USD 334.89 EUR 361.61 RUB 5.28
استانا:

بۇل كۇن - ٴتول تاريحىمىزدا تۇڭعىش رەت پرەزيدەنتتىك باسقارۋ جۇيەسى باستاۋ العان كۇن - داۋرەن ابايەۆ

بۇگىن قازاقستان رەسپۋبليكاسى تۇڭعىش پرەزيدەنتى ەلباسى كۇنى. وسى ايتۋلى مەرەكەگە وراي قازاقستان رەسپۋبليكاسى اقپارات جانە كوممۋنيكاسيالار ٴمينيسترى داۋرەن ابايەۆ حالىقتى مەرەكەمەن قۇتتىقتادى، دەپ حابارلايدى baq.kz ٴتىلشىسى.

مينيستر قۇتتىقتاۋىن ٴوزىنىڭ الەۋمەتتىك جەلىدەگى پاراقشاسىندا جازدى.

"ارداقتى اعايىن!

بۇگىن حالقىمىز مەملەكەتتىك مەرەكە – قازاقستان رەسپۋبليكاسىنىڭ تۇڭعىش پرەزيدەنتى كۇنىن قارسى الۋدا.
بۇل كۇن - ٴتول تاريحىمىزدا تۇڭعىش رەت پرەزيدەنتتىك باسقارۋ جۇيەسى باستاۋ العان كۇن.

ەگەمەندىكتىڭ ەڭ قيىن جىلدارىندا پرەزيدەنتتىك بيلىك قوعامدى توپتاستىرۋدىڭ، ساياسي تۇراقتىلىق پەن قالىپتى دامۋعا جۇمىلدىرۋدىڭ قۇرالى رەتىندە قىزمەت ەتتى.

ەلباسىنىڭ باسقارۋىمەن حالقىمىز ٴبىرتۇتاس ۇلت رەتىندە نىعايىپ، الەمگە جاڭا قازاقستاندى ايگىلەي وتىرىپ، تابىستى مەملەكەت قۇردى. ەلىمىز بىرلىكتىڭ بەسىگىنە، تاتۋلىقتىڭ تۇراعىنا اينالدى.

مەرەيلى مەرەكەمەن شىن جۇرەكتەن قۇتتىقتاي وتىرىپ، بارشاڭىزعا باق-بەرەكە، وتباسىلارىڭىزعا اماندىق، ەڭبەكتەرىڭىزگە تابىس تىلەيمىن!" - دەلىنگەن ٴمينيستردىڭ قۇتتىقتاۋىندا.

ەسكە سالار بولساق 2011 جىلعى 14 جەلتوقساندا مەملەكەت باسشىسى «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسىنىڭ زاڭىنا تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، وندا 1 جەلتوقساندا اتالىپ وتىلەتىن جاڭا مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنىن بەلگىلەۋ كوزدەلگەن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي