BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

جارناماسىز تانىلعان كاسىپورىن

ەسكىرمەيتىن ەستەلىكتەر

جارناماسىز تانىلعان كاسىپورىن

كەزىندە سىر وڭىرىندە ونىمدەرى وداق كولەمىندە كەڭىنەن تاراعان كاسىپورىننىڭ ٴبىرى – اياقكيىم فابريكاسى. كەڭەس وداعى كەزىندە ولار شىعارعان ٴونىمنىڭ توعىز تۇرىنە مەملەكەتتىك ساپا بەلگىسى بەرىلگەن.

سوناۋ ۇلى وتان سوعىسىنىڭ وتتى جىلدارىندا قالامىزعا ماسكەۋدەن «پاريج كوممۋناسى» اتتى كاسىپورىن كوشىپ كەلىپ، ٴونىم شىعارا باستادى. مىنە، فابريكا وسى كاسىپورىن نەگىزىندە قۇرىلدى. العاشقى جىلدارى ونىڭ ورنالاسقان مەكەنجايى ناشار، ماماندارى از ەدى. ارادا جىلدار ٴوتتى، فابريكا قايتا سالىنىپ، ورتالىق جىلۋ جۇيەسى، كونۆەيەرلى تاسقىندى جۇيە كاسىپورىن بەينەسىن وزگەرتتى. ەسكى جابدىقتاردىڭ ورنىنا زاماناۋي وتاندىق، ٴىشىنارا شەتەلدىك جاڭا تەحنولوگيالار ورناتىلدى. فابريكادا 30-دان استام ۇلتتىڭ وكىلدەرى جۇمىس ىستەدى. مۇنداعى وتكىزىلگەن سوسياليستىك جارىستار جۇمىسشىلاردىڭ ەڭبەك ەتۋگە دەگەن قۇلشىنىسىن وياتتى. سول كەزدە سەح پەن سەح، جەكە جۇمىسشىلار اراسىنداعى جارىس اپتا سايىن قورىتىندىلانىپ وتىردى. وزاتتار قۇرمەتىنە فابريكا اۋلاسىندا ەڭبەك داڭقى جالاۋىن كوتەرۋ، ولارعا اقشالاي-زاتتاي سىيلىقتار بەرۋ داستۇرگە اينالدى. 1970 جىلداردىڭ ورتا شەنىندە مۇندا تەك بالالار اياق كيىمى تىگىلدى. ول ونىمدەر حالىقارالىق كورمەلەرگە قويىلىپ، جۇلدەلەرگە يە بولدى. گەرمانيادا، ەگيپەتتە، ٴۇندىستاندا، الجيردە، تۇركيادا وتكەن حالىقارالىق كورمەلەردە قىزىلوردا اياق كيىم فابريكاسى ماماندارى جاساعان مودەلدەرگە سۇرانىس جوعارى بولدى. فابريكا اۋلاسىنداعى قۇرمەت تاقتاسىنا ىلىنگەن، كەۋدەلەرى وردەن-مەدالعا تولعان ەڭبەك وزاتتارى مۇنداعى ەڭبەك ٴدۇبىرىنىڭ سالتاناتىن پاش ەتكەندەي ەدى. كوپ جىل بويى فابريكادا جۇمىس ىستەگەن ورىنكۇل اسقاروۆانىڭ ەسىمى سول كەزدە ەلگە كەڭ تارادى. ول تالاي رەت وبلىستىق، قالالىق كەڭەسىنىڭ دەپۋتاتى بولىپ سايلانىپ، لەنين، وكتيابر رەۆوليۋسياسى وردەنى مەن بىرنەشە مەدالدى يەمدەنگەن.

سونىمەن قاتار، پولينا پيا، اننا نوسوۆا، ۆلكسم حviii سەزىنىڭ دەلەگاتى تامارا سكالكوۆا سىندى وزاتتار ەڭبەك كورىگىن قىزدىرا ٴتۇستى. سول كەزدەگى فابريكا ديرەكتورى بولعان ل. گ. ۆەرەنكوۆيچتىڭ دەرەگىنە قاراعاندا كاسىپورىن جىل سايىن 2 ميلليون 500 مىڭ جۇپ اياق كيىم شىعارۋ كەرەك بولسا، ول مىندەتتەمەنى ۇنەمى ارتىعىمەن ورىنداعان. جىل سايىن مەملەكەتكە 500 مىڭ سوم شاماسىندا پايدا تۇسىرگەن. فابريكادا 1980 جىلدارى 400-دەن استام ادام ەڭبەك ەتكەن. اتى وداققا تاراعان ٴىرى كاسىپورىن ٴوز ماماندارىنا بەس قاباتتى تۇرعىن ٴۇي سالىپ بەرگەنى جونىندە دەرەكتەر بار. ونىڭ قاسىندا بالالار باقشاسى ورنالاسقان.

بۇگىندە ارامىزدا سول اياقكيىم فابريكاسىنىڭ ٴونىمىن پايدالانعان ادامدار كوپ كەزدەسەدى. سولاردىڭ ٴبىرى– 1990 جىلدارى ماسكەۋدە ٴومىر ٴسۇرىپ، وقىعان جەرلەسىمىز زويا اسقاروۆا. ونىڭ ايتۋىنشا، سول كەزدەرى بالالار كيىمى تاپشى كەزەڭ ەكەن. ٴبىر كۇنى ۇزاق-سونار كەزەككە تۇرىپ، قىزىل ٴتۇستى بالالار اياق كيىمىن قولىنا ۇستاپ، رازمەرىن كورەيىن دەپ تابانىن اۋدارسا «قىزىلوردا» دەگەن ٴسوز كوزىنە وتتاي باسىلعان. قىزىلوردا اياق كيىمى ماسكەۋدە وتە جوعارى سۇرانىسقا يە بولعانىنا تاڭ قالدىم» دەيدى ول.

كەزىندە ەشبىر جارناماسىز اتاعى جەر جارعان اياق كيىم فابريكاسىنىڭ تاريحى بۇگىندە جىلدار جىلناماسىندا عانا جاڭعىرىپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي