BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

مۇحتار شەرىم. بۇگىنگى ساتيرا. شىندىق قاشان جارقىرايدى؟

شىندىق پرەمەرگە كىرە المادى.

پرەمەر– ٴمينيستردىڭ قابىلداۋ بولمەسىندە ۇشەۋ وتىر: جاعىمپاز، وتىرىكشى، شىندىق. جاعىمپاز جىلى جىميىپ قويادى. قابىلداۋعا قالايدا كىرەتىنىنە سەنىمدى. كومەكشىنىڭ كولەڭكەسىن قۇشاقتادى، ٴتۋفليىن ٴسۇرتىپ بەردى، يىعىنا قونعان ماسانى ۇشىردى... ۇكىمەت باسشىسى الدىندا نە ماسەلە كوتەرەتىنىن دە بىلمەيدى. بار بىلەتىنى– جىميا بەرۋ. كوزدەرىن جىپىلىقتاتۋ، ٴمۇلايىمسۋ... تاعى نە قالدى ٴوزى؟ باسقا ەشتەڭە بىلمەيدى. كوفە ٴپىسىرىم ۋاقىتتا جاعىمپاز ۇكىمەت قابىلداۋىندا بولىپ، ٴبىر ساعات دەگەندە ارەڭ شىقتى.
وتىرىكشى شەنەۋنىك تە وزىنە سەنىمدى. «ٴبىز باقىتتى ەلمىز! ەلدە قايىرشىلاردى يتپەن ىزدەپ تابا المايسىڭ، كەدەيلەر جوق، حالىق شەتىنەن بايىپ كەتكەن، كەيبىرى كەدەي بولۋعا نيەتتەنسە دە، قولدارىنان كەلمەي جاتىر. جەمقورلىقتىڭ تامىرىنان قان شىعىپ كەتكەن. جەر ساتىلىپ جاتقان جوق. ٴبىز باقىتتىمىز! سالىقتىڭ سان الۋان تۇرلەرى كەلسە دە، ەلدىڭ ەڭسەسى تۇسكەن جوق،»–دەپ وتىرىكتىڭ ورىگىن جەيتىن بولادى. انە، ول دا ۇكىمەت باسشىسىنان ٴماز بولىپ شىقتى.
شىندىق پرەمەرگە كىرە المادى. وعان بيلىكتەگى «بيلەپ» جۇرگەندەر: «ٴبىزدىڭ ەلدە شىندىق جوق!» –دەيسىز ٴوزىڭىز... ٴسىز جوقسىز. جوق بولا تۇرىپ، قالاي كىرەسىز؟ الدىمەن «بار» بولىپ كەلىڭىز»،– دەپ شىعارىپ سالدى. شىندىقتىڭ ايتارى كوپ ەدى! انە، شىندىقتىڭ شلياپاسىن شاڭ باسىپ، ەڭسەسى ەزىلىپ بارا جاتتى...


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي