BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

ماناپ اقىن

ماناپ اقىن

قازاقستاننىڭ حالىق اقىنى، تۋعان توپىراعىمىزدىڭ ماقتانىشى ماناپ كوكەنوۆ 1928 جىلى 20 مامىردا قىزىلوردا وبلىسى، جاڭاقورعان اۋدانى، بەسارىق اۋىلىندا دۇنيەگە كەلگەن. ٴبىلىمى ورتا. 1944 جىلدان ٴومىرىنىڭ سوڭىنا دەيىن اۋداندىق مادەنيەت بولىمىنە قاراستى №1 قىزىلوتاۋ مەڭگەرۋشىسى بولىپ قىزمەت اتقارعان. ول كىسىنىڭ سۋىرىپ سالما اقىن رەتىندە تانىلىپ، 60-قا جۋىق ايتىسقا قاتىسقانىن بىلەمىز. ونىڭ سۇبەلىسى نارتايمەن، ا. توقماعامبەتوۆپەن، جالعاسباي ارالبايەۆپەن، نادەجدا لۋشنيكوۆامەن، ۆ. ۋرينمەن، تاۋشەنمەن بولعان ايتىستار. ول ايتىستار قازاق ونەرىنىڭ التىن قورىنا قوسىلدى.

سونىمەن بىرگە ول اۋداندىق تەاتردىڭ «دالا جۇلدىزدارى» مادەني ۇگىت بريگاداسىنىڭ حالىقتىق اتاققا يە بولۋىنا قوماقتى ۇلەس قوستى. اۋىل ساحناسىنا ارناپ جازىلعان اقىننىڭ پەسالارى، سسەنارييلەرى بويىنشا ازىرلەنگەن قويىلىمدار ماسكەۋ، الماتى، قوستاناي، پاۆلودار، شىمكەنت قالالارىندا وتكەن ٴتۇرلى وداقتىق، رەسپۋبليكالىق بايقاۋلاردا جۇلدەلى ورىندارعا يە بولدى. وبلىستىق كەڭەستىڭ دەپۋتاتى، «ٴبىلىم» قوعامىنىڭ بەلسەندى مۇشەسى، سىر ٴوڭىرىنىڭ ونەرى مەن مادەنيەتىن ناسيحاتتاۋدا ٴارتۇرلى دەلەگاسيا قۇرامىندا رەسەيدە، وزبەكستاندا، قاراقالپاقستاندا، ەلىمىزدىڭ پاۆلودار، شىمكەنت سياقتى ۇلكەن ٴوندىرىس ورىندارىندا بولعان. ول اقىن رەتىندە زامانىمىزدىڭ كورنەكتى اقىن-جازۋشىلارى اسقار توقماعامبەتوۆ، ٴابدىلدا تاجىبايەۆ، سىرباي ماۋلەنوۆ، فاريزا وڭعارسىنوۆا سىندى ادەبيەت قايراتكەرلەرىمەن تۆورچەستۆولىق بايلانىستا بولدى. وعان سول كەزەڭدە جازىلعان حاتتار كۋا. اقىننىڭ كوزى تىرىسىندە «سىرداريا سازدارى»، «قازاقتىڭ قازىرگى حالىق پوەزياسى»، «اقىن-جىراۋلار»، «حالىق پوەزياسى جانە بۇگىنگى ٴومىر»، «شۇعىلا»، «ٴبىر قىز بەن ون التى اقىن»، «ەكى مىڭىنشى ساپار» اتتى كىتاپتارى مەن ٴار ٴتۇرلى ۇجىمدىق جيناقتارى جارىق كورگەن.

مادەنيەت سالاسىنداعى ۇزاق جىلعى ەڭبەگى باعالانىپ، قازاق سسر جوعارعى سوۆەتى پرەزيديۋمىنىڭ 1976 جىلعى ۋكازىمەن ماناپ كوكەنوۆكە «قازاق ٴسسر-نىڭ ەڭبەك سىڭىرگەن مادەنيەت قايراتكەرى»، ال 1980 جىلى20 قاراشاداعى ۋكاز بويىنشا «قازاق ٴسسر-نىڭ حالىق اقىنى» قۇرمەتتى اتاعى بەرىلدى.

رەسپۋبليكامىزدىڭ ونەرى مەن مادەنيەتىنە سىڭىرگەن ەڭبەگى جوعارى باعالانىپ، «سسسر مادەنيەت مينيسترلىگىنىڭ وزىق قىزمەتكەرى بەلگىسىمەن»، «ەڭبەك قىزىل تۋ»، «حالىقتار دوستىعى» وردەنىمەن، بىرنەشە مەدال، گراموتالارمەن ماراپاتتالعان.

سىر بويىنىڭ دارابوز اقىنى م. كوكەنوۆ 1992 جىلى 29 ساۋىردە 64 جاسىندا دۇنيەدەن ٴوتتى. 1993 جىلى ونىڭ باسىنا كەسەنە تۇرعىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي