BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قۇربان بولعان بالالاردى ەسكە الۋ ماقساتىندا كاپيتوليي جانىنا 7 مىڭ اياق كيىم قويىلدى

فوتو: CBS News

ۆاشينگتون قالاسىندا كاپيتوليي جانىندا قارۋلى قاقتىعىستان، زورلىق-زومبىلىقتان كوز جۇمعان بالالارعا ارنالعان ەسكە الۋ شاراسى ٴوتتى. بىرنەشە مىڭداعان تۋفلي دالاعا قويىلدى، دەپ حابارلايدى baq.kz اقپارات اگەنتتىگى cbs news-كە سىلتەمە جاساپ.

2012 جىلى سەندي حۋك باستاۋىش مەكتەبىنە شابۋىل جاسالىپ، سۇمدىق وقيعا ورىن العان بولاتىن. الايدا، مەكتەپ وقۋشىلارىن ٴولتىرۋ مۇنىمەن توقتاعان جوق. ەڭ سوڭعى رەت 17 اقپاندا پاركلەند قالاسىندا اتىس-شابىس ورىن الىپ، 17 وقۋشى مەرت بولعان ەدى.

زەرتتەۋ بويىنشا، امەريكا پەدياتريا اكادەمياسىندا 1 جىلدا وققا ۇشىراپ، كوز جۇمعان 1300 بالا تىركەلگەن، ياعني، ٴۇش كۇننىڭ بىرىندە ٴبىر بالا قازا تابادى.

لوري حااس 2007 جىلدان بەرى قارۋ-جاراق ۇستاۋعا تىيىم سالاتىن ۇيىمعا مۇشە بولدى. ويتكەنى، ٴدال وسى جىلى ۆيردجينيادا قىزى وققا ۇشىپ، قازا تاپقان.

ال ەليسون پاركەر رەپورتەر قىزمەتىن باستاعان ساتىندە وسى وقيعا بارىسىندا كوز جۇمدى. ونىڭ اتا-اناسى جاسىل ٴتۇستى ەتىگىن اكەلىپ، سۋرەتىن قويىپ، بالالارمەن بىرگە ٴوز پەرزەنتىن دە ەسكە الدى.

«ٴبىزدىڭ ٴۇيىمىزدىڭ جارىعى ٴسوندى، بالانىڭ قازاسى اۋىر»، - دەدى ەليسوننىڭ اناسى.

ەسكە الۋ شاراسىنا جيىلعان اتا-انالار بالالاردىڭ قازا تابۋى كونگرەسس جۇمىسىنىڭ السىزدىگىن بىلدىرەدى دەدى. ال جينالعان 7 مىڭ اياق كيىم جاعدايى جوق بالالارعا سىيعا تارتىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي