BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

كۇزدىڭ سوڭعى كۇنىنىڭ ىزعارىن-اي...

كۇزدىڭ سوڭعى كۇنىنىڭ ىزعارىن-اي...

كۇزدىڭ سوڭعى كۇنىنىڭ ىزعارىن-اي،

اللانىڭ سول بۇيىرتقان تۇز ٴدامىن-اي.

قىرىققا دا جەتكىزبەي ٴومىرىڭدى،

تاعدىرىڭدى ماڭدايعا سىزعانىن-اي.

كوڭىلى كوكتەم، جانى جاز جايدارىم-اي،

قۇزدان قۇلاپ تابانىڭ تايعانىن-اي.

قاپىدا ايىرىلىپ ٴبىز بوزداپ قالدىق،

جاماناتقا قيمايتىن ايبارىم-اي.

ق ۇلىنىڭ جىلاپ قالدى قۇنداقتاعى،

قايعىنىڭ ورنادى عوي ٴزىل باتپانى.

اششى وكسىك كەپ كومەيگە تىعىلىپ-اپ،

قيىن بولدى جۇرەكتى سىزداتقانى.

«اق جەڭگەم» دەپ جىميعان قورعانىم-اي،

جاپ-جاسىل بوپ قۋراعان ورمانىم-اي.

5 بالانىڭ قىزىعىن كورە الماي،

ىشتە كەتتى-اۋ شايناۋلى بارماعىڭ-اي.

اللا جازدى سابىر بەر، جاراتقانىم،

ولىلەرگە يمان بەر ابات تاڭىم.

ٴۇمىت سىيلا جاندارعا جابىرقاۋلى،

كورۋ ٴۇشىن عۇمىر بەر تاڭ اتقانىن.

وسى ەكەن عوي اللانىڭ شىراعدانى،

مەزگىل جەتسە سولادى شىنار باعى.

ٴبارى اقيقات جازىلعان قۇرانداعى،

ەسكە سالار سۇم اجال ٴبىر اللانى.

قول جايىپ دۇعا قىلدىق تاڭىرىدەن،

كىم قاشار جاراتقاننىڭ امىرىنەن.

ارتى جارىق بولسىن دەپ دۇعا قىلدىق،

شامشىراق جانىپ تۇرسىن قابىرىنەن.

ٴاۋمين!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي