BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

جايدارماننىڭ جايدارى كۇلكىسى

جايدارماننىڭ جايدارى كۇلكىسى
اقتوبەدە قازاقستانداعى جاستار اراسىنداعى «جايدارمان» ويىنشىلارىنىڭ جارتىلاي فينالى ٴوتتى. ستۋدەنتتەر سارايى كورەرمەندەرگە سىيماي كەتتى. ويىنعا ون بەس كوماندا قاتىستى. ساحنادا جاس ويىنشىلاردىڭ كوتەرگەن تاقىرىپتارى وتە تۇششىمدى. اقتوبەدەگى شۇرىق-تەسىك جولدار مەن كەشەگى قالاعا بەرىلگەن اۋدان اتاۋلارى ٴار كوماندانىڭ اۋزىنان تۇسپەدى. ٴتىپتى كەيبىر ويىنشىلار اكىمدەر مەن دەپۋتاتتاردى دا سويىلمەن سوعىپ ٴوتتى. جاستاردىڭ قوعامداعى وزەكتى تاقىرىپتاردى كوتەرىپ وتىرعانى كوپشىلىكتىڭ كوڭىلىنەن شىقتى. اقتوبە قالاسىنداعى №35 مەكتەپتىڭ قۇراما كومانداسى، وبلىس اكىمىنىڭ ىشكى ساياسات ٴبولىمى تاعايىنداعان ارنايى كۋبوگىن جەڭىپ الدى.ٴسوزدىڭ ورايى كەلگەندە ايتا كەتەيىن، بۇل عۇمىرى ۇزاق جوبانىڭ جەتەكشىسى - ەسەن ەلۋكەن. ەسەن مەنى ىلعي «نۇرجەرلەس» اعام دەپ، الەۋمەتتىك جەلىدە جازىپ جاتادى. جۇرت ايتىپ جۇرگەن شالقار اۋدانىنىڭ، «شەتىرعىز» اۋىلىنان شىققان تۇيىق، سارى بالا وسى جىگىت. اجەم ايتۋشى ەدى «تۇيىق ادامداردان تۇششىمدى ٴىس شىعادى» دەپ، راس ەكەن. كەيبىر بىلگىشتەر تەاتر مەن «جايدارمان» ويىنىن بايلانىستىرىپ سىناپ جاتادى. بۇل ويىننىڭ تەاتر سالاسىنا تۇك قاتىسى جوق. ٴوز الدىنا مۇلدەم بولەك جانر. ويى وزىق جاستار اياق استىنان ساحنادا ٴسوز تاۋىپ، بەس مينۋتتىڭ ويىننىڭ ىشىندە بەس ٴتۇرلى تاقىرىپتى قامتىپ جاتادى. «جايدارمان» ويىنىنىڭ كۇلكىسى دە بولەك. وعان قويىلىم ەمەس، جاستاردىڭ جۇيرىك ويىنىن كورەم –دەپ بارعان ٴدۇرىس.
نۇرلىبەك جۇباتقان
قر مادەنيەت قايراتكەرى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي