BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

مۇحتار شەرىم. كوشىپ كەتىپتى!

وتىرا قالىپ، جىلاعىم كەلدى، «ادامدار قايدا كەتتى؟» دەپ الدەكىمنەن سۇراعىم كەلدى.

تاڭەرتەڭ ەرتە تۇرىپ كوشەگە شىقسام، كوشەدە ٴتىرى پەندە كورىنبەيدى. كورشىلەرىمدى ايتامىن دا. سودان سالىپ ۇرىپ، شىمكەنتتىڭ ورتالىق كوشەلەرىنە كەلدىم. زۋىلداپ جاتقان كولىكتەر دە كورىنبەيدى. قالا قاڭىراپ، بوس قالعان!
وتىرا قالىپ، جىلاعىم كەلدى، «ادامدار قايدا كەتتى؟» دەپ الدەكىمنەن سۇراعىم كەلدى. ٴتىرى پەندە كورىنبەدى. سويتسەەم، ەندى ەسىمە ٴتۇستى. وقو تۇركىستان وبلىسى بولىپ قايتا قۇرىلعان سوڭ، ٴبارى وبلىس ورتالىعى تۇركىستانعا كوشىپ كەتكەن ەكەن عوي؟ اسىرەسە، وبلىستىق دەگەن تيتۋلى بار مەكەمەلەر ٴبىرىنشى بولىپ كوشىپ كەتىپتى! وبلىستىق زيراتقا براسام، نەبىر اسپانمەن «سالەمدەسكەن» مرامورلى مولالار قازىلىپ، وبلىس ورتالىعىنا كوشىرىلىپتى! قالالىق جەزوكشەلەر دە وبلىستىق جەزوكشەلەرمەن بىرگە كەتىپ قالىپتى! وبلىستىق ۇرىلارعا نە جوق دەسەڭشى؟ ولار دا قاراسىن باتىرعان. وبلىستىق قانىشەر قىلمىسكەرلەردى دە ىزدەپ تابا المايسىڭ؟ وبلىستىق جەمقورلاردان قالعان شىعار دەسەم، ولار دا سول جاقتان جىمقىرىپ قالۋعا كوشىپ كەتىپتى! وبلىستىق جاعىمپازدار دا جوق! ماسقارا! ٴبىر ٴوزىم شوشايىپ شىمكەنتتە تۇرمىن. تەك قالالىق قاڭعىباس يتتەر عانا ٴجۇر، قۇيرىقتارىن بۇتتارىنا قىسىپ الىپ... سوسىن روبينزون كرۋزو سياقتى وزىمە–وزىم «اسسالاۋماعالەيكۋم! ۋاعالەيكۋم¬اسسالام!» دەپ امانداسىپ، وزىمە–وزىم قۇرمەت كورسەتىپ، اشىق قالعان كافەلەرگە قوناققا شاقىرىپ، شاشىم شاڭ، ٴجۇرىسىم پاڭ بولدى. وسىنداي دا بولادى ەكەن–اۋ؟


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي