USD 334.31 EUR 355.17 RUB 5.31
استانا:

سەن جايلى

سەنى كورىپ مۇز جۇرەگىم ەرىگەن،
جاقسى كورىپ قالعانىم با سەنى مەن.
كۇن سايىن اقتاراتىن بوپ بارامىن،
سۋرەتىڭدى الەۋمەتتىك جەلىدەن.

جاۋابىسىڭ جۇرەكتەگى سۇراقتىڭ،
ۇناتپايمىن دەسەم-داعى ۇناتتىم.
سونشالىقتى مەن وزىڭە جاقىنمىن،
قانشالىقتى كەتكەن سايىن جىراق تىم.

ٴوتىپ جاتىر ساعىنىشپەن كۇندەرىم،
قاماۋىندا سەزىم اتتى تۇرمەنىڭ.
كەي كەزدەرى بولماسام دا قاسىڭدا،
ماڭگىلىككە جۇرەگىممەن بىرگەمىن.

اجارلانىپ، قۇلپىراسىڭ، گۇلدەيسىڭ،
مەندىك جايدى بىلە المايسىڭ، بىلمەيسىڭ.
جالعىزسىراۋ ساعان ەندى جات نارسە،
مەنى ٴار كەز قاسىمدا دەپ جۇرگەيسىڭ.

كوكىرەگىمدى كەرنەدى مە جىر - ارمان،
اقىنىڭمىن وزىڭە ولەڭ شىعارعان.
ٴان دە ارناپ قالارمىن - اۋ قاراعىم،
ەسىمىڭە التى ارىپتەن قۇرالعان.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي