BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

پاتەر يەلەرىنە ارنالعان ٴبىرىڭعاي اقپاراتتىق جۇيە ىسكە قوسىلادى

پاتەر يەلەرى، جەرگىلىكتى اتقارۋشى ورگاندار، باسقارۋ ورگاندارى، سەرۆيستىك كومپانيالار اراسىندا قارىم-قاتىناستى رەتتەۋ ماقساتىندا تۇرعىن ۇي-كوممۋنالدىق شارۋشالىعىنىڭ ٴبىرىڭعاي اقپاراتتىق جۇيەسى قۇرىلادى. بۇل تۋرالى ينۆەستيسيالار جانە دامۋ ۆيسە-مينيسترى قايىربەك وسكەنبايەۆ ٴتۇرعىن-ۇي كوممۋنالدىق شارۋاشىلىق ماسەلەلەرى تۋرالى زاڭ جوباسىنىڭ تانىستىرىلىمىندا مالىمدەدى، دەپ حابارلايدى baq.kz ٴتىلشىسى.

«زاڭ جوباسىندا تۇكش اقپاراتتىق جۇيەسىن قۇرۋ كوزدەلىپ وتىر. بۇل مەنشىك يەلەرى تاراپىنان تۇرعىن ۇيلەرىن باقىلاۋعا جانە ولاردىڭ باسقارۋشى كومپانيالارمەن، سەرۆيستىك ۇيىمدارمەن جانە اكىمدەرمەن ٴوزارا بايلانىسىن قامتاماسىز ەتەدى. جۇيەگە قازاقستاننىڭ ٴار وڭىرىندە 122 تۇرعىن ٴۇي، 28 پيك پەن 51 تابيعي مونوپوليالار سۋبەكتىسى قاتىسۋعا نيەت ەتىپ وتىر. قاراشا-جەلتوقساندا اقپاراتتىق جۇيەنىڭ ٴموبيلدى قوسىمشاسىن حالىققا ۇسىناتىن بولامىز»، - دەدى ۆيسە-مينيستر.

ونىڭ ايتۋىنشا، قوسىمشا ارقىلى ٴاربىر تۇرعىن ٴوز باسپاناسىن باسقارىپ، ۇسىنىس تاستاپ، شوتىنداعى بارلىق شىعىندى باقىلاپ، پيك-تىڭ تۇرعىنداردان جينالعان قارجىنى قايدا جۇمسايتىنىن كورىپ، سوعان ساي پىكىر بىلدىرە الادى.

«ٴاربىر تۇرعىن، ٴاربىر ٴۇي جىلۋ كوزىنەن قانشا بولەدى، تاسىمالداعاندا ونىڭ قانشاسى كەلىپ جەتەدى، قانشا ۇيگە جىبەرىلەدى، قانشا ادام تولەيتىنىن ٴبىلۋى ٴتيىس. بۇل جۇيە وسىنداي اشىقتىقتى قامتاماسىز ەتۋى ٴتيىس»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي