتىڭ 40%ٴ-ى اۋىلدا تۇرادى. وڭتۇستىكتە سالىنعان تۇرعىن ٴۇيدىڭ ساپاسى سىن كوتەرمەيدى. ول جاقتاعى ازاماتتار كاناليزاسياسىز، بالشىقتان ٴۇي سالادى. ال مۇنى ساپالى باسپانا دەپ ايتۋعا كەلمەيدى»، - دەپ تۇيىندەدى ٴسوزىن ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي