BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

مۇحتار شەرىم.ٴشاي ٴىشىپ كەتسىن!

توقسانداعى دەپۋتات سويلەي الماي، اۋىزىن كەمسەڭدەتتى دە، جىلاپ الدى، وزگەلەردىڭ كوڭىلدەرى بوساپ، كوزدەرىن كوز جاستارىمەن شىلاپ الدى... ال، ٴجۇز ونداعى دەپۋتاتتىڭ بىردەڭە ايتقىسى كەلدى، كەشكى بەس بولماي، ۇيىنە قايتقىسى كەلدى:

بىزدەگى ٴماجىلىس پەن سەناتتاعى 155 دەپۋتاتتىڭ ٴ45–ى زەينەت جاسىنان اسىپ، جەلكەلەرىن قاسىپ، ايلىقتارى مەن زەينەتاقىلارىن جامباستارىنا باسىپ، ٴبىر–بىرىن يىقتارىمەن قاعىسىپ، كرەسلو شىركىنگە اش كەنەدەي جابىسىپ، تالتىرەكتەسە دە تابەتتەرى تاۋداي بولىپ ٴجۇر ەكەن.

مەنىڭ كوز الدىما سەنات پەن ماجىلىستەگى جيىندار بىلاي ەلەستەيدى:

تىنىشتىق. ٴبىر كەزدە سەكسەندەگى سەناتور كۇرك–كۇرك جوتەلىپ، ٴبىلىم مينيسترىنە ساۋال تاستادى:

ٴ–اي شىراعىم، اتىڭ كىم ەدى؟

ٴ–بىلىمباي مەكتەپبايەۆ.

–كوزىم ونشا كورمەي تۇر، سەن باسقارعان مينيسترلىك مەكتەپتەرگە ونشا كوڭىل بولمەي تۇر. شوبەرەمنىڭ سومكەسىندەگى كىتاپتار ون كيلادان اسىپ كەتتى، سومكەسىن كوتەرە بەرىپ، جۇرە الماي، وتىرىپ قالا بەرگەنىنە ميىم اشىپ كەتتى. سونى رەتتەۋگە بولا ما، وسى سۇراعىم ميىڭا قونا ما؟ –دەدى. دەدى دە، الدىنداعى بوتقادان ٴبىر قاسىق جەدى.

توقسانداعى دەپۋتات سويلەي الماي، اۋىزىن كەمسەڭدەتتى دە، جىلاپ الدى، وزگەلەردىڭ كوڭىلدەرى بوساپ، كوزدەرىن كوز جاستارىمەن شىلاپ الدى... ال، ٴجۇز ونداعى دەپۋتاتتىڭ بىردەڭە ايتقىسى كەلدى، كەشكى بەس بولماي، ۇيىنە قايتقىسى كەلدى:

–مەنىڭ ايتايى... اايتاي. ايت، ااا... –دەدى دە، سول وتىرعان كۇيى قايتىس بولىپ كەتتى. دەپۋتاتتار قول شاپالاقتادى. ويتكەنى، ونىڭ ورنىنا جاستار ەمەس، ٴجۇز ەلۋدەگى قاريا دەپۋتات بولىپ سايلاناتىن بولدى، ونىڭ دا قۋارىپ قالعان مۇرتى مايلاناتىن بولدى. 150 جاستاعى دەپۋتاتتى قول ارباسىمەن كوتەرىپ كەلۋ كۇن تارتىبىنە قويىلدى. ٴبىر كەزدە جاسى جەتپىستى القىمداعان ٴماجىلىس ٴتوراعاسى داۋىستادى:

–قالتاڭباي سەلكىلدەگەن ۇلى، ٴسىز نە ىستەپ وتىرسىز؟ –دەپ سۇرادى.

–نا... ناسىباي اتىپ...

–جان–جاعىڭىزعا تۇكىرە بەرمەسەڭىزشى؟

–مەنىڭ بەتىمە تۇكىرىپ سالدى، –دەپ جىلاپ قالدى جانىندا وتىرعان 99 جاستاعى اجە دەپۋتات. جەتپىستەگى «جىگىتتەي» زەينەتكەر دەپۋتات پىرىلداپ ۇيىقتاپ جاتتى. تاعى ٴبىر شال دەپۋتات كەشە ەت جەگەن ەكەن، سونى جۇتا الماي، ٴالى شايناپ وتىر، ٴبىراق كوزدەرى جاساۋراپ، قۋىعى قايناپ وتىر. تاعى ٴبىر قارتىمىز ساقالىن تاراپ وتىر، ونىڭ جانىنداعى اجە دەپۋتات ەسىنەپ قويىپ، جان–جاعىنا ماناۋراي قاراپ وتىر.

كەشىرىڭىزدەر، قيالىم مەنىڭ وسىنداي، قابىل الىڭىزدار، پارلامەنتتەگى اجەلەر مەن اتالاردى شوشىنباي! ەرتەڭ ٴبارىن ٴشايعا شاقىرماسام با؟


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي