BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

جاپونيادا نوسەر جاۋىننان كوز جۇمعاندار سانى ارتۋدا

فوتو: ria.ru

جاپونيادا نوسەر جاۋىن سالدارىنان كوز جۇمعاندار سانى 100 دەيىن جەتتى، دەپ حابارلايدى baq.kz اقپارات اگەنتتىگى ريا نوۆوستي پورتالىنا سىلتەمە جاساپ.

كي ودو اگەنتتىگىنىڭ حابارلاۋىنشا، وكاياما پرەفەكتۋراسىنىڭ كۋراسيكا قالاسىندا سۋ تاسقىنى كەزىندە قازا تاپقان تاعى جەتى ادامنىڭ دەنەسى تابىلدى. وسىلايشا، جاپونيانىڭ باتىس اۋماعىندا ورىن العان سۋ تاسقىنى مەن كوشكىن سۋ قۇرباندارىنىڭ سانى 100-گە جەتتى. nhk اقپاراتى بويىنشا، تاعى 50 ادام حابار-وشارسىز جوعالىپ كەتكەن.

جاپونيانىڭ مەتەوقىزمەتى الداعى ۋاقىتتا بولاتىن سۋ تاسقىنى تۋرالى ەسكەرتۋدە. بۇعان دەيىن حابارلانعانداي، حونسيۋ ارالىنىڭ وڭتۇستىك-باتىسىنداعى حيروسيما پرەفەكتۋراسى جانە سيكوكۋ ارالىنداعى ەحيمە پرەفەكتۋراسى تابيعات اپاتىنان ۇلكەن زارداپ شەكتى.

ەسكە سالا كەتسەك، وتكەن اپتانىڭ سوڭىندا جاپونيانىڭ ورتالىق جانە وڭتۇستىك-باتىسىندا نوسەر جاۋىن باستالعان بولاتىن. ال جەكسەنبى كۇنى تاڭەرتەڭ گيفۋ پرەفەكتۋراسىندا 1050 مم، ەحيمەدە – 745 مم، كيوتودا – 465 مم، حيروسيمادا – 442 مم، حيوگودا – 430 مم، وكايامادا 310 مم جاۋىن-شاشىن ٴتۇسىپ، اتالعان سوڭعى اۋماقتاعا ۇيلەر ەكىنشى قاباتىنا دەيىن سۋ استىندا قالدى. بۇل ورتاشا ايلىق نورمادان ەكى-ۇش ەسە كوپ كورسەتكىش.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي