USD 335.71 EUR 357.36 RUB 5.23
استانا:

جەرلەس اقىن اعام قاينار الاگوزوۆكە

قانىقسىڭ قارا ولەڭنىڭ قايماعىنا،

انىقسىڭ كۇللى قازاق ايماعىنا.

ىرعىزدىڭ ٴبىر ۇلىنان ارناۋ بولسىن

شالقارلىق الاگوزدىڭ قاينارىنا.

زامانىڭ كەتسە - داعى مىڭ قۇبىلىپ،

جازاسىڭ جۇرەگىڭمەن جىردى تۇنىق.

تۇنگى كلۋبتىڭ ۋ - شۋى بۇيىم ەمەس

تۇرعاندا سەنىڭ ٴانىڭ "تۇنگى كلۋب".

قاسىڭنان دوس جارانىڭ ارىلماسىن،

اناشىڭ ۇزاق جاساپ اۋىرماسىن.

"اۋىلداستارىم" ٴانىن ەستىگەندە

سەكىلدى بولىپ كەتتىڭ اۋىلداسىم.

ماعىناعا تولى قىپ ٴار ۇيقاسىن،

قارا ولەڭنىڭ بۇزباعان قاعيداسىن.

قازاقتىڭ بارشا قىزى تىڭداسا ەكەن

تورەشتىڭ ايتىپ جۇرگەن "ٴماديناسىن".

جاسىنان جەتەلەگەن شىڭ - قۇزىنا،

مەن تۋدىم ىرىستى ولكە ىرعىزىمدا.

ٴانىڭدى تەك قانا قازاق ەمەس

"اللو" دەپ ىرلاتىپ ٴجۇر قىرعىزىڭ دا.

تاپتىڭ سەن "ەگىزدىڭ سىڭارىن دا"،

شالقار دەپ ورىسشا ولەڭ قۇرادىڭ دا.

سول جەردە بالا كۇننەن بىرگە وسكەن

امان ٴجۇرسىن ايان مەن قۇرالىڭ دا.

تورەشكە ولەڭ جازىپ قولدادىڭ دا،

ايتىستا تەرمە ايتىپ تولعادىڭ دا.

نازگۇل مەن بالالارىڭ امان بولىپ

ٴاردايىم قازاعىڭنىڭ "بول جانىندا".

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي