BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

شەكارا ناريادى «اۋقاتتىدا» ايەلدى بوساندىرىپ الدى

فوتو: ©

شەكارانىڭ اسكەري قىزمەتكەرلەرى كۇنى-تۇنى، اپتاپ ىستىققا الدە ايازعا قاراماستان مەملەكەتتىك شەكارانى كۇزەتە ٴجۇرىپ، ٴتۇرلى وقىس جاعدايلارعا ٴاردايىم دايىن جۇرەدى. ٴبىراق مىناداي جاعداي ٴبىرىنشى رەت ورىن الدى.

وقيعا جامبىل وبلىسىنىڭ قورداي اۋدانىندا بولدى. 2018 جىلعى 2 جەلتوقساندا ساعات 19.30-دار شاماسىندا قر ۇقك شەكارا قىزمەتىنىڭ 2038 اسكەري بولىمىنە قاراستى «اۋقاتتى» وتكىزۋ پۋنكتىندە قىرعىزستان اۋماعىنان كەلە جاتقان فاريدا ەسىمدى وتانداسىمىزدى اياق استىنان تولعاق قىستى.

شەكارا ناريادى اسىپ-ساسپاي، اۋىل اۋرۋحاناسىنان مەديسينا قىزمەتكەرلەرى كەلىپ جەتكەنشە جۇكتى اناعا العاشقى مەديسينالىق كومەك كورسەتىپ قانا قويماي، تۋىتتى قابىلداپ تا ۇلگەردى. ٴسويتىپ، «اۋقاتتى» وتكىزۋ پۋنكتىنىڭ اسكەري قىزمەتشىلەرى دۇنيەگە جاڭادان كەلگەن تورسىق شەكە ۇلدىڭ وكىل اكەلەرىنە اينالدى. كەلىپ جەتكەن جەدەل جاردەممەن بىرگە جاس انانى سورتوبە اۋىلىنىڭ اۋرۋحاناسىنا نارياد باسشىسى، شەكاراشى-وفيسەر ٴوزى الىپ باردى. انانىڭ دا، نارەستەنىڭ دە دەنساۋلىقتارى جاقسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي