BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

مۇحتار شەرىم. بۇگىنگى ساتيرا. جاعىمپازدار جاساسىن!

–شىرەنگەنىڭىزدى كورگىم كەلەدى، ٴسىزدىڭ جولىڭىزدا جەتى ٴمينوت ولگىم كەلەدى!
–باسىڭىزدا قالپاق، بەتىڭىز بەرەكەلى جالپاق! ٴسىز ناعىز باستىققا ۇقسايسىز!

ايىم وڭىمنان تۋىپ، جۇرگەندە قىزمەت قۋىپ، ٴبىر كۇنى «جاپىرىپ جەي سال!» دەپارتامەنتىنىڭ باستىعى بولىپ شىعا كەلدىم! سول ەكەن، الدەكىم سۋرەتىمدى الەۋمەتتىك جەلىگە جابىستىرا سالىپ ەدى، جاعىمپازدار جامىراي پىكىرلەرىن جاۋدىردى. ٴوزىم ۇيالىپ كەتتىم. مىنە، وقىڭىز:
–قىزمەتىڭىز قۇتتى بولسىن، ونىڭ شەگەسى مىقتى بولسىن!
–داكە، ايعا ۇشىپ كەتىڭىز، اياعىزدان تارتقاندارعا قۇسىپ كەتىڭىز!
ٴ–سىزدىڭ باستىق بولعانىڭىزعا شىن شۇرەكتەن قۋانامىن دەپ، اۋىرىپ قالدىم!
ٴ–سىز وسەتىن بالاسىز، كەرەك بولسا، استاناعا كوشەتىن بالاسىز!
–اياعىڭىزدىڭ تالتايعانى قۇتتى بولسىن!
–شىرەنگەنىڭىزدى كورگىم كەلەدى، ٴسىزدىڭ جولىڭىزدا جەتى ٴمينوت ولگىم كەلەدى!
–باسىڭىزدا قالپاق، بەتىڭىز بەرەكەلى جالپاق! ٴسىز ناعىز باستىققا ۇقسايسىز!
–ەڭبەگىڭىز لاپىلداپ جانا بەرسىن، دۇشپاندارىڭىز ارپىلداپ، ارتىڭىزدا قالا بەرسىن!
–سىزگە سەنىم ارتامىز، مىنە ٴبىزدىڭ باتامىز: قىزمەتىڭ بۇدان دا ۇلكەيىپ، كيت بولسىن، كورە الماعاندار كىشىرەيىپ، بيت بولسىن» ٴاۋمين!
–داكە! ٴسىزدى تۇسىمدە كورىپ، ٴتۋفليىڭىزدى تازالاپ جاتىرمىن، كەشىرىڭىز، بەتىڭىز¬دەن ٴسۇيىپ، مازالاپ جاتىرمىن!
كۇندەردىڭ كۇنىندە قىزمەتتەن بوساپ قالدىم. ماعان باسقا قىزمەت تە بۇيىرمادى. باياعى جاناشىرلارىم دا، ەسەبى جوق دوستارىم دا، ٴتىپتى تۋىستارىم دا تاراقان بولىپ كەتتى. تىم–تىراقاي قاشىپ... بىرەۋ سۋرەتىمدى الەۋمەتتك جەلىگە سالىپ، استىنا پىكىرلەرىن جازىپ قويىپتى:
–ساۋاپ بولىپتى، باسىڭا بودەنە قونىپتى!
–قىمەتتەن مۇرتتاي ۇشىپ تۇسكەنىڭىز، سوعان قايعىرىپ، اراق ىشكەنىڭىز قۇتتى بولسىن!
ٴ–يتتىڭ بالاسى! ايعا ۇشپاي–اق، جەردى جەتىستىرىپ الشى!
ٴ–سىزدىڭ ورنىڭىزدان وماقاسا قۇلاعانىڭىزدى ەستىپ، اۋرۋىمنان جازىلىپ كەتتىم!
–باسىڭىزدا باتپاق، بەتىڭىزدە شيماي–شاتپاق! ناعىز جەكسۇرىنعا ۇقسايسىز!
–سىزگە سەنىم ارتپايمىز، ايتقانىمىزدان قايتپايمىز، مىنە تەرىس باتام: «ەسەك ەدىڭ، ەسەك بول، قىسقاسى ەشاك، ەشەك بول! ٴاۋمين!»
و، جاعىمپازدارىم مەنىڭ! جاسا، جاعىمپازدار!

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي