BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

ساعىنتايەۆ بايانداما وقىپ بەرگەن باسقارما باسشىسىن سىنعا الدى

فوتو: Qamshy.kz

تاراز، baq.kz ٴتىلشىسى. قر پرەمەر-مينيسترى باقىتجان ساعىنتايەۆ جامبىل وبلىسىنا جۇمىس ساپارى بارىسىندا وبلىستىق بالالار اۋرۋحاناسىنىڭ جۇمىسىمەن تانىسىپ، وڭىردەگى دەنساۋلىق ساقتاۋ سالاسى ماماندارىمەن جيىن وتكىزدى.

«حالىق تاراپىنان نەگە شاعىم ٴتۇسىپ جاتىر؟ دەنساۋلىق ساقتاۋ سالاسىنداعى كورسەتىلەتىن قىزمەت ساپاسىنا نەگە كوڭىل تولمايدى؟ مەملەكەت تاراپىنان ٴقازىر بارلىق مۇمكىندىك جاسالىپ جاتىر. مىسالى، جامبىل وبلىسىندا ٴبىرقاتار جاڭا اۋرۋحانالار بوي كوتەردى. جەكە كلينيكالار تاعى بار. دەگەنمەن، حالىق اراسىندا ساۋالناما جۇرگىزگەن كەزدە، سالاداعى قىزمەتتى الۋ ٴۇشىن وبلىس حالقى باسقا ايماقتارداعى مامانداردىڭ كومەگىنە جۇگىنىپ جاتقانى انىقتالۋدا. ٴقازىر كوشىپ جاتقان سيفرلىق جۇيەنىڭ ارقاسىندا دارى-دارمەكتى ارتىعىمەن الىپ قويۋ فاكتىلەرى انىقتالىپ جاتىر. ۇسىنىلعان مالىمەت بويىنشا، سىزدەردە قويمادا 1 ملرد جۋىق ٴدارى ارتىعىمەن جاتىر»، - دەگەن ۇكىمەت باسشىسى مۇنداي دارىلەر ساتىلىمعا شىعىپ جاتقانىن دا ەسكەرتىپ، اتالاعان ماسەلەلەر جونىندە تۇسىنىكتەمە بەرۋدى سۇرادى.

وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ پرەمەر-مينيستر قوزعاعان ماسەلەلەرگە توقتالماي، دايىن باياندامانى وقىپ بەرگەنىنە كوڭىلى تولماعان ساعىنتايەۆ ورىن الىپ وتىرعان پروبلەمالار جونىندە ناقتى تۇسىنىكتەمە بەرۋدى تالاپ ەتتى.

«بايانداما وقىپ بەردىڭىز. مۇنىڭ بارلىعىن ماعان جازىپ بەرگەن. ول مالىمەتتىڭ بارلىعى مەندە بار. مەن سىزدەرگە ايتىپ وتىرمىن، حالىق تاراپىنان نارازىلىق بار. نەگە؟ وسىنى ايتىپ بەرىڭىزدەر دەپ وتىرمىن. باس دارىگەرلەر، ايتساڭىزدارشى»، - دەدى ساعىنتايەۆ.

پرەمەردىڭ ەسكەرتپەسىنەن كەيىن ٴسوز العان №5 قالالىق ەمحانانىڭ باس دارىگەرى دينارا سارسەنوۆا ادام دەنساۋلىعىنىڭ تەك 10 پروسەنتى عانا دەنساۋلىق ساقتاۋ جۇيەسىنە تاۋەلدى ەكەنىن جانە وسى تۇستا ادامدار ٴوز دەنساۋلىعىنا جاۋاپكەرشىلىكپەن قاراۋدى ۇيرەنۋى قاجەت ەكەنىن العا تارتتى.

الايدا، بۇل دا جالپىلاما جاۋاپ ەكەنىن ەسكەرتكەن باقىتجان ساعىنتايەۆ ٴوز دەنساۋلىعىنا جاۋاپكەرشىلىكپەن قاراي الماعان ازامات ٴدال وسىنداي دەنساۋلىق ساقتاۋ ۇيىمىنا كومەك سۇراپ كەلگەندە كورسەتىلەتىن قىزمەت ساپاسى نەگە تومەن ەكەنىن ناقتىلاپ ساۋال جولدادى.

«مەيلى، ول ٴوزىن كۇتپەدى، دەنساۋلىعىنىڭ 90 پروسەنتىنە ٴوزى جاۋاپتى بولعانىمەن، ابدەن اۋرۋ دەندەگەن كەزدە مامانداردىڭ كومەگىنە جۇگىندى. ول مەديسينالىق مەكەمەدە بولعان كەزدە پروبلەمالارعا تاپ بولىپ وتىر. سودان مەديسينالىق قىزمەتتەردىڭ ساپاسىنا شاعىمدانادى. دۇرىس ەمدەمەيدى، دۇرىس دياگنوز قويىلمادى، اۋرۋىم جەڭىلدەمەدى دەگەن سياقتى ماسەلەلەر تۋىندايدى. وسى جونىندە ايتىڭىزدار»، - دەدى باقىتجان ساعىنتايەۆ.

پرەمەر-مينيستر جەكە ەمحانالارداعى باعانى دا باقىلاۋعا الۋ قاجەتتىلىگىن اتاپ ٴوتتى.

«نەگە قىزمەت باعاسى جوعارى؟ سىزدەردە جەكەمەنشىك ەمحانالار وتە كوپ. ولار باعانى قايدان الىپ وتىر، نەگە نەگىزدەلۋدە. جەكەمەنشىك ەمحانا بولسا، ويىنا كەلگەن باعانى قويا الادى دەگەن رۇقسات جوق»، - دەدى ۇكىمەت باسشىسى.

وسى تۇستا وبلىس باسشىسى اسقار مىرزاحمەتوۆ مەديسينالىق قىزمەت ساپاسىنا قاتىستى ماسەلە كۇنى كەشە وبلىستا وتكەن جيىندا قارالعانىن ٴمالىم ەتتى.

«ونى ەكىگە ٴبولىپ قاراستىرۋ كەرەك. ونىڭ ٴبىرىنشىسى – وبلىستاعى ەنساۋلىق ساقتاۋ نىساندارىنىڭ جابدىقتالۋى، ٴتيىستى قوندىرعىلاردىڭ بولۋى، مامانداردىڭ جەتىسپەۋشىلىگى. ەكىنشىسى – دارىگەرلەردىڭ ٴبىلىمى مەن بىلىكتىلىگى. بلوكقا قاتىستى شەشىلمەگەن ماسەلەلەر بار. وبلىستاعى 95 ەلدى مەكەندە العاشقى مەديسينالىق كومەك كورسەتەتىن نىسان جوق. بۇل پروبلەما الداعى ٴۇش جىلدا شەشىلەتىن بولادى»، - دەگەن اسقار مىرزاحمەتوۆ ايماقتاعى مەديسينالىق مەكەمەلەردەگى جابدىقتاردىڭ الگوريتمى ازىرلەنگەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي